طولچ لو وگف يتعاندْ ويَّ الريح
مثل رفعة علم من تنتصر دولة .

الگمر هذا الگمر خلخال
لجدامچ اصوغنه

- رعد الفياض

وأذا وازتك الفرگة !
چا مو كلهن تلمهن

عوفلنه وجه ينشاف
هلبت عين مو عينك ، ولو ماظن
تندار لملامحنه

عوفلنه دمع ينكَال
وين الله وأصابع مو أصابيعك ، ولو ماظن
تسمعنه

أذا لميتهن كلهن ، شيضوكَون من عدنه ؟

دخيل الله
شيجيبلنه شمّه وندري مو منك ، وتلوكَـ أعله ريّتنه ؟

سَمارچ هادئ، يطمّن
و كل ما تتعب اعصابي
أشوف بگهوة عيونچ'
ملاذي الآمن و مَسكن
تايّه من گدت إيدچ
لزمت الخارطة حَسيت
- غريب، و عادچ موّطن ..🤍

وآني آكثر شي أحبه بروحي " إنتَ " .

امنيتي اشوفچ صاحية و مو يم طبيب
و ما تفارگ وجهچ بلحظة السعاده
إنت ورده و أمنية كل الحدايق
ليش كل ساعه بعياده !
و گلبج ابيضّ من شكو أوراق بكتاب
ما تدنيتي على احد ضاج منچ
كلها عاشگتچ يورده من الحزن للاكتئاب
و غيبتچ مو زينه بيچ
و حتى لو عذرچ مريضه على المرض
ما نتعب احنا
بس عليچ ♥️

افتهمَني
صِير مو مِثل البقيَه
و افتهمَني
ردتك أنتَ و ما ردت
غيَرك يحبنِي
ضُمني گطرة ماِي بيَدك
لا تذبنِي
شيَل هَمي
و صيَر ضحكه بيَوم حِزني .

انتِي مو حيَّ الله فرصة
انتي فرصتنا السعيدة ♥️

يسالفتي بتوالي الليل
مشتاق لدِفو صَوتك
كِتلك روح بس مو هَيچ
ليش تروح كُل قِوتك .

ياصاحب الوجه الحَسِن
يا حور اليشبهونك ؟ 😍

الحَچي بيَناتنا
عُيونچ مّدوختني
ومن بين الأحبهُم
بوگ باگتني

معزتك عندي تدري شلون ؟
جندي وعنده بس چيله .