حقيقة شفايفچ لو رسم مرسومات
شايفهن ولكن بالاوصاف احتار
من عن بعد بيهن لون حب رمان
ومن عن قرب وردي مكاسراته بنار
انه محتار بيهن جاوبيني شلون
ماكبرن وياچ و ضالات زغار
لوما صايرات اجمل شفاف يجوز
چا بالعود هسه صايرات اوتار
ظل اشبار عنهن ترة من ادنيت
بس حسيت بيني وبين موتي اشبار
انه ماريد امر بيهن برمشة عين
مو صاحب طويلة جايهن خطار
اريد اسكن عليهن كون حد مااموت
واحلم فوگ منهن كون تنحط دار
لو تنطينهن قط مايردن ليچ
چا گتلچ انسيهن ضامهن تذكار
ضحكتيلي ودخت لو غامزتلي شلون؟
يمكن چان ميت وبمكان اجفل
لو ادري الـ يشوفچ احتمال يموت
چا من البداية من بعيد اختل
المشي مابيه تعب بَــس كون جدوى يجيب
و الـ رايد يشوفچ اي جهد يبذل ♥️

ايهاب المالكي

اي شلونكم شاخباركم
تسحرتوا لو بعدكم ؟ 😂

تَرى المفروض تتقدس تَفاصيلچ
وأرتب شعرچ بأيدي
وأبوس أيدچ وأغنيلچ
وإذا صابچ تَعب نامي
حَبيبچ باقي يّدعيلچ ♥️

من كفرو برب الشوگ
لبست عيونك وصليت
ومن هزوا كواريكي
شبكت اول حظن حظنك
وگعدت بفيك اسنيني
تـجي وي امي طواريك
واسكت من تناغيني
وانه ادريك
اي ادريك وجهك مو صدگ واحچايتك تنعاب
عشت عمري هوه وکضيت عمرك باب.
يبو خلگ الشحيح شما تهل سرداب.
انـه ميت عطش
وادريگ صم تراب
امـّنت الفراش الذمة العاگول
من شفت الورد چذاب
وامناغاك ترتيله بحـلگ سكران
لابيهه خشوع ولا عليها اعتاب
.
#هاشم_الخزاعي

انه اليم گلبي الفك لفت چوار
عجوز من ارد اضمك ضمت اصرار

#تبارك_عسكر

مِن طَاح المُطَر ماذكرَك بيَه
ماسولفلَك شگد ابچي يوميه ؟

البينك وبيني صعب
ينهدم بحچاية
شفت المرآية وگلت
شِيصير يَعني؟
وإذا ما تكمّل وياية؟
من گـلت كِلشي أنتهى
حَسيت بيّن كَسر گلبي بـالمرآية
يالگتلي حُبك رِبح
جاي أخسر هواية..

أنه دمعت غريب بكَل سهولة تطيح
چدمي لذكَرياتك ليش وديتهَ ؟ ..
فراغك و الگبر يتشابهن بِالعين
منو المنهن يعَيش بِروحي وصَيتهٌ
بِظهر كُلمن يُمر تِسافر الدمعَات
بس أنتَ عليك العُمر بديته ..
بعد لاتوُدي طيفكَ ليلّي ما بيه شوگ
أجاني وباب چفني بوجّهة سَديته
أنه منٌ الورد ضَليت أضَم ألشّوف
لان كُلش يشَبهك مَا أشتميته .

كضها السبع ونوب رد افترسها
حيرني ابنها شلون ضل بحلگها
.
العنده رد يكتب هنا ..
👇🏼