هي هيج
الرسالة تبات... تبرد
وهيه هم نفس الچفوف الخنكتك
بالملكة معضد
عمرك وخلصتة غربة
موت بس بعيد وحدك
لا تمن اعليـك كاعك
راسك يلوليلة زندك

كله منك
أنـتَ سودنت الليالي
الچانت تعدي بضحكتك

وجه آبنادم المكسور
يكسر گلب المرايه

كون اعله خوط الچاي ماتكدر ايدك "

خل أحضنك
يمكن المره الأخيره
البيها أحضنك،
ومنو اليدري ،
الموت ياساعه يجي
ولو متت هواي منك ،
خاف أموت بديره غربه
خاف أموت بعيد عنك 💔

كل هذا الضَّوه وتصطدم بالعتمةِ !

- مهضوم من راسي للعروگ

فاتح عيوني اعله الصور
ومخلي عيني بعينك
والڪَاك تضحك مبتسم
وابچي وأڪَلك وينك ؟
وك خايب بذَني الصور
چنه احنا المضحكينك !

انعدام الشَغف
و الطَفية التجي بالروح
علية ايام عدت و الوكت نفسه
كل ذاك الكلام الحَرّك الوادم
من گد البرود الـ بيّه ما أحسه
مثل تعوّيد كل ما أكبر يبيّن
انه براسي قديم الملل مو هَسه
واصل مرحله مو ماضي لو حاضر
مال من الأيام الما أجن لسه ..

لا تحلَف وتعتِذر حِلفانَك يشلَك
وينَك و وين الصَدگ تندَله يندَلك !!

بس أنتي الـ تنسيني الخسارات
نظرتچ عندي اهم من المهمات
كل ما افكر أهدي أُغنية أحتار
- جمال عيونچ احلى من المقامات ..🤍

و خلصنا
و كلمن يرد لمكانه
بس بگلبي غصه للأمانه
صح فارگتك
و فرق الـ يروحون
انا رايح وفي .. و انتَ بخيانه

انه تعبان جاي ادفع ثمن غلطه !
وابد ما جاي اسيطر من احس مشتاگ
واكبر غلطه من تشتاگ للغلطه ..

وانه گلشي البيه منّك
هذا خوفي
ورجفة چفوفي
وحزن روحي وغناها
عرس دمي
وفرحة عيوني وغناي
ومشتهاي، عطش نجمة لضواها
حتى حبك
والنداوة الفوك جفني
كلها منّك

الينكر طيب گلبي وما أجي بباله
مثل مال الحرام ولا اتدناله
والـ اقراله شعر كل ما زعلت وياه
گمت هسه من اذكره الفاتحة اقراله
طلع طلعة الخيط اليطلع من الثوب
وازاني اعلى گطعه وچويته شماله

خلّصت و الدور الأكبر للهدوء
واختصرت الما يرهمن بـ اختصار
دمعة المصدوم ومشيت اعله كيف
بلا اعتاب ولا ملامة ولا اعذار
مو كره ، لأن الكره ينعد شعور
اللا شعور بعشرتك هذا انتصار ..