وامشي خطوة
يجوز يطلع مو سراب
وتنفتحلك عين ماي وترتوي
يمكن تلاگي بطريقك حب عظيم
ليش كاضيها بغرفتك منطوي
يجوز تلگه بصفحة مضمون الكتاب
بغير صفحة تشوف مفهوم الطوي
وميز الايام اليمرن عليك
وعيش باجر لا تعيش البارحة
وفتش بحيطان بيتك تلگه باب
گبل لا يندگ اريدك فاتحه
والمواقف عيشها وخلگك طويل
حتى تتحمل وجعها وتحتويه
اليوجعنك لازم يمرن عليك
الثمرة بيش تفيد اذا ما تستوي
امشي والمكتوبلك يركض وراك
مثل حرف القافية وحرف الروي