دلالي الخرّبك
أي ظرف خارج قوس ..

دير وجهك
غامر
وقامر
اتكتر
اجتنب
انسى
اشتغل
اطفى
ابتعد
اگرب
اتسودن
شوغ
حط روحك بـ شيشة
ماكو مهرب
ماكو مهرب
" جرحك ولازم تعيشه "

انه ادري موش يمي والتفت ليك
رچيچ وعازتك بيّنت بية ..

ماتت زلم لليوم مااجت مثلها
تنذكر بالمشيات يتوگعلها ..

والفَرَح طَر المدينة
وانطة للناس التِريدة
ودگدگ البيبان كِلها
ومن وِصلنة نشَلَت ايدة
آخ يا حِزنَك يكلبي
جَمرة..
مضمومة بجريدة.

رغم كل هاي المعارف
جاي احس بروحي محد
انه ياهو ؟
وانه وين ؟
وهالسنين منين اجتني ؟
وياهو حط ثگل السمه كله اعله متني ؟

و خل احچيلكم قصة قصيرة
هذا الماردت من الله غيره
هذا الوگّف گليبي بغرامه
واذا مو صوته ليلي ما انامه
وصلت لمرحلة بنومي استشيره

الشجرة الكاتبين اسمائنا عليها
گصوها وصفت للنار تاليها
رماد بريح صارت عشرتي وياك
رماد وطار متگلي شلم بيها ..

تالي ما تالي بعتني ..
و صرت أشوفك بـ المكان
الـ بي تواعدنا
تواعِد !

كل حچاية مكتوبة تجي بعيني افز بيها ايتراوالي قريت اسمك
و ارد اقراها واعرفها ولا يمك
شجاني وكل حچي الوادم يذكرني ؟
شجاني ومن يمر ذكراك يرفض جفني يسترني ؟
شجاني و آيست مني ؟

الهدوء الصاير بهاي العلاقة
برأيك يدل ع السلام ؟
تختصر حُبنا بـ احبك ؟
ماكو شي يثبتها مليت الكلام
بعمري واجهت المشاكل
وانت ماكلفت نفسك
واجهتها بـ راح انام !

ليش تهَديلي أغاني ؟
چا گدرت اكسرها لو هاديلي سَلعة
ذاك هيثم يوسف
الگلش أحبَه
گمت ما أگدر إسَمعة 💔

سهران وتأخرت
او وية طرت الفجر
البيت من فتّة
ولمن سألني
منو گاعد من اهلك بقة ؟
جاوبتة " بس انتَ" ♥️

من أفز من نومي ما اتحمل احد
هاي اذا عندك علم
بس اذا نحچي قبل مانام
"اگعد مبتسم" ♥️

مَدري شنقص بالعمُر
من المَرض جاسك
الليلة انومك و اضل
گاعد بصَف راسك
و لو نزل مني الدَمع
لا تقلق اتطمن ،
صَدگني راح ابتسم
لمّن تصير أحسن ♥ .

لو تعرف الشغلة شنو الضَلت هواي بنفّسي
اوگف وراك وانتظر تگعد، وأقدم الگرسي ♥️