جاي تمطر
ياهو منكم ماگدر يبچي امس
گدام ناسه
هاي فرصه
خلي يطلع للشوارع
خلي يصرخ
خل ينازع
خل يجر شوگه بشراسه ..

هذا الفراگ الصدگي ميفض بدموع
يحتاج شي اكثر اذية الموضوع
ابگعدة وحدة استوعب فراگك ليش ؟
اني الفلم لو بي فراگ ابچي اسبوع

- يونس محسن

زين احنهَ لمن نِفترگ
وحَدك تكمِل
تگدر ؟
شكيت بالعشناه سوه
لمَن گمت تتغيّر
توَصيني اذا عَني رَحت
أبقى قَوي وما أسهر
تصدگ ؟
ضليت أدورليَ دوه
ينومنَي ساعات أكثَر ..

يجي يوم اهمس بإذانك
همسة العرسان ذيچ
المدري شيگولون بيها
المهم تضحك
يجي يوم بفرد ماعون انتعشى
يجي يوم وتغفى فوگ ضلوع صدري
واحسب بنمشات وجهك نمشة نمشة ♥️

- مرتضى مطشر

دلالي الخرّبك
أي ظرف خارج قوس ..

دير وجهك
غامر
وقامر
اتكتر
اجتنب
انسى
اشتغل
اطفى
ابتعد
اگرب
اتسودن
شوغ
حط روحك بـ شيشة
ماكو مهرب
ماكو مهرب
" جرحك ولازم تعيشه "

انه ادري موش يمي والتفت ليك
رچيچ وعازتك بيّنت بية ..

ماتت زلم لليوم مااجت مثلها
تنذكر بالمشيات يتوگعلها ..

والفَرَح طَر المدينة
وانطة للناس التِريدة
ودگدگ البيبان كِلها
ومن وِصلنة نشَلَت ايدة
آخ يا حِزنَك يكلبي
جَمرة..
مضمومة بجريدة.

رغم كل هاي المعارف
جاي احس بروحي محد
انه ياهو ؟
وانه وين ؟
وهالسنين منين اجتني ؟
وياهو حط ثگل السمه كله اعله متني ؟

و خل احچيلكم قصة قصيرة
هذا الماردت من الله غيره
هذا الوگّف گليبي بغرامه
واذا مو صوته ليلي ما انامه
وصلت لمرحلة بنومي استشيره

الشجرة الكاتبين اسمائنا عليها
گصوها وصفت للنار تاليها
رماد بريح صارت عشرتي وياك
رماد وطار متگلي شلم بيها ..

تالي ما تالي بعتني ..
و صرت أشوفك بـ المكان
الـ بي تواعدنا
تواعِد !

كل حچاية مكتوبة تجي بعيني افز بيها ايتراوالي قريت اسمك
و ارد اقراها واعرفها ولا يمك
شجاني وكل حچي الوادم يذكرني ؟
شجاني ومن يمر ذكراك يرفض جفني يسترني ؟
شجاني و آيست مني ؟

الهدوء الصاير بهاي العلاقة
برأيك يدل ع السلام ؟
تختصر حُبنا بـ احبك ؟
ماكو شي يثبتها مليت الكلام
بعمري واجهت المشاكل
وانت ماكلفت نفسك
واجهتها بـ راح انام !

ليش تهَديلي أغاني ؟
چا گدرت اكسرها لو هاديلي سَلعة
ذاك هيثم يوسف
الگلش أحبَه
گمت ما أگدر إسَمعة 💔