ون يبو ضلوع الكَصب
واهسنه هور
وحيل بردي
وخل نغني ثنينه حجاية جرح
وانته تدري
يطرب المجروح من يلجمه عود
وياكل بچبد الهوه لو يرف مغتاظ

#علي_حسن_علوان

ادموعي سهلة امسحهن
ومحد يشوف
الحيرة البوجهي اسألك
تنمسح ؟؟

#علي_حسن_علوان

مشكور جازيت التعب ، بس يمته !!
شايف اشثگله المايجيك ابوكته ..
بالفزعه ، هم ضايگ ال چا وين افلان ؟؟
و شتضوگ منها ! وهو الفلان انته ..

#علي_حسن_علوان

اشما يبعد ضوه الشباچ

يگرب حيل من الله ..

اشما يحلم ابفتحة باب

سجنه ايصيحله (اسم الله) ..

واعد اصحابه والگاهم ولا عابس ..

الـ وي كل خطوه ينزع ثوب

مدري اشچم عشگ لابس ..

اشتهيت امراد

اشيلمك ياجسر بغداد .. ؟؟

#السلامﷺعليكﷺيابابﷺالحوائج
#يا_كاظـــم_الغيـــظ
.
#علي_حسن_علوان
.

والله ماشابع محنه وگلبي حار

بعد منچ ردت بوسه اعوازه

و يلّه اضحكيلي ضحكتچ بيها خير

اوياچ شاب ايموت عالغمازه

توني راجع من عشگ بعيوني مات

و هيّ توجع رجعة الجنازه

أنتي وكت العازه گلتيلي تعال

انطيني خدچ هذا وكت العازه

.
#علي_حسن_علوان

وصلو الحچي للمايعّرف ايحبها
ياويله من كون اسمع امتعبها ..
بشهر العسل من تبچي معذوره اهواي
چا .. هيّ هاي الماخذت صاحبها ..
.
#علي_حسن_علوان

سلميلي ع الما عرف يمچ يطفه

من هالوكت لا اعرفچ ولا اعرفه

گليله خل يدير بس الشباچ

يوجعني من ينسد گلوب الغرفه

#علي_حسن_علوان 🌿

:
بية گيمر عرب
بس مدري اشيصير

من احطنه اعلى ذاك الكاهي

#علي_حسن_علوان🌿

كالولي تستاهل بكلبك ضمها ؟
والكعبه كد ما حلوه حبيت امها..
.
#علي_حسن_علوان

#سحور_العافية_والشعر


_ #علاء_الياسين يگول🌿

سكتت العاقل سوالف ....

#علاء_المغشغش يگول 🌿

تروح عالثوب اليكد عين الفقير

#عارف_مأمون يگول 🌿

كون كل واحد يحط عينه اعله إذنه ؛
الدنيا خير!

#عريان_السيد_خلف يگول🌿

المحنه الزايده ترخص ..

#علي_حسن_علوان 🌿

شايف إشـ ثگله الما يجيك بوكته ؟!

#عباس_المشبك يگول 🌿
مطر ما چلّب بجنح الحمامه

#حسين_عبد_الوأحد يگول 🌿
كل ساعه اندفع ! حاسبني عاشگ ... باب

#كرار_الزيدي يگول 🌿

الگمر يفتح عينه مكسور الضهر

#علي_نافع يگول 🌿
يتعب والصبح وجهَ اسود الفانوس

#مرتضى_الغزي يگول 🌿
هيبة الجندي بـ دمه فوگ البدله

#باهر_الجنديل يگول 🌿

طبعاً الجام اليطيح بگومته يحس بـ نقص

#سعود_الخفاجي يگول 🌿

مشتاگلك گتله وسكت ! يمكن جرحت إحساسه

#علاء_الخيگاني يگول 🌿
استحي من الله من اصلي وبالي مو وياه ..

#مصطفى_الغرباوي يگول🌿

كلهه تغازل بلگمر نكروه فضل الشمس

اتونسوا ❤❤

💔💔
الله الله الله

” ء ﺂعادةة ٺوﭴﯾھﮧ لݪتحب يســمع 🌸

#علي_حسن_علوان🕊

اعذرني النهر من يسكت يجامل
ترى غير الـ احبك كلشي ماگايل
واحرگ صورتك كلما يغثني الليل
ألبومك نقص بس الجرح كاامل
.
#علي_حسن_علوان

هو العنده خدك كفرة من ينعاف
يلـ تخبل مثل لعابة الجاهل
شحلاتك من طحة
طيحة شمس بالماي
يلـ مايل مثل ماحاجبك مايل
بس وصلت وياي لدوسة الچكليت
مو دوم اليحب يعيش متنازل
من انكت جفوفي تراب تعبي يطيح
مثل ذاك التشوفه بدلة العامل
.
#علي_حسن_علوان

بدت تكبر ابروحي أل،كون ألاگيك
و فقره اگلوبنه و حُبها اعله گدها ..
علي بالعافيه النايم بلا .. آخ
والما بيّت الدمعه اعله خدها ..
من يوم الرحت لليوم ، هل عين
لاهي الناشفه ولاعرف اسدها ..
.
#علي_حسن_علوان

من أول حجــايه اعله الزلف

خدرت هذيج عيـونها

ومديت اديه وچلبت بالمدري شيسمونها..

#علي_حسن_علوان

لحلوة بالطف ماگو واحد مو عزيز
يابو فاضل موتگ يموت الوراگ'

يالمعــطل رايــهــــم شــو عطلوگ
و مدري چم حرگت گمر شمينه

انت ما تتــوصــه بــس الــدم عزيز
طيحتگ تگطع تــراچي سگينة

طيحتگ هم سهم شيصير الرضيع
و العبي اليظگل شرفــها ثخينه

جــرب واصــرخ شلــونچ من بعيد

شــــوف يا زينب تگــلك زيــنة

#علي_حسن_علوان

شايل گلب لو احطه يم شيب يضيع
شگد حار بس مشكلتي ما اعرف ادفه

اتمنه كل يوم الگه جاسم عريس
وكون اخذ السجاد للمستشفى

وطبيت للطف شاعر وهم عطشان
وإعداي تسمع فكرتي المختلفه

امشي وگلت لهنانه واصل عباس
کل ما تلاگیني بدربهم خسفه

عمت عيني بس ما سلمت ع العباس
ادريها صبعة إعليه شيلة چفه

#علي_حسن_علوان 🌿

تفطر باب الگلب 💔. #علي_حسن_علوان 🌿

قرآن ونبي وانفاسك آيات
ونبرة صوتك اتشبع اليتامه "
ترف كلش ترف والشاهد الغار
گدما ترف ، حاميتك حمامه "
عطر نحر الحسين ابريتك اهواي
وصار الكل نفس تايه علامه "
شنو نفع الورد للريته عاگول
وشنو نفع الجناح البالنعامه "
من احسب عشرتك كلها اويه الايتام
مسحة روس تطلع وابتسامه "
.
#علي_حسن_علوان
_________________________
#عظم_الله_أجوركم_بذكرى_رحيل_الرسول_الاعظم_محمد_ص

لليوم عنهم تنسأل
وهم بعدك تهز ايدك

راحو لغيرك يا گلب
خلي المحنة تفيدك

#علي_حسن_علوان
.