‏اضَحكي فيِ وجهِ الرمَاد
‏فَلا ربّ إلا اللّه ولا جميلة إلا انتِ


اضحكيلي يمن فدوه
ضحكتچ مو فقط حلوه
فلك طرنا!!
دهر صابچ !!
دهر واتنوع ترابچ
صدگ مثلي؟
صدگ طينچ نفس طيني
صدگ چفينچ ال ذني
نفس ذنيچ چفيني
صدگ شفتچ
چذب شفتي!
صدگ شفتچ!
رغم مو حيل تنشافين
ماصدگ خدودچ طين
ي الي امج تنَست بيچ
ابوچ بضهره ومتانيچ
اسمعيني
صدگ بس الفرق امچ
يهيل ...وعنبر بدمج
اضن راضعتچ بگمره
تلوليلچ..!
يبيضه ونامي لتصيرين
مثل ام الولد سمره هذيــج امــي .؟
يريحة هيل
بالكاروك من تهزني حرگه وحيل
ضيم بضيم جابتها
ترضّعني .. شمس تچوي
والوذ بسد عبايتها
هذيج الباهته وحمره
تلوليلي... ييمه وليدي ابو سمره
عرفتي شكد فرق هسه"
يمن نسوان ديرتكم يذكرونج
اذا وحده بهذاك الصوب
رادت يوم تتنسه"
اضحكيلي يمن فدوه
اضحكي وخلي چف ايدچ
اخافن لا يحسدونچ
لون بيدي فلا خليچ
تبتسمين والودام يشوفونچ
واذا مجبوره وتريدين اضحكيلي ♥️

- شغاف الساعدي

الواحد تعرفه من الحچي
لاگيله يم غيرك وطن
لمّن يسولف رسمي ..

- احمد الصالحي

مرتاح يمي چنت عايشلك ببابك
وما تلزم اي شي چنت
لك حتى من تنفعل اني الزم أعصابك ..

اليوم براحتك
تنساني..تفگدني..

بس باچر افز و احرگ حرز ذكراك
واضحك ع الأغاني الـ چانت تهدني!

شمَعنى أنت الشاغل ضنونيّ
بيني وبيّن نَفسي شگد افكر بيّك
مو أول عشكَ خاطر تشلّ الحال
ولا أول جمال تشُوفَك عيُوني
شجاها الرُوح يمَك ذبّت الأسرار
وليّش ارجف عليك وينخطُف لونيّ
حَتى الناس گامت تعرُف بهالحال
وما أعرُف شگلهم مِن يسألوني
يطبون بصفُنتي وعنَك يدورون
يلگوني أفكر بيّك يلگوني
صاحت كُلها صاحت هذا باگ فلان
وما عندي لگوك وبيّك تهموني ..


- جبّار رشيد .

وهاك من شفتي أعله شفتك
بوسة لحّنهه عتابة ♥️

و قبل لا ميّ يلوحة و ينغسل رِمشي
صباح الخير يا كِلشي 🤍🌥 ..

بسندانه المشتل چنت
ولا هو موسم مشتره
ولا گاع وسعه العد هلي
بـَسہ اليدگ وازاني
گتلك خضارك ينعشگ
لا گتلي ابو المشتل چذب
رايد يقنع اليشتري مو لله من داراني
مو چلبت برداني !
مو گتلي خذني لصحرتك !
هم أرحم من أمچاني
چا صوفرت وتبطرت
وتگلي مايك مو عذب
من جبتك البستاني
لا يا هواي شغيرك
من چنت اگلك راح اجي
شفايتلك ابابك ولك
يم بابي تتلگاني !

يا أخر صوت عاش بَراسي "شيعبَرك" ؟

صَعبه مِن تلِوم گلبك
كُلشيّ منّك ..
وأنتَ تِدري الـ كُلشيّ منهُم
صّعبه مِن تِصير وياهُم عليك
وتگعد تچَذب الـ ظِنون ، تَبررلهُم
وفشّله مِن تفيّض عيَنك يَم صورهُم
وأنتَ تِدري الوادِم الـ مُستعّز بيهُم
ما يحِبوك
وتحبهُم ...

زخة مطر
فرحة وشِعر
بغدادنه الحلوة الحبيبة العافها وهاجر خسر
بغدادنه احلى من الشكر
جوة المطر ♥️

ويه المطر ياخذني صوتك للدرابين القديمة
للرصيف البي گعدنا
للشوارع للمشي والسينمات !
تذكريتك !
من كلت بغدادنا تشبه ضحكتك!
تذكريتك!
من كلت الليل والكرادة تغفى بفيّ كذلتك!
تذكريتك!
وآنه هسه الوحدي ابچي
ابچي وحدي ومالكيتك
انت وين ؟
دوريت وجوهنا بوجه الصغار
بوجه اهلنا
بوجه الجوارين كلهم
مالكيتك ؟
انت وين ؟

- اوس النواب

الكلام الحَرك الناس و مشاعرهم
من گد البرود الـ بيّه ما أحسه
مثل تعوّيد كل ما أكبر يبيّن
انه براسي قديم الملل مو هَسه
واصل مرحلة مو ماضي لو حاضر
- مال من الأيام الما أجن لسه ..

دلالي الخربك
أيّ ظرف خارج قوس
الماي الزايد اعله الزرع دم سايح ..

ما لحگنا لا والــلّٰـه !
توهن گامن يضحكنلّك سنيني
توني تعلمت يا سالفة تونسك ..

تدنالي ولگ وآحنا بـ بداية ليل
ريت الشمس رمدة وعُمر ماتطلع ♥..

لحظة انتصار :

بدينا نشگ قصايدنا
الكتبناهن على عيونك
وبدينا نعيش من دونك ..

آنه شگيت الرسايل
خاف لا يقراها غيري
ويعرُف شگد قاسي ردّك !
خاف لا غيري يكرهك .