باچر دروبَك تغنّي
تِذكر البيّه تحِبهّن
تبچي وحدَك
تُبقى يَم روحَك تكابِر
باچر بحِلمَك تسّافِر
للِمواعيد الـ گضيناهن بُرود
للبَچي ودَمعاتي يَمك للوّعود
هوايه بيّه أستصغرتهِن
باچر بعينَك يكُبرن
مُن تشوف المثلي ماكو
مُن تفز حَلمان بيه
مُن تحِس باعوك ناسَك
وأنه چنِت المشتريّك .

باچر تدورنيّ باچر ..

لا أنــتَ الـ عفتني ولا رضيت أنساك
و ما مقتنع باچر يمشي مِن دوُنك
و كُلشي يهون بـَعدك ..
حتى گلبي يهون
بس وداعتك ردت أفهم شلونك ؟؟
خِلص كُل الحچي و أنساك
بس !!
شنساك ..
جيب الـ يشطب من الذاكرة عـُيونك ..

-محمد الطالقاني .

الليّله دورة سنه

ويا بخت من ظل عدل

الفرحه گد السما والگمر أجمل طفل

الناس رفّة جنح والكاس يرگص ثمل

وأنه الحزن خمْرتي ودنياي سچّة نـمل

بسكوت أذبل ورد

بيّه العطر يَبتهل

مثل الورق بـ الشمس يحترگ ما يشتعل

أنزف آلوان وضوه وجروحي من كل شكل

الجرح أرمد جفن ورماد روحي الكحل

كل هذا وأنه آبتسم

ما أنكسر مو سهل

أشعل جروحي رگص وبـ ثوب موتي أحتفل

عبد الكريم القصاب

حالفلي
هاي السنه نتشابگ إمن الگلب
والليله ليلتنه
جايب ربابه وبدو
كل عام وانت َحلو
وتعيش ضحكتنه
والفين وسبعطش همزين ماطولت
وعيوني هل غمضت چا وين شبگتنه

#عباس_طالب

لا تسئلني ويّ هاي السنه شلونك
راحت و آنه صافن بس على اعيونك ♥️
.
.
#محمد_كريم
.
#عام_سعيد 🎄

بـ اخر يوم
من هاي السَنه و تنسد الرزنامات
وانه لهسه اعد ايامي بالشامات ♥️

انتي خليتي الفرح يترس مكاني
انتي خليتي الكلام العادي بشفافي اغاني
وانتي خليتي الحزن عَني بعيد
يروح عام و يجي عام
و اني احبچ من جديد ♥️

و اذا بـ رأس السَنه ما گتلچ اتمناچ
هي امنيتي انه بكل عام
( انتي و جاهل اصغير )
محبتچ باقيه لعمري
و رقم السنه المتغيّر ♥️

- احمد ابراهيم

كُـل عـام وانـت ألـي 🙈
كُـل عـام أموتـن عليـك❤

راح نتخطى الظروف ؟
نعدي مرحلة الخطر ؟
نطلع و ألزم أيدك ؟
أنطيك وردة ؟
ننحسد مثل البشر !
تخلي راسك ع چتفي ؟
تبتسم ؟ ناخذ صور ؟
هاي چم أمنية عندي ..
صعبة تتحقق بعيد
خلص عام و راح أسعي
بلكي ع العام الجديد ..

أنــتَ ما حنيت بابك سادة !
و حتى لو جاسك الشوگ ..
تعاندة !
أنــي چنت أعرف بالأسمر دمة حار !
منيلك هاي الأعصاب الباردة ؟

تهديدي مثل الطفل
چذاب تهديدي ..
گتلك أشگ الصور
و بـ أيدي جبت المگص
وصلت و صارت صدگ
گصيت چف ايدي !!

ما يعنيلي كلشي ولا انه اعنيله
ولا مشتاگله ولا اريد اغنيله
وخاف احتاجله وصيت حتى الطير
من اكتب رسايل ما يوديله .

يجوز اگدر اعدل نومي المخربط
انفاسي شيعدلها ؟!
أريد استوعب شصاير
ادري لهسه مصدوم
وقراراتي غلط كلها
اتواجه ردت ويّ نفسي حتى اعرف
القوه البيه صدگية ؟ لو گاعد امثلها
هاي المرحلة المااريد اوصلها

- محمد صلاح .

تَرا مشتاقلك ..
و اُمنيتي اشكيلك !
اغلط بيه مِن كل گلبي اعديلك
نتعارك واعوفك .. وارجع بكل شوگ
بحجة ناسي شي مو مُهم واحچيلك
اي مشتاقلك
مشتاقلك مِن يبطي ردك ذاك !
واگول احرگ الدنيا وتالي اهفيلك ..

شنهو الـ ما خسرتة
و رايد أربح بيك !

مِن طاح المُطر ماذَكرك بيةَ
ماسولفلك شگد ابچي يومية
ماحرك احساسك ما يسئلك ليش
عايفلك بَشر  يشتاكَ لیلیة
مافزز الشوكَ الغافي بيك سنين
ماگلك ارجعله الدنیا مَگضیة
ماحَنیت مَره وگلت وین فلان
مَعقوله صدكَ ما بيك حِنية
غرورك مو وَكتها العِزه خارج قوس
شيخسرك اذا مَريتلي شوية .

مثل لهفة مطر لوَ طآح بلگاع
الك ملهوَف جوًه أحضاني أضمكَ 🌧♥ ..