أنة خايف منك و خايف عليك
خاف أگلك روح
و تفهمني غلط
دورتلك حل وسط حتى أستراح
و ما لگيت لروحيّ گبلك حل وسط
يا نقاط تريد أحطها إعلة الحروف
وهي نص حروفنا بلاية نقط ..

راجع ألمن شجرتك مرها الخريف
گمت اگُلك لا هلا بجيتك
تعال !
فاهي خصرك و أنــتَ كل نور الـلّٰـه بيك
بوكت كل رمضان اشوفنك هِلال
تذوب حقك ، بس هضيمة بچف غريب ..
تلوگلك
من حقك ، تحب الدلال
صوتك يخدر الهوى ، و يسكر عليك
بِلا خمر بس گلبي شافك
وحدة مال ..
عمر المعاتب ولا رجع حبيب
بس تعال
و خلـ ينقدونة الجهال ..

و اعرف اذا انخبص راح استقر يمك 🤍

حاول تتقربلي شوية
أفتح أي موضوع يعجبّك
و أترُك كُل الباقي علية
حاول تسأل عن أخباريِ
حاول تدري اليوم شبية
شاركني بـ فد شيّ من ذوقك !
دز أي جـُملة تعجبك ألية
دز نكـُتة صغيرة تضحكنا
او مقطع من أيّ اغنية
نسمعها أنــي وياك و نبقى
نتسامر بيّها الليـلية ..
حاول تتقربلي شوية
و راح تشوف الـ بينيّ و بينك
يقوى و يتطور يومية
و راح تشوف القاسي البارد
يتحول كـُتلة حنيّة
أنـة أكثر واحد بالعالم
محتاج الحـُب و الحنيّة
غِثني بكلمة !
و خلـ نتعارك
و بحجة واحد يتعذر
أبقى أحچيلك ع الـ صاير بيّة
صارن چم حَل عندك هسة ؟
لو تحسبهن فوگ الـ مية
حاول جـَربلك بس واحد
و أترُك كُل الباقي علية ♥ .

بزحمة الناس
أسمع انفاسك وافز
بس مدري وينك !
الله يخلق اربعين من الشبه
وين اربعينك ؟

عادتك تتهمني
بـ الـ مابية ليش ؟؟
و أنة ع الـ من الــلّٰـه
و عيونك ، أعيش ..
تگلي ناسي ! زين ..
و كِل هذا الوجع والشيب
بيمن ؟
ليش هو الـ يفتح عيونة إعلة وجهك
برأيك يسدهن عليمن ؟؟

مَشلول و كِل هَمي اوصَلكَ
و السِچه مٌشتعله جمر
و أنه وَرق عِكازتي
و لَمن وِصلتكَ
هَلهلت مو فَرح
ثاريكَ ويه غَيري
طلعت مِتراهن اعله جِنازتي .

وأنه ياهو الـ ماعرفني شگد أحبك 🤍 ؟

♥♥ ..

أمس خليتهن مرسال يم مرسال
و عاينت لـ ردودك ..
ما أستاهلهن !

اغفى وأسد اعيوني عن كل حلم
كل طيف مابيه صورتك ينطرد

كون ابحطب نمرود واتذكرك
أكعد وفزن ميت امن البرد
.
نهاد الخيكاني

ضحكه ليل كاس وگهگت غمان

محاببهم جذب ومزاحهم بارد

عريان السيد خلف

و المثلي مو هسه ترا بعدين يلا تفگده ..

تشتاگلي ،
مــن تغمض وما تغفة
مــن تكتب اسمي وتجي تنام بصفة
‏وتذكر ، ضحكتي
وتقترب منك زوايا ‏الغرفة !
‏-وتبچي لحد ماتيبس وما تطفة .

اخاف الگاك كلش زين
ماريد اسئل شلونك ..

ماندري وي الناس شمسوي ابونه ؟
ياهو اليكضنه يكول هذا ابن اخونه 💔

گلتلهُم نسيتة
ورجعة ماكو وياه
راح اتأقلم وصَدگوني
ما ابچي
حيل تفاجئت
ما واصل لهالحال
اول مره استوعب
شجاي احچي !