من گتلي باچر اجي
ظليت اعد بالوكت
باچر بعد باچر
مرن سنة وست اشهر .. چا ما خلص باچر ؟ 💔

زماني شال مني الضحك ... وانحط
وبقيت اسحل سحل بالروح ... وانحط
مامرتاح كون انشال ... وأنحط
بگبر واسمع بچي الوادم عليه 💔

هيج وصَرت مو مهم
وعندك فراگي طلع ميَكلف أغنيَة؟

البارحه رحت المكان اشربلي راحة !
وحالي حال الورگة صاير
يمي جتي بنيه حلِوه ..
وبينها وبين الخمر ضليت حاير ؟
وانه گد ما گلبي فاير
صارت (المزه جگاير) ..
خلص ليلي وكلت اروحن
ردت اوگف مگدرت ، گالتلي اعينك ؟
وضحكت ضحكة چبيره
بگد نفاق اهل العمايم
چيف صار سنين ماسامع (الـ وينك) ..
گالت شمالك منو متعب سنينك ؟
حته مِن تبچي الدمع ميجيس خدك
ليش هيچ مگلبچه برموش عينك
اني هم متعوبه مثلك !
هاك متني وخلي ادينك
خل نروح نفر (درابين المدينه) ..
حته اگلك ذني كلهن فدوه يرحن
يم حنينك ..
واني هم انسانه مثلك !
(ماتو اهلي وضگني عوزي وبعت ديني) ،
النفسه دينك !
واشتريت " الحانه والخلخال والكاس "
اليدليني اعله طينك
وارد اگلك لا وطن يسمحلي اعيش ؟
ولا ديانه اتشيل عوزي ؟
وكافي تلچمني بونينك ! .

لـ رسول محسن .

إلتقينـه
وماكو شي بالدنيا يكسر
غير اول شوفة للمتفارگين
إلتقينـه وچان مو شيطان
ثالثنه الحنين
اتقربتلك .. وانكسر گلبي .. ومشيت
بعد كل ذيچ الميانة .. ومستحين ؟!!

- يونس محسن

اتذكر من چنت يمي وانيماك ؟
اعله زندي چنت احطنك وانيمك
وعلي بجفاك ما ونّت ون اماك
ولا حنّت مثل ما شوگ بيّة ..

المصايب من مشيتوا عَلَّي صالت
ومثل صلّت عظم مكسور صلت
بكثر ما عاشگك من گمت صليت
الحمد عفته وصحت جيبوه الية ..

فهيت ودرب المحبين ظلاه
جدني وتيهت باطراف ظله
شبگته وردت اهده وصاح ظل .. لا
تهدني وضوگ المرطبات بية

تريد انساك والله انطاك شفتين
اليصدلهن نسى الايات شفتين
ذكرتك واشتغلني بليس شفتين
دنت نفسي وبنه الوهواس بيه ..

شلونه گلبك ؟
ناسي گالولي و اجيت اتعرف انه
شلونه حضنك ؟
لسه يستاحشلي لو دافي مكانه

شلونه بالك ؟
فارغ ، امدوهن ، تخم صدفه بطريقك ؟

چنت يم اهلك تسميني صديقي
هَلك ما سألو شنو اخباره صديقك ؟

ما يگلولك غريب الرحت يَمه ؟
شچان يفرق عنّي حتى ارضيت بـ اسمه
شيختلف عن عطري عطره وتهوى شمه
شبيه انه بلياك اعمه ؟

شماخذ وياك ونظر عيني طّفيْته
(بيا وطن يقنع المعتبرك هَويته) ؟
عَلمّه خل ينسى مَـ دام انتَ نسيته

علمه خل يگدر على الأنت گدرته
شاوره ، گله انتَ منهو ؟
بلكي يعرف روحه ويضيّع غربته
فك اسر مسجون بس داخل غرفته

علمه خل لَـ يتاني واحد ما يريده
اليحب ما يترك اخباره بعيده

قنعه بلكت يمشي بأفكارك كلامه
مسافر وهالعمر صار و ما وصل
چي ما گلتله ،
-توصل بـ مية سلامه ..

المُتعارف بالمواقف
تنزل دموعك
اذا واحد يجرحك
بس اكو مرحلة خطرة
هي ما فوق البكاء
من تمر صدمة قوية
تگوم تضحك 💔 !

من گتلي باچر تجي
مَ غمضت عينيّ و نمت !
گاعد بقيت لـ صـُـبحك ♥♥🌥 ..

ركد راسك على صدري بـ حلم !
وتخيل الموقف
ردة فعلي لسه أرجف ♥!

إنتِهَت كُل المشاويّر
التوَدينّي إعلة عينَك
ويا كُبُر حِزنّي
مِن أذكرَك
النآس تنشِدني عَليَّك
و آنة أگـل للناس ويّنَك ..💔

يَّ حـرورة نـفس مـحـتـام
درب الليـل يـبـدي من الـخـصـر لـ الخـد

كاظم الركابي

يا آنه ، و هَـلي ، و صَبري
يا عُمري اليجي ، و عُمري العزيز الفات♥️

اريد انساك
بس شيطاني مايرضى
يگول منين اجيب ذنوب
تعال وياي
وك اشبگني طول بطول
خل وياك ضلي يذوب
شفت اهلي
وسألت منين
ذولي الفتحولي البوب
ثاريني چنت مسطور
باقي براسي اثر لشفاك
مو باقي اثر مشروب

حسين العميدي