السعف مايرجف بگدي أذا شفتك

سنين وانتِ بدمي تتوضين
ومن صار الأذان بغيري صليتي

هو الميل لو لاگي رقم يحوي
ماجاب العمر يفتر

تدرون ضيمي منين بادي؟
من البصره لأطراف الرمادي
هذا الحچي بيا ديره سادي
زعلان اگله يگلي عادي ..

دورت عنه شكثر من راح
دوارت حكومه عن السلاح
ياهو اليكضني يگلي مرتاح
وانه اعله گلبي تنام الرماح ..

ـ مالك الباوي

عفتـك
بـس أحـس مـدري شنسـيت ويـاك

تغيـر وجهـي كلـه بذيـچ الحچايـة
الوجـه هـم عنـده سمعـة گبـال المرايـة ؟؟!

حِرگ وَردّات گَلبي وَگليّ ارجَعيّلي .

اجاني وگال نرجع ؟
گتله بأحلامك
من راسك كرهتك بعد لجدامك ..

طلعتك من الصور ومن الگلب والدم
وكلمن ينام بسجن ولوحّده يحلم
لتشيلها جنازتي ولا تبچي اذا سئلوك
و وصيت اهلي تره من الفاتحة يطردوك ..

- علي شاهين

حرّك شوگك الراكد ..

بَس رايد حُضن أشمُر نفسِي بي وأيّد دافية
تمسح علىٰ راسِي

الچنت اندعيله من اصلي
سيّرت اشوفة وگلي ولي
حتى اهله هم مو خوش وياي
محد الله بلخير گلي

صبوا الچاي ومانطوني
ساعه بمصيبه وورطوني
كش برة منهم مامعزبين
چبحين كلش فحطوني 💔

مو نفِس العُمر
بس چنت أداريَك
ماحسستِك بفرق المواليَد .

صيهودك ذبح شوگي
لاتعطش تعال اشرب بگايه جروف
تعبها الرگد روحي ولابلام بيها يحوف

شيعني الهوه صفصاف
خريفك خرب بوجهي ملامح شوف
(يجلمه اوف)
انه بصدري ملاذ الخوف (يجلمه اوف)

عشت شاعر بلايا جفوف
صغتلك من دمع رمشي ندى طاح اعله شباجي
يفزز كل گلب مشغوف
يبو زلوف العليهن صلت حروفي
نجم غافي ابكايه طيوف
يكون اجدامك تحن اعله ملكانه وبدربنه تروف

شوكح حلمك..! يشتلني بدرب تايه
واجيك بركضه الملهوف
واشوفاً وجهك مشرغد ضحك مرتاح
وانه لابس حزن لوني
.
#مريم_القيسي