غير انت ما تدري شكثر معجب
واحب اسلوبك
وشكبره حظي لو صرت خلك وهم محبوبك
من يوم اجيت وسلمت
ردت اعترفلك بس خفت
وتأخرت بالنيّة
يابو ملامح من ذهب
بس روحك الفضية
لشوكت احبك من طرف واحد ومتحس بية ..

چنت أحب كلش عيوبه
هيچ احسهِن قطعه مني ،
هسه مدري بيا مدينه
منو متحمل مزاجه
ولهفة عيونه الحَزينه ؟

اني أول بَشر تَلڰـاني يَمُهم،
واني أول بَشر عَافُوني كُلهم ..

رجفة أيدي شمالها
وگلبي شجرالة
تگول فاتحلي سحر
مو چن رسالة ..

هوايه حچي ومنين راح ابديها ؟
شغلات مو داعي تره تسويها،
تتأخر بـ ردك شكو ؟ ادري الرساله بيا لغة وگاعد اترجم بيها !!

من وعيت وانه ضايع
ماكو عنوان اعتنيله
ولا اكو واحد دگلي صدره
وگلي ذب حملك واشيله
بيه حزن الناس كله
وعيني بالدمعة بخيلة
وهمي ما سولفته لأحد
خاف يحسبني اشتكيله ..

چان مَمكن
تنِتبه عينَك عَليّة
لو شِفت تَغيير بيّة
ولو زعَلت وياك يوم
وگلبي شاغ وضاع وِده
چان ممكِن گلبي يتقشمر بـ وردة .

غسلي وجهچ
گومي مشطي
انتي حلوه و مو حلو اعليج القهر
عايش ايامي بمزاجچ
من تضحكين اضحك اني
و وكت حزنج انكسر
چنت احس بروحي حايط
ومن اجيتي انتي لحياتي
گمت احس نفسي بشر ♥️

سلام الـلّٰـه إعلة كُل شجرة گعدنا بصفها غنينا
و سلام الـلّٰـه ..
إعلة صوتة
و ريحتة
و عينة ..

مِن عِفتَك رضَت كُل الخلگ عَني
و رضيّت آنة و بِچة گَلبي . .

الگلكم عليَة قصرت
ما حاچي مالاتَة
ولله إصيَرن نبي
من يحجي زلاتَة
وتخيلوا شكد صلف
چنة حكومة قبّل
يعدمني والمشَگلة
يرجع يداعي هَلي
بفلوس طلقاتَة؟

أنــتَ لو غلطة بحياتي
هم اعيدك
ادري أستاهل الـ أحسن
بس اريدك ..

- محمد قصي

لا ترجَع
بَعد مابيه حَيل اسهر ،
انت انسان الله انطاه وما قدَر

هو الوجع بالعقل وشيمسح الماضي ؟
وياك أحس منكسر
مثل اليطردوا هله گاعد وصافن شهر
مالام أغراضي 💔

تفز ومغورگه عيونك
ومن كثر البچي والخوف
اهلك ما يعرفونك
ولا ترمش
ولا جرّة نفس تنشاف
عدل لكن على الموته يحسبونك ..

ضُم جَرحك ترة يملوك لَمِن تِشكْي يوميه
لِذالك مِن يسألوني اكول بخير مآبيه
شويه هموم عاديه
حُركه بكَلبي واٌلتفكير
شويه خنگه بالريه ..

يلِي غروُك بضواهَم
مِاخذت عبرةٌ مِن أمَس !
مَادريت بكُلشي يلمِع
ينطَفي بجيةٌ الشمِس
ليشِ غروُك بثمَن جداً بخِس !
زُحل لابسِ حلقَة عُمرة
ومِاحضى بزفَة وعِرس ..

أتمنى نِرجع سوه
روتينَي صايَر مُمل
صَدكني مو بَس ألَك
حَنيت لأزعاجَك ،
كَتلك أرجعلَي قَبل
وجانَت بنبرَة طَلب
بَس هَسه لا تَختَلف
مَعناها مَحتاجَك ..

مِن أَجي يَمك وأَرِد بِالليل للبيت ،
هَلي والـ يَم هَلي يشِمون بية ♥️