إجه اليندل بواجي اخته
إجه المملوحه سالفته
مدري شيوجع عيوني اذا مر يوم ماشفته
كلشي بوكته صح يطيح بس عباس مو وكته

محمد العلي

روي عن السريع ابن ابي السريع
عن ابي الموشح ابن ابي الرمل قال

رأيت النصاري عند ابي الفضل
وهو متوجهآ نحو الجيش
وسمعنا اليتامى ينادون ..
العطش العطش ياعماااه
.
افترك عباس لانها بعيد الخيام
ترس جربته وحط علـ النهر خط
گال الماي خاف تگول ماكال
اروحن ورد الگاك اثنعش شط
.
حيدر_الشيباني

يـا عباس

ضل بــ خاطر سكينه
ماجبت النهر مچتوف ومكطع شرايينه




حسين الوائلي

ذكر روحه
وشمر چفينه بـ رسوم النهر شامه
وسَجل موقف النبله بـ رفيف العين
حدما شْربت أحلامه
وگال الماي للـ مو ماي


ياسر الابراهيمي

ولجمنـه اجروحنـه بعاشـور

كلمـن يبجـي لحسينـه.!



عامر عاصي

شريف الدم
قصيدة كتبها الشاعر عريان السيد خلف بحق الإمام الحسين (ع)

معذوره الدموع عليك ما تنشف
ومعذوره الگلوب تهيم بيكم شوگ
وتتعفر جباه الناس بأرض الطف
أجيال وعصور تعاگبت وأزمان
ودمك يا شريف الدم بعد ماجف
ياأول رفض لمصافح العفنين
ويا أول نعم للموت من يحتف
وياأشرف أسم ..سماك جدك بيه
ويا بزغت بدر..شع بالسمه وشرف
يالموتك..خلاص من الظلم والحيف
وگبرك باب كعبه وگبتك مصحف
يبن ذاك المغيث .الغوث أجيت أنخاك
أريدك بالشديده وياي تتلطف
مثجل بالهموم الحد گطاع النيط
وطوال الوسيعه أعله الگلب تگصف
وأنت أبن الاسد عطاي للينخاك
محبتكم دوه وللجرح تتوصف
أشيم الروح .تصبر تجفل من الصوت
يوجعها الوكت.حدما بدت تتلف
أذكره بمصابك تخفض الجنحان
هيبه الوكفتك ما بين صف وصف
يالشايل عذاب أجيال تتله أجيال
أليثگل علينه . أعليك هان وخف
فرق بين الچفوف التزهي بالصمصام
وبين چف يشيل كاس ودف !
تتعرف الناس بحادث وعنوان
وأنت الكون ظل بس بيك يتعرف
وأنت الكون ظل بس بيك يتعرف


... عريان السيد خلف ...

الرمح مو جناز لاجن سوله بي

مدري ليش يموت عل مو مالته

ناصر البدري