سَمّعني موسيقى بوقت
چانت العالم سنطه
وتورطت
والمشكلة
حبيت هاي الورطة ♥️

- مهند العزاوي

ماعندي واهس للحچي
و لاغي الفضول من اول
هوّه اني بهمومي گمت
مابية حيل اتدخل ..

مبينة طبيتي بعلاقه
شفت وجهچ يضوي صاير
واني كاتلني الظلام
تأكدت من التقينه ؟
بالعشر مرات اسلم
وانتي ما حركتي شفه
شلون اقنع روحي رديتي السلام ؟

- علي زيد

حسسِتني ماليِ قيمه
مُن انتظِرتك
النِاس تركِض بالمحَطه
وتحضِن النِاس الاجوهِه
وانت محتار بجنطتك
بهيچ موقف
لو اخوي اگدر اكرهه
بس جبان وما كرهتك ..

تِگدر تگُول
الوكِت مَقسوملي
بكُلشي أريدَة يصيّر ضِدي
وِتگدر تگُول القسَاوة
والحِزن والصدمَة
المبيّنة على وجهي ذَني ردّة فعل
كُل دمعَة گبُل غرگت خدّي
تِگدر تگُول التريدة
تِگدر تگُلي أحِبك
بَس الوجوه التحِبك
والدَلال البيّك
والشيَّب اليحِبني
وكسِر عُمري
وطَيحتي
ونشوَة شبابَك
والعيُون العندَك
وهُوسة حَلاتك
هنّه خلنّك تمِل وما گِلتها .

شعجب حنيتلي مو غيري عندك ؟
صدگ مشتاگلي لو صرت وحدك ؟
راجع ليش مو حبيت الفراگ ؟
نسيت اخر ايام شثگل ردك ؟

چنت اخاف فراگكم من چنتو يمي
چنت اگلكم كلشي سوّو
ولا تغيب وجوهكم فد يوم عني
بدونكم المَن اغني ؟! 💔

غلطان بيك توهمت مادري عينك صلفه
خيّبت ضني وضن گلب چنت انت نقطة ضعفه
گدام عينك انكِسر وتگلي مالك داعي ؟!
طماع ومتاني ورث هيج انتضرت وداعي ..

أريد ارتاح لو ليلة
ياهو يخسر حچاية
ويگلي شبيك ؟ وأحچيله
ياهو اليشتهي عيوني
وأفرغ ضيمي
وأبچيله !

چنت اطول بالموادع
بلكي منك تطلع حچايه
التردني
ردتك تحسسني اهمك
من اگلك هدني ترفض
ما تهدني !

أنه شناسِي ؟
أحُط راسي أريد أغفى
وألف شغلَة تجِي براسي
أظل أتلمَس بگلبِي
أظل أحسِب .. عَددهِن كامل جرُوحي ؟
كُلشي أذكر
أنه ماناسي بَس رُوحي ..

تگلـي آسف .. يـا سلام !
ما هملتك من خنتني ﭼِـنت ماليك اهتمام،
وهسة جاي اكل بروحي
گمت اشك بـ شكو مرة گتلي نَعسان ارد انام .

عذر تافه للامانة
يعني شايف انشغالي سبب مقنع للخيانة ؟؟

زين گلي
اکو شي مو حلو بية ؟
غيري چان اکثر حنانة ؟

زين سولفلي اعله گلبي
بالزغر ماعلموك التاخذة ترجعة لمكانة !!

- حسين السعيدي

بموعدنه مسترخية
وچنت اني متوازي
وساعتها طبعچ طبع واحد استفزازي
كضيت ايديچ بكثر ما هوسة تفكيري
وگلتيلي مو هالكثر .. تكسر اضافيري !

- يونس محسن .

انت متغير علية
و شوگ مابيك من اجيتك
واني لو من غربة اجي وبيت اهلي اتيهه
اندله لبيتك
صار سنتين وخمس مرات احب
وما نسيتك ..

- يونس محسن .

اني حسيت انتهينا
من حچينه هواي بس ما تلفظ اسمي ..
وزاد همّي
آخ يا صدمة فراگك
من السجن طلقوا سراحي
ومن وصلت البيت شفت جنازة امي ..

- يونس محسن

كون امد ايدي اعـله خصرچَ ♥️