لآ تَعودني أشتكيلك
لَو رَحت وَين أنطي وَجهي
و لآ تَدورني مَن أضيع و لآ يَضل بَالك
عَليه و خَاف يَوم تَحيـر بَيني وبَين
نَاسك آنه أگلك بَيع بيه ..🚶🏻‍♂️

عشره بـ تعبهآ وضيمهآ بـ زله تفض ؟
هسه آنه خليني .. الملح مآ يعرض ؟؟
بـ آول زعلنه ولحكت تعشك ليش ؟؟
لـ اليوم دآعيك أصآرح وآرفض !!
هسه آعله كيفك جآي تمشي ومرتآح ..
غير اليطفي النآر لآزم يركض ؟
شليت حآلي وكتلي ( الله يعوض )!!

لـ سعد شميل 🖤

نخل كل عمري خير ورطب للجوعان
السعف نوعين ستر وحطب سووني
فيّ وأكل وبگلبي الطيور تنام
لكن من كبرت بـ شين جازوني
گصوا راسي رجعوا للجذع گصوه
شگوا گلبي نكروا فضلي عابوني
نخل حتى من اموت بموتي افيد الناس
جماري كلوه گنطره سووني

- علي الجياشي .

المثلي بنظرة وحدة الفكرة توصلّه
اتوقع قريباً عني يتخله
واصير انسان عابر حالي حال الناس
والتعب التعبته ينّكر كله
والحب والمشاعر ؟ .. يا مشاعر هاي
ذني استهلكن وانرمن بالسلّه

- يحيى العلاق .

معقوله ما منتبه ؟ مايعرف اتنفسه ؟
تعبني ما يلتقي من البيت للمدرسه
وآ يا سبب حيرتي يا عّلت جروحي
عيدين من تبتسم يتلاگن بروحي ..

- نور اللامي .

سودة بوجهي عفتك ما محسبلها
حسبالي الفراگ المشكلة يحلها
دت گلبي لغيرك يحن لو لحظات
كل حچايه مني رفض يقبلها
شگد حبتني ناس وقدمتلي ارواح
ولا چن اسمعتها ولا اتقبلها

- علي الجياشي .

يَ الـ ع الجرح منتچي ، يحچولي عنك حچي
ما أنصحك تسمعة !
خليني ساكت لأن ، من أحچي ادفعك ثمن
ما تگدر تدفعة
وهو بغض النظر عن الـ حچوه عنك ..
أنطيني شي بالعشگ ملموس عشناه سوه ؟
ذكرنيّ ؟ خاف الوكت نساني أنــي جرح ..
و أنــتَ چنتلي دوة ؟
احچيلي شي عنك ؟
اذكر عفتني و رحت !
و اذكر عفتني و رحت ،
و اذكر عفتني و رحت ،

غير الـ عفتني و رحت ما بدر شي منك !!

چنت انطرد وارجع مو بـ ادية
چنت مابية خير وهسه بيّة
چانوا حالهم حال الهوى الهاب
وصاروا حالهم حال البقية
ما قصرت وياهم ولا يوم
سويت العليهم والـ عليّة

- حسين السلطاني .

ما تدرون صرت بموقف اسود
ما صاير قبل بـ أمة محمد
والله اتفاجئت من سدوا الباب
مالحگت اگلهم ليش ؟ و انسد
بس ظليت واگف يشهد الباب
واذا ما يشهد الباب الله يشهد

- حسين السلطاني .

يلا الحمدلله ع السلامة
آنه بخير ما دام الله وياي
هوّه يبدل الدمعة إبتسامة
وهوه الياخذ بثار المساكين
مثل ما ياخذ بثار اليتامة
والما يعثر بيوم من الايام
وين يروح من يوم القيامة

- حسين السلطاني .

شغلات ما داعي تره تسويها
تتأخر بـ ردك شكو ؟
ادري الرسالة بيا لغة وگاعد اترجم بيها !!

- محمد صلاح

ماعندي حق أشتاك
ﭼـي مومالي
جا والسهر ؟
والغيره؟
والمشتاقين؟
والـ وينك اتأخرت
وابقئ متاني؟
معقوله باجر يمكن تحب ثاني؟
معقوله تكدر من صدك تنساني

عفتني! واشفت بيه؟
ما عندي غلط ينشاف وتگوله
اخر شخص اجيت أنته
بس حبيتك هوايه
اكثر حتى من التجربه الأولى"

الشغلة الوحيدة البيك مشتاگلها
لا والله مشتاگ لعشرتك كلها
وهاي القصيدة الراح تسمعها اليوم
مورّث جگارة وباچي ومكملها

- يونس محسن

جاي تمطر
ياهو منكم ماگدر يبچي امس
گدام ناسه
هاي فرصه
خلي يطلع للشوارع
خلي يصرخ
خل ينازع
خل يجر شوگه بشراسه ..

هذا الفراگ الصدگي ميفض بدموع
يحتاج شي اكثر اذية الموضوع
ابگعدة وحدة استوعب فراگك ليش ؟
اني الفلم لو بي فراگ ابچي اسبوع

- يونس محسن

زين احنهَ لمن نِفترگ
وحَدك تكمِل
تگدر ؟
شكيت بالعشناه سوه
لمَن گمت تتغيّر
توَصيني اذا عَني رَحت
أبقى قَوي وما أسهر
تصدگ ؟
ضليت أدورليَ دوه
ينومنَي ساعات أكثَر ..

يجي يوم اهمس بإذانك
همسة العرسان ذيچ
المدري شيگولون بيها
المهم تضحك
يجي يوم بفرد ماعون انتعشى
يجي يوم وتغفى فوگ ضلوع صدري
واحسب بنمشات وجهك نمشة نمشة ♥️

- مرتضى مطشر