مسية العافيه
اعله الجرح والطعنات
گوه الله
الدموع الحدر جفني تبات
جفيت..
وچنك معلم على الهجران
لا هزك الماضي
ولا ابالك فات
هم صاحب فضل
قويتني بفرگاك
مثل( الخير) المخلف جرح ما مات
#سمر_الخالصي
.

عاتبني لو بـ الچذب
حسسني هم محترگ
مثلي بـ برد فرگتي
عيشني دور المحب
خليني احسك صدگ
تسوه البچي وحرگتي

#سمر_الخالصي
.

وانت وياي
احسك ساجية لكل اه..!
حدما تثگل بروحي وتطيح اوداع..
چا وكت الجفه بيا راي. .
لو مسني هوى ال (مو) ناس!
توگفلي أبگفاي اشراع.
.
#سمر_الخالصي

فرعن حتى الرسايل وانت مايگضن ظروفك !
.
#سمر_الخالصي

لتگولون اخونه! ..اتهيج اوجاعي
وصحبتكم بعد ما الها كل داعي
هي الصحبه موقف! والجره اشينساه
بأزغر عاصفه اتباوع جفه اشراعي
طحت طيحة مطر حسبالكم ما اگوم?
عدت والخضار اتهندم ابگاعي
و لون من غيركم چا لا اعتب لا اگول
بس فشلة ايخذلني الحاسبه اذراعي
.
#سمر_الخالصي

صليتلك..
چم افراگ؟؟
ماضل قضى بأشواگي.."
وبسمك ختمت الفقدان.!
لمن لمحتك بالعين
رمش وهدب متلاگي"

#سمر_الخالصي

بخير بعدك..
لايضل بالك عليه..
شما تزيد جروح گلبي
تضل معزتك هيه هيه..

#سمر_الخالصي

صوفرت چم (بس تعالو )
بـ شفّتي..
وما رف گلبكم
مقتنع مو من قسمتي
المشكله .!
ولساني احبكم
.
#سمر_الخالصي

نگاط صيف! وداعتك ما اثر
حچيك هذاك الي بظهري اطشر
لو تسوه عاتبتك ولكن يفلان
مگدار نمله بعيني اشوفك وازغر..

#سمر_الخالصي

اخلافكم يا نسمه الـ بريتي تفوت..
لا تنعمون الخناجر.!
موش راح انفارگك خو گولو موت'
.
#سمر_الخالصي

الخوف اعله طولي ينام .!

حتى من ارد افيض اعتاب
مامش ناس !

مامش روح .!
مامش صوت ..
مامش لون..

اخم بوجوه المرايات
هلبت تفتهمني شضام .!

هو المثلي من يموت هم ينلام .?

#سمر_الخالصي💕

الشكوى لـ ألله..

وانه بعد الله بصورك مستعين!!.

#سمر_الخالصي

انه كفيت
الدمع
والـ اه
من ذيچ الرساله..

هذا حدنه '
وكلمن يلملم حنينه
ويلتهـي بحسـبات بالـه..
.
#سمر_الخالصي

كلشي يوجعنه بغيابك حتى عتبة بابنـه!!
حتى گطرات النده!!
بحضن الورد..
وترابنـه"
وكل درب ودانه ليك وجابنـه..

لسه ضجة ضحكتك تملي الدرابين القديمه..
لسه كل مسعد يذكرك..
تنچفي بروحه السوالف يا حريمه!

المثلك يسمونه ذكرى شگد هظيمة.!!
.
#سمر_الخالصي

وچنت اگلك
ماي وجهي وديرتي وهيبة صباي
ودرت وجهك
وانچفيت
ولسه ماكو بوجهي ماي ..!


#سمر_الخالصي

كون البخت يستعدل ونلتقي
بنص ريتي الوليلك بعيد الحضن

#سمر_الخالصي

من چنت كلش بريئه'
وإنت عاشرتك ذنب..
گالو شگـد يجفي عنـچ..
وانـه گلتلهم يحب..
بالرغم ادري بـ نسيمك
بالحقيقه المن يهب..
حتى من تگـول احبچ بالـ (چذب)..
حتى من تبعد مأمنه چي چنت
مضممومه بيك..
هسه كلي تطشرت مابيه اجيك


#سمر_الخالصي

ياهو اليقنعني اكرهك ؟؟
ياهو الينسيني وِدَك ؟؟
منهو يگدر ؟؟
آني احبنك مثل حبي لـ هَلي
و نوبات اكثر !!

#سمر_الخالصي

تــذكــر بساعات جرحك
مــن اگــلك..بالسلامة..
مودع وناسي اعتبرني..؟!
تذكر شگد گتلك اتهنى اويــه غيري.!
ودبرت ضحكات صلفـه
وگبعت بيهن دمعتى ورجفتي وشوغات حزني..
وتذكر شگد چنت اگلك
انــت ياهو؟؟! ومــا تهـمنــي.!
چنت اكابر يا حبيبي وچنت اضنك تفتهمني ..
اخ لو بس تفتهمني..
چنت اطول بالموداع
بلچي منك تطلع احچايه التردني..
ردتك تحسسني اهمك
من اگلك هدني ترفض ما تهدني..
ردت لو بس مره چفك
من تهل دمعاتي يلعب دور ردني
.
#سمر_الخالصي
.
.

ياهو اليقنعني اكرهك ؟؟
ياهو الينسيني وِدَك ؟؟
منهو يگدر ؟؟
آني احبنك مثل حبي لـ هَلي
و نوبات اكثر !!

#سمر_الخالصي