وبعد ماتلگه من حبي
هذيچ الوادم و دوّر
همه الساده موجودين
بس يا سيد يشور ؟.

گتله شلون وضعك ؟
دمعت عينه
بچه وگال اليفگدك
الله الـ يعينه
گتله الله يسلمك
عوفنا من الراح
حَطب صارت الشجرة البيها اسامينه

"انَه أحبّك"
لو يشتلونَك
گزازة بمجّرى دمي

گلب بارد رغم ما چان
احر من لسعة الچيلة
چان إلــ يگلي شبيك؟
ما اسَولفلة "اغنيَلة"
هسه انه غير احوال
اذا اسمع عزيَز يموت
اگللهم "شسَويله" ..

أروحن وين
مامش واحد من أهلي ..
و أجر حسرات
بس الناي احس مثلي ..
أروحن وين
و أشوف وجوههم تطرد ..
وين ألگة
الـ يفك گلبة و يگلي إگعد ..
أنه المبيوگ
ضحكة وتاهميـنة بـ حگ ..
أنه الـ طفيت
نار الناس و ادري بنارهم تحرگ ..


- فريد العسكري

بنص آهلي ومدمعات وأمنـيتي يعمن .
خاف آبچي ويگولون هذا البچي المن ؟

بس تدري ؟
بعَد الشفتَة منّك طول هالفتِرة
صرت هسة بفّلس
ما اشتريّ العشَرة
وحتّى الفاتحة لو مروّا يشيعوَگ
يچوز اقراها الك
ويچوز ما اقِرة ..

گلتلهم نسيته ورجعه ماكو وياه
راح اتأقلم وصَدكوني ما أبچي
حيل اتفاجئت ما واصل لهالحال
أول مَره أستوعب شجاي احچي ..

الما ينمحي من الگلب والكلش أذاني
الچنت اگوله الك تتخيله لثاني ..

بس گلي الخذاك شگتله ؟ .. ماحااب ؟

وراجع مثل الاول
اضحك هواي
وگلب ما بي بشر
صاير شعاري
ومهمل صاير
ومافكر بشي
انه شحصلت
من چنت اداري ؟ ..

كون كل شارع اشوفگ
چا كضيت العمر امشي
وكون اگابل مره وجهك
اله اعميهن اذا ينطبگ رمشي
مو مجرد صدفه انته
ولا محطه ويمها اگعد واستراح
انت گلشي ♥️

گمت مدري اروح لويّن
اطّب للبيت احِس شلون الملاگيّك
غَلطتي بكل مكان ابيتنَه محَاجيّك.

يمعوَد آني العاندت صحبتي
الحالفله بعيون أُمك تظل عَهد
حبَك، تفاصيلَك الـ طلعَن چذب
اللي يلقبكٰ الدافي بغيابَـك بُرَد ..

كل القنوات يزيدون عدد متابعيها
بس قناتنا يومية تنقص ١٠ 😂😂
وين الخلل ممكن تحچولنا ؟

لوليَلي
إعلة
صدرچ
خلي
أضوگ
النَوم ..

اتمنى أندل الوجع
ع الأقل أبرد بـ البچي
هي الـ تكتلك من تحس
لا ضايج و لا فرحان ..

هيچ جازيت
الـ يحبك!
هذا گلبي
وهذا حالة
القوي الـ ما دنّگ
گبال الرصاص
عفتة يبچي
إعله الرسالة ..

ناس تحب خراب وكل طشاش اثنين
يحسدون الگصيبه شلون ملمومه !