شِفتك تمر حلّان يكتل حلاها
بوستك لازم ماي نشرب وراها ♥️

والحمزة لو بس طاح حلگي بحلگها
مااهدها لو ثارين صارت تفگها ♥️

والحمزه لو موجود لمّن خذوها
ترمي الخلگ ليفوگ وآنه اعله ابوها

فنّه اليجيس هواي ويمس خياله
البرد لو جاساه كل عطوه ماله ..

عد يا عصب بالراس شيمة
يمحي التفاصيل القديمة ..
- علي مهدي 🤍

اي والله ..

يا گلب يتحملك وضلوعه مكسوره
إلا ادفعك ثمن كل هاي المروره
واحرگ اعصابك مثل ما حارگ الصوره ..

- محمد قصي

ولتشوفني اتغيرت
ذاك اني نفسي الوفي
بس حيل ما بية
بأول شباب العمر
لا حاضي بصحتي
ولا علتي مگضية
وذن كلهن اتسهلن
والصعب منك اجه
ولتگول شعلية ..

بَعد ڪل هالوجع لو عَالاقل ناسي !
احضني
لان مآغافي صار هواي
مِد إيدك وسڪت الصوت البراسي ..♥️

ذكرياتك ماعفتها
والـ اريدك ماتت بشفتي
بكثر مارددتها
واني من كتلك
" نسيتك "
بس گلت .. ماطبقتها!
واهتمامك چذبه چان
الله لا ينطي اربعينك لاحگيني بكل مكان ..

- محمد قصي

حاذف صورنا شعجب ؟
قرّرت تنساني
هذا القرار الصّعب
فكرت بي وحّدك لو وي شخص ثاني ؟

اليوم چي حلمانه بيك
الدنيا حلوه
وناسها المتعوبه حلوه
بيضه كلش
ترفه كلش
چنها اصابيع العروسة
اليوم حالف ياهو يتلگاني
ابوسه ♥️

سَمّعني موسيقى بوقت
چانت العالم سنطه
وتورطت
والمشكلة
حبيت هاي الورطة ♥️

- مهند العزاوي

ماعندي واهس للحچي
و لاغي الفضول من اول
هوّه اني بهمومي گمت
مابية حيل اتدخل ..

مبينة طبيتي بعلاقه
شفت وجهچ يضوي صاير
واني كاتلني الظلام
تأكدت من التقينه ؟
بالعشر مرات اسلم
وانتي ما حركتي شفه
شلون اقنع روحي رديتي السلام ؟

- علي زيد

حسسِتني ماليِ قيمه
مُن انتظِرتك
النِاس تركِض بالمحَطه
وتحضِن النِاس الاجوهِه
وانت محتار بجنطتك
بهيچ موقف
لو اخوي اگدر اكرهه
بس جبان وما كرهتك ..

تِگدر تگُول
الوكِت مَقسوملي
بكُلشي أريدَة يصيّر ضِدي
وِتگدر تگُول القسَاوة
والحِزن والصدمَة
المبيّنة على وجهي ذَني ردّة فعل
كُل دمعَة گبُل غرگت خدّي
تِگدر تگُول التريدة
تِگدر تگُلي أحِبك
بَس الوجوه التحِبك
والدَلال البيّك
والشيَّب اليحِبني
وكسِر عُمري
وطَيحتي
ونشوَة شبابَك
والعيُون العندَك
وهُوسة حَلاتك
هنّه خلنّك تمِل وما گِلتها .