لا مخليلي سبب ينعاش لأجلة
و لا مأكدلي اكو شغلات بية تجبرك تردلي وترجعك
چنت أگلك خوفتي من الـ ما يضلن
لا تعودني عليك ..
حظي يقنعني كُلشي أحبة يروح مني
وخاف لا حظي يقنعك
ردتك تحطلي خيارات أستغلهن ، هاي دنيا
ويمكن بفديوم تلگالي ظروف و سالفة و واحد يمنعك
ردتك تراويني من يا باب طبيت إعلة روحيّ
حتى من تنساني يندل عقلي من يا باب أطلعك ..

من عدها و أنة تأكدت
گلبك بعد مو يمي
هسه أنة سهلة اشبع بچي
سولفلي شحچي لأمي
من تگلي چا وينة الـ گبل
خابص البيت بأسمة
مو چنت اذا يوم أختفة
ما تغفى اذا مترسمة
لك چا أنةةة الـ يسألونك عليّ
و تگول مااعرْف أسمة !!!

كد ما أخافك و أحترم
رجلية أمدهن يم هلي و بس يمك أنة أتربع
تدري أنــتَ عايفلك بشر
من يدعي ينسى أهلة لأن ..
بس أنــتَ بلسانة چنت لمن يصلي و يركع
والــلّٰـه العظيم الـ مثلي ما يتودع

بنص دربي مزروعة شجر
وبفيچ اغفى من الهم
يا اول انسانة مشت
مو بالوريد ويا الدم ♥️

على گبور اهلنا
تدوس واتحملك
مرجوحة اشدلك
بين گبر وگبر..

مامستعد مو بيدي
‏خايف مَهضوم
‏والله وماجاي اكدر احجي
‏ومصدوم
‏ماجاي اوصل الفكرة صح
‏بَس مرات ؛
‏من تحچي
‏گلبك يطلع من البلعوم

أفرشلي أيدك
روحيّ نعسانة
أرد اموت ..

حسيت المُطر بي نقص هالمرة ..
مو نفس الشعور الـ قبل فترة
أول مرة أعبر من ضباب الجام
لا أسمك كتبتة و لا عفت ذكرى..

الغربَة، مِن تلگه صناديگ
الرسايل فارغَة
و مامِش جديد
تكتِب لروحَك رِسالة
فَشلة من ساعي البَريد

مرات أريــد احچيلك اليوجعني
ومرات أريــد ابچيلك وتحضنيّ
مرات اغمض وارجع لموعدنَا
من الفرح چانت دنيا ما توسعنا
مشتهي اتوسل نظرة من عيونَك
تاخذني وتسافر وبية تغني
ظلت بنفسي الزم چفوفك
والعب بأصابيعك واطوفك
مشتاگ اسولفلك واضحكك
ومحتاج افرفح يم رگبتك
وتشيل هذا الحزن عني
تذكر بموعدنَا شحچينا
ودروبنا البيهن مشينا
يومية امر بيهن وأغني
هنا سولفينَا هنا سكتنَا
وهنا تسامرنَا وگعدنا
هذا الدرب منا عبرنا
هنا ردت احضنك بس خجلنا
هنا گتلي نرجع تأخرنا
ومشينَا وكلمن گاد حزنة ..

أحبـك ♥..

ادرّي مَليت وعُرفتك!
مِن ثگل وجهك وحَچيك
مِن كثر وياي زعلك
مِن برد حتى سلامك
مِن إختفت لذه كلامك
مِن گطعَت الزاد لأجلك
وانتَ جيت بَگلب بارد گتلي
"الله يتقبل صيَامك"

سألتني كَبل حَبيت؟
كَتلها انه انحَبيت،
بس مَا حَاب صدكَيني،
ولا فد يوم صار الـ هسة صار وياي،
اول مرة اكَول لوحدة "حَبيني" .

و لا مرة حچيت بسالفة تضرك
و لا داعي عليك بغير طاري العافية بظهرك
و ما غزر ..
و ما كفنك الـ خليتهن عندك
و ما ضونـّك الـ جريتهن بليل من خد السما لخدك ..
جبتها وياي تجفى بروحك من أيدي
جبتها وياي بس ظلمة
لا گاضيك بس رمضان
ولا مستاهلك عيدي
عساك بعين ما تفهم حچي عيونك
عساك بوادم متيهين و ما يدرون شيجيسون من لونــك
عساني بكُل عِفى بدونك
عساني بسالفة تأذيك
و ما تسمعهم يواسوك حتى بكلمة شلونك .

الليله من دون البشر حنيتلك
وعگب باجر عيد واشتاگيتلك 💔.

ياما أنتضرتك بالمواعيد هلال
اعلة گدي وضاملك عيد..

ڪل عيد أريدنك تجي ويخيبن ظنوني
من الليل اكض الدرب وانطر لحد الصبح
عبالي عندك گلب مايگدر بدوني !

كل عام وانتي العيد يمچ عيدة
اقرب الي من روحي بس بعيدة
وچي ادري كلشي بسرعه يخلص ضليت
-يحليوه احبچ حيل بس ابهيدة !

كل عيد گلبي مناطرچ ويحبچ
ماعندي كلشي وعندي كلشي بگربچ
اسود گلبها الناس بس انــتِ شلون
مو گلبچ ابيض حتى ابيض ذنبچ

العيد اجاني و شوفتچ عيدية
مناطر هلالچ وانتظر ليلية
رمضان عَدة و لمّن شفتچ حسيت
اصل الهلال بضحكة الحورية

گلبي يحبچ من گبل مو توة
من زمن ادم نشدي امچ حوى
ماشفت بعيوني البنات الحلوات
و بس شفت ظلچ گال ذيج الحلوة

وكل عيد اناطر جيتچ يكحيلة
تعبان حيلي و صوتچ يرد حيلة
مجنون ما اعرف الـ اي من الـ لا
و مو قيس بس شمالي احسچ ليلة


گلولها محسبچ صبح بت عينة
وبس بيچ رايد يكتمل نص دينة
ادري البنات تراب بس تختلفين
-سبحانه ربي الخالقچ من طينة ♥♥.