اليغفة من غنة المنكوب
منكوب

بس العيب بية واني حبيت
وتورطت بگلب كل عمره ما حاب
محبتك سولة بية شلون زعطوط
تكتله امه ويرد يلعب بالتراب

- صباح الطائي

منو انت ؟
انت شي اخسر حياتي لو خسرته
انت احلى احساس بالدنيا اني عشته
وانت حبي وكل حلو بيك اختصرته
اصلاً الحب ماعرفته لوما انته ♥️

مسامح واليريد يروح معذور
آنـه اتقبلت كل الخساير
وكت ما عندي للتفكير بالناس
وابد ما عندي واهس للمشاعر ..

تره من استر افعالك حاسبك بزري
أم سكران ابنها تخاف ابو يدري
بس منا وجاي الناهبة من تفوت
اگولن ناهبة و ذمة الجره بنحري ..

- رضا العبادي

خليك
لا تشتاگ الي
وعادي اهتمامك يبرد
السچينه باچر لو عمت
هم ترجع اعله المبرد ..

منطرح بس مانام مثل الينامون
مو ملح صم حسبات طاحت بالعيون

بيضة الجگارة وريتي سودة
من ضيم ادخن موش مودة
ما امشي خطوة بدون گودة
لـ اهلي من اگول العلة كلفه
يطلبون ويه الشكوة حِلفه
چا شأترجى من الما اعرفه ..

كون الصور عدهن لسن
وتگلك الها شحاچي
صدگني واصل مرحلة
خربت شكلك بالصور
گد ما عليهن باچي ..

- كرار الجوراني .

غمضتهن
وفتّحت
گالتلي وصّفهن
گلتلها احب الصبح من يبدي من عدهن
گالتلي تتعب تره من تبلش تحبهن
گلتلها لوما التعب
محد يصدگ تره لو گتله عاشگهن ♥️

- كرار الجوراني .

و لتگلهم يحبني عيونه تعبانات
چا تعرفني احبك من اتعبهن ؟
مثل حبل المشانق خلگك انت وياي
من تصغره كل احلامي تكتلهن
گتلي عيوني راح اتّعبك ورديت
اذا ما اتعب الهن مااستاهلهن ♥️

- كرار الجوراني .

احنه المتعبين اهلنه
مدري الـ متعبينا اهلنه
چِنه وادم فقره بس ماعدها دين
لا تنوسنا بعمرنا حتى نستاهل عذاب
ولا احنه الحصلنه جنة .

- مصطفى جواد

من اطب للبيت والگه مريتي ما هيه
اختنگ واتراجف ومدري شيگب بية
اخابرها واگلها البيت اظلم صار
يا شمعة البيت الشمعة مطفية
عوفي اهلچ تعالي لحضني بارد صار
يَ بعد عيوني يَ مريتي العنودية
يَ جوريتي الأشمها من اختنگ بالليل
يَ المثلچ بعد ما تصح جورية
حياتي بدون وجهچ فلس ما تسواش
وفراغچ ما تسده ١٢ حورية ♥️

- لشاعرها .

شعندك جايني وشمخلي بأوهامك ؟
حبل طاسة الحب اطول من ايامك
ولك مو وصلتني لمرحلة اتمنيت
انه اليدفع الكرسي بلحظة اعدامك ..

- علي ابو نؤاس .

باچر تعيش السنين الما عشتهم
و الفرح ، يترس زواياك الحزينة
و ينملي بيتك اغاني
تكبر انتَه تصغر بروحك حسرتك 🤍

و انه چنت من اضحيلك
لاجلك حتى تتهنى
الأسير الينتحر مو طيش
عنده اسرار خايف تنوخذ منه
وتعال وشوفنه شچنه
الصورة البيها اني وياك مو تنشاف .. تتغنه

- ليث الجنابي .