اريد انساك
بس شيطاني مايرضى
يگول منين اجيب ذنوب
تعال وياي
وك اشبگني طول بطول
خل وياك ضلي يذوب
شفت اهلي
وسألت منين
ذولي الفتحولي البوب
ثاريني چنت مسطور
باقي براسي اثر لشفاك
مو باقي اثر مشروب

حسين العميدي

نگعيني بمي شهوتچ !
مطري يمي وبالنهد دفيني حَيل
فوگ نهدچ عنبه مِتغشآيه هيل 🔥♥ .

طولك هيّم عيوني
وخفت منه
وگلت اشرد واصد عنه
شفت حز الخصر كضني
شفت بي ريحة التفاح تندهني
وگلت حصتي
وهنا تبتدي
وانهيها سالفتي
واتمزلك حدر ونطوف انه ولساني والحنية لبشفتي
تمزلگت
وصحت
احوووي
نار الله شفتها مشابگة الجنة
وشفت باب البخيت مشرع لكل صوب
گتله مراد اطلبك
گالي ادنه
شنهي امنيتك وشتريد
گتله اتمنى اشتمه
گال اگرب
وشم بهداي وتهنى
وشميت وزغر عمري.. ♥️



#حسين_شاكر_الريس

يكللها:
لسويلچ الجآن و الماجآن
وآجيبن گمر بالنيشآن
و اخلي ولآيتي متنآم
وآسوي الحنة ست ايآم

شلون احبك؟
يا طريقة التغري گلبك؟
تريد بخيوط الشمس
يمتزج شعرك؟
تريد ارسملك نجوم
شوية حمرة بلون خدّك؟
تحب اجيبنلك حواري
يحضرنلك حتى أكلك؟
اني حاضر
گلي هسة ، شلون احبك؟♥

بس گِلي شلون ! ♥

صرنه غربة ،
و چنه اكثر من اهل ..
و حيره ما ادري شگله
العني لو عنك سأل
گلت متنة
و قَدَر الله و ما شاء فعل....

لو انه شامه صرت
واسكن وسط نحرچ

و التم بگطرة عطر و نضيع وي عطرچ

ولو شذره وتعلگت
و بدون هوسه طحت

ضميني يم صدرچ

وحيل بوكتها احتار
-بالجَنه انه لَچن ليش احترگ بالنار 🔥

أنــتَ نايم
و أنة أدورلك حچي يلوگ لـ صـَباحك ♥ ..

أنــتَ شمعة و آنة صاير بيك خيط
أنــتَ صح تذوب ..
بس آنة أحترگ !! 🔥♥

‏اضَحكي فيِ وجهِ الرمَاد
‏فَلا ربّ إلا اللّه ولا جميلة إلا انتِ


اضحكيلي يمن فدوه
ضحكتچ مو فقط حلوه
فلك طرنا!!
دهر صابچ !!
دهر واتنوع ترابچ
صدگ مثلي؟
صدگ طينچ نفس طيني
صدگ چفينچ ال ذني
نفس ذنيچ چفيني
صدگ شفتچ
چذب شفتي!
صدگ شفتچ!
رغم مو حيل تنشافين
ماصدگ خدودچ طين
ي الي امج تنَست بيچ
ابوچ بضهره ومتانيچ
اسمعيني
صدگ بس الفرق امچ
يهيل ...وعنبر بدمج
اضن راضعتچ بگمره
تلوليلچ..!
يبيضه ونامي لتصيرين
مثل ام الولد سمره هذيــج امــي .؟
يريحة هيل
بالكاروك من تهزني حرگه وحيل
ضيم بضيم جابتها
ترضّعني .. شمس تچوي
والوذ بسد عبايتها
هذيج الباهته وحمره
تلوليلي... ييمه وليدي ابو سمره
عرفتي شكد فرق هسه"
يمن نسوان ديرتكم يذكرونج
اذا وحده بهذاك الصوب
رادت يوم تتنسه"
اضحكيلي يمن فدوه
اضحكي وخلي چف ايدچ
اخافن لا يحسدونچ
لون بيدي فلا خليچ
تبتسمين والودام يشوفونچ
واذا مجبوره وتريدين اضحكيلي ♥️

- شغاف الساعدي

الواحد تعرفه من الحچي
لاگيله يم غيرك وطن
لمّن يسولف رسمي ..

- احمد الصالحي

مرتاح يمي چنت عايشلك ببابك
وما تلزم اي شي چنت
لك حتى من تنفعل اني الزم أعصابك ..

اليوم براحتك
تنساني..تفگدني..

بس باچر افز و احرگ حرز ذكراك
واضحك ع الأغاني الـ چانت تهدني!

شمَعنى أنت الشاغل ضنونيّ
بيني وبيّن نَفسي شگد افكر بيّك
مو أول عشكَ خاطر تشلّ الحال
ولا أول جمال تشُوفَك عيُوني
شجاها الرُوح يمَك ذبّت الأسرار
وليّش ارجف عليك وينخطُف لونيّ
حَتى الناس گامت تعرُف بهالحال
وما أعرُف شگلهم مِن يسألوني
يطبون بصفُنتي وعنَك يدورون
يلگوني أفكر بيّك يلگوني
صاحت كُلها صاحت هذا باگ فلان
وما عندي لگوك وبيّك تهموني ..


- جبّار رشيد .

وهاك من شفتي أعله شفتك
بوسة لحّنهه عتابة ♥️

و قبل لا ميّ يلوحة و ينغسل رِمشي
صباح الخير يا كِلشي 🤍🌥 ..

بسندانه المشتل چنت
ولا هو موسم مشتره
ولا گاع وسعه العد هلي
بـَسہ اليدگ وازاني
گتلك خضارك ينعشگ
لا گتلي ابو المشتل چذب
رايد يقنع اليشتري مو لله من داراني
مو چلبت برداني !
مو گتلي خذني لصحرتك !
هم أرحم من أمچاني
چا صوفرت وتبطرت
وتگلي مايك مو عذب
من جبتك البستاني
لا يا هواي شغيرك
من چنت اگلك راح اجي
شفايتلك ابابك ولك
يم بابي تتلگاني !