لملمت
كل البواجي
كابرت غيمي ومشيت

صعدت
براسي الشموس
و دورتروحي اعله فيّ

ومالكيت


حسن الخزاعي

گالولك قبل عندي علاقات ؟؟
وغيرك عاشگ انه هواي اسامي ؟؟

اعشگت غيرك نعم !
بس تعرف شلون ؟
اعشگتهم مو صدگ وانه باحلامي

وانه عندي قصد حبيت گبلك
حتى امتلك خبرة في غرامي

وانه الحبيتهم چانو بروفات
حتى انت تضل مسك الختامي

#عبدالحسين_الحلفي🌿

❤
صدرك إيلم الگلايد
و انه مامش حزن
ما لماه صدري !!
و انتَ تدري !!

#عباس_المعموري🌿

گالولي تجي

و حطّت عصافير المحلة أمتانية الخطار

و أغصان الشجر
نفضن ورگ حنة وصواني زغار

لـ عبد الكريم القصاب

منين اجيكم..!

والدروب الچانت الكم..!
كلها صارت مو عليكم..!

يمته اتغطه بحچيكم..!
يمته طيف عيونه يسَير عليكم..!

#فواز_رشم 🌿

بَسَك عذر !!

عذرك يشگ إمرارتي !!


#مظفر_النواب🌿

سولفت بيكم للگمر ،
شــو ما اجيتولي بحلم

#رضا_الكعبي🌿

حبيبك راح ..من گالوا احساسك راح

او وصلت لحالة اوهوس من عليك اطرش

اسأل بالدرب ...ماشفت حايط فات!!!!

وتلفلف بدربك جفني مايمرش..

#مثنى_كامل🌿

وغاد من رمشي لمض وجهك نهار ..!
وغاد من حزني لگيت دموعي ضحكه وطافحه بحلگ الزغار ..
وغاد من روحي
لگيت الدنيه انتَ ..!

كاظم الركابي

يمته اگللهم تحبني
و ما اجذب ؟!

لـ ازهر كريم

أخذني وياك..
انه مطشر حنين و شوگ
مو صعبه عليك تحطني بجيوبك.."

ادهم عادل🌸

زعلني بس ابتسم
و اتصنت اعله الگلب تلگاه صايحلك

-وصدگني گبل الزعل حتى انه طايحلك!






احمد ابراهيم🍃

علمتني الدنيا أميز بالدموع
اعرف الدمعة الصدگ والموصدگ

اكو هواي إدموع بس منظر تطيح
واكو ءبسامير وعلى الوجنه تدگ

واكو اطفي النار وتهدي الجروح
واكو لا طيحتهن أزيد الحرگ

واكو دمعة برغم راعيها بعيد
بس تحسها بنفس ريتك تنشبگ


#ميثم_فالح🌿

تعال و خاطري امتانيك !!
ما احس بـ طعم وي ناس يم العين
بس انتَ البعيد بـ كلشي احِسَن بيك

#كاظم_الركابي🌿

افرشلك الليل اعله طوله بضوه

وما بين نجمه ونجمه احطلك گمر

#صابرين_الكعبي🌿

بوگني من الفوانيس وضواها
لـ وين ما بالشوگ ديرة ..

وانة ادريهن تراچي الفاگدات
يحملن بكفخة ظفيرة

اچفيني ..
خل امشي اعلى عرفك
الماي تدري منين مايچفونة يمشي
ما معلّم على الحيرة
.

ياسر الانصاري

ما اكتب شعر عالماي
انه استحي من العباس ابالي الموقف اتذكرة
اخافن لو گلت عطشان
واكسر خاطر الزهرة

وادور عنك بروحي
ولگيتك بية متربع
شسولف وانه اشوفنك
غصن من الله متفرع

و الومن حضي المعثر
لان بالطف جنت غايب
تمنيت انه اصيرن ماي
واروي گليبك الذايب

واحط #ابني بمهد عبدالله بلكي يحوس
اذا فزت #رقيه تنام لو شافت مهد متروس

وازحف واعتني لحسين
اگله ادخيلك اقبلني
مادام الجسد بي حيل
احضن صدرك بصدري
بلكي ادوس فوگي الخيل

يم غار الخيام هناك.
اصيرن عنكبوت واحرس خيامك
ماخلي العده يطبون
ولا تتطشر ايتامك

اروحن فدوه لترابك...
كل هذا العذاب يهون
اريدن عيني ماي تصير
واسگيك بدمع العيون

واســكّت اطفالك اليبجون
ومثل عابس
اريد بحبك اتخبل
واحصل رتبة المجنون

وافرّع صدري للطعنات
تغفة سهامك بجسمي
وشهيد انحسب عن الله
وترفع راس بيه امي




#الشاعر_سيف_العبادي

كـون أموتن بـ المـواكب حَتـى أعـيش

المـيت بـ حـبكم يـظل طاريه شاب…!



لـ #منصور_البدر