خل يطفالي كلشي ولا ضوه عيونك
.
#زيد_الهاجري

شسوي وننجمع ؟ ما ودچ ترجعين ؟
عندچ حلوة عين و باب نگضيها ؟

عندچ حلوة أسامينا عِرف للناس ؟
من يمته أسامينا لِسن بيها ؟

من يمته زعلنا يصير أسمه فراگ
وأنعاف أعله شغلة وما مسويها ؟

#زيد_الهاجري

گــلشي بيه يبوســك من اتلاگه بيــك

#زيد_الهاجري

شسوي بـ شوّف ما لمّك
شسوي بـ صوت
أذا ما ينرسم بأسمك
الما راد العمر ينعاش من دونك
ليش العافيه تريده

ليش أتلاكَه
ويه الطافي بعيوني ؟!
وأنته عيونك بعيده

#زيد_الهاجري

❤
طيحي فوگي !!
المشمش التثكل ثمرته يلين حيله
طيحي فوگي
اشـ كثر رمان اعله شفتج مال واحد يشتكيله

#زيد_الهاجري🌿

❤
شگلك وانة گايلك
غيرك مو رزق عيني

#زيد_الهاجري🌿

لگيتك مشتهي تحبني كلت لـ گلبي هنيآلك

#زيد الهاجري

خاف الله بيه ولا تضيعني وياك
علمني أذكرك لا تعلمني أنساك

الجايّك تعبته ناسه و دنياه
من طاح وحده ، ما لگه الطاح وياه

تخوّفني فكرة من أفز ما ألگاك
خاف الله بيه ولا تضيعني وياك
.
#زيد_الهاجري

چنت بس أنته الوحيد اليمّه أحس
ما عندي قوّة ،

چنت گاضيها أعتذرلك

حتى لو چان السبب ما يسوه
چان وياك يسوه !

#زيد_الهاجري

چان ممكن
مثل مآ جآبتّچ گبالي القصيدة
تشيلني و تاخذني يمّچ

چان ممكن للأحلام الفارغة الما ألها داعي
الماخذتني لناس لا أعرف شكلهم
ولا ردت فد يوم يظل بيّه عطرهم

چان ممكن للأحلام تگلي شنهو تريد ؟
چا گلتلها أشمّچ

مستحي من أنتظاري لطولچ الما مشتهيني

آنه أشك ظل شي حلو بالدنيا بي أگدر أشبّهچ
كلشي بي حكمة بزواله ، ألا وجهچ

كلشي ممكن چان ، بس صوتچ نساني
وحيل صعبه للتهمّينه يحس ما صار يهمّچ

أستخدمي الما سامعه ، هواي أشتهيته
وصيحي بأسمي

بيّه خوفه لا خدار أطرافي يكثر
والشلل ما يفتهم رغبة چفوفي لو ردت ساعتها أضمّچ

آنه كل هالفترة ما گايم لأحد ما شايل أسمچ
.
#زيد_الهاجري

لـو منـك وجـه ملگـه
چـا وصيتلـك عينـي !!..
ولـو تنبـاگ ؟؟
چـا بگتـك ..
.
#زيد_الهاجري

آنه آخر سمار يمر على عيونچ
آنه آخر رجل يتمشى بظنونچ

آنه الطاحن گباله وطحت بيدچ
آنه الينذر عيونه لمواعيدچ

#زيد_الهاجري

بعدني
أندلّك شما تيّهت كلشي

بعدني
أعكَـدها بأسمك خطوتي من أمشي

بعدني
أنويها ألك كل عافيه بروحي
ولهسه أعله فكَـدك ما نشف رمشي

..
#زيد_الهاجري

تتمشه بدرب ريتي
نفس مشهوگ واشتمك
و تطشرني بدرب
واتعب وارد وارتاح والتمك
اذا مو بيك بيمن تستلذ روحي
اذا مو ليل شيسوي السهر يمك
اذا مو ماي ليش تبلل بعمري
اذا ناسيك ليش اعثر بطاري اسمك
.
#زيد_الهاجري

خاف ينّسد وألك جيّه ،،
وخاف أفتحه وكلشي بالدنيا عداك يمر عليه !

فوبيا البيبان ، من ما ودّعتني بدت بيّه ..

#زيد_الهاجري

يلما بيك كل حركَـه
هم نتلاكَـه مثل الناس
لو رهمتلك الفركَـه ؟

#زيد_الهاجري

شهالنسيم الماخذ هدومك ونسته ؟!
شهالحمام المشتهي چفوفك غرفته ؟!

• شهالعطش بيه أعله شمك ؟!
• شيل مني المايشبهك

ريّدني ، أنسالك هويتي
لوّحني ، أتركلك دنيتي

جيسني
أبديني أعله عرفك

شفايتلها وطينتي ، تتسمى بـ أسمك

شفايتلها ، سنيني لو تكَضي أعله وجهك
وأدري عدمن يستحق ينعاش عمري

• فوت يمي ، ورشلي منك

عطرك يسويلي واهس
أعزم الدنيا أعله صدري ،.

#زيد_الهاجري

خوّفتني
بعد ما عندي شجاعة أشتاگلك حتى من أريدك

خوفي من الصوت ما نوّمني ليلة
الصوت من گدما قوي ، يبعد
وأحس روحي أجيله

لو تسمعه
چا عرفت شسوّه بيّه

لو تسمعه
چا خفت مثلي
وبقيت سنين ، مو وياي ، بيّه

صوت أصابيعك وهنّه ( يطلعن ) من چفوف أديّه

#زيد_الهاجري

شفايتلها اسنيني لو تگضي إعله وجهك ..ّ

#زيد_الهاجري
.
.

كلشي بالدنيا من اروحله يرجعني عليك

انه اگدر ما اذكرك بس احب اتناسه بيك

#زيد_الهاجري