عاجبني بيها الدفوّ الـ غَطى مشاعرها
الـ من الخجل تستحي من صوت أساورها
گد ما بريئة احس
يبچيها لون الـ لبس
- لو ما مرتب يجي وي اصباغ أظافرها ..🤍

ما غوتني عيون غيرك
وانت َ تدري ..💜

بهذا النجاح الـ عِشته
ردتك وياي
ما ردت أحس
ماكو أنسان يحبني
تمنيت أشوفك
واگف ومن بعيد
رافع أيديك
وتبچي وتصورني..

گعدة عتب وياك رايد
بس كون أريدك حيل بايد
حتى بعتبنا نروح زايد
يخلص حچينا على الگلايد
اخ بلهاتي النار كبرة.
عفت بعشرتك خوش عثرة!
جوة الضلع بسمار ذكرى
وماتنسي اللچمات خضرة
ذاك الحچي الـ ما أريــد اطلعه
خليني ساكت من تسمعة
سم بلهاتك ماتجرعه
وتخلص حياتك دمعة دمعة
حيرة غدر بالعين شايف
ترجف شجاك شبيك خايف؟
أدري من الاول بيك عايف!
خشبة على ظهر الماي طايف
متغير عليّ مو الأولي وياي
أفك ريج الرسايل كُلها تهديد
عليمن نتعب نربيك وتروح؟
خسرتك وأنتهت مرتين ما أعيد
أنطيتك فوگ حجمك بالغت بيك
فعل ماضي وبقت ذكرى المواعيد
الشعر مو باب رزقي لـ خاطرك چان
ذهب جوة أيدي اصوغة شلون ما أريــد
جازفت بسمُعتي بعشرتي وياك
هملت أسمي ودست فوگ التقاليد
مو نفس العُمر بس چنت أداريك
ماحَسستك بفرق المواليد !
محسب للزمن تنساني وأنساك
سبقتك خطوة بالمُستقبل تفيد
أثر عايف خطر متغيرة الأيام
حفر نحات متمسحة التجاعيد
و الـ ببالك بعيدة أنساها متصير
فرزنت النوايا وطارش تريد
گشاية بنهر والجاري مجنون
بلم تقنعني وأصعد حلمك بعيد
چان الملح زايد بالغت بي
علاقتنا من أكثرة محسب تزيد
و أخذهن مني ألك ما أريــدهن روح
اعتذارتك ورا الـ سويتة متفيد
حسبالك گبل وأفتحلك الباب؟
ماتنهي الزعل تكبيرة العيد ..

كون أحـُضنـك يـَ الحنين ..