أحِب لونچ ، و أحب وَجهي
أذا ينعكس بعيونچ ♥️

مُلة وتحب رجال مات و دِعوها
لطمت وست نسوان ميته اطلعوها

مُلة وتحب رجال ماات و دِعوها
و التم سلف صوبين ما سكتوها

ع الـ مُلة مغتاضات سبّنها كلهن
چه گالت النسوان بارد لطمهن

على سنَّة رسول الله ردت خلّي
وطردوني بوكتها وادم تصلّي
ابوها يگول مو من ثوبنا وننطي
انصحوه ياخذ المشاية ويولّي
وعمها يگول مو بس مااگعد وياه
لا هذا بحلم مااگعده ويّ ظلّي
وبتهم واگفه اتصرّخ بظهر الباب
لو ميت ولا هالموقف احسنلي
مفكر بالذهب اكثر من الصيّاغ
بگد ما گلت يابو الفضل سهّلي
گمت وشگد مشاعر بقن ع الطبلات
لا والله بقيت ابّيتهم كلّي
گمت ودموعها تجر بية من مگفاي
ومشلول النفس بالگوه يوصلّي
منو يطبب رگبتي بفتحة الحلقات
ما يبرد بحبل المشنقة غلّي
وامي تگرّص بخاصرتي وتگلي
بهاي البهذلة تالي العمر شلّي
واگلها لخاطري اتحملي
وترد تگول ولك هاي المذلة مو للبحلّي ..

- رفعت الصافي

شبدر مني ويشح ودك ؟
ومثل سبحه عجايز چنت ماهدك ..

ما فكرت بيّه ؟
ما صار عندك نقص
من فجأه تترك شخص وياك يوميّه ؟
من توگع بمُشكله
ما ترجع الذاكره وتحتاجني شويّه ..

- حسين السعيدي

خلهم ياخذونك غيرك هواية .
بس خليني اگلك
هاية الحچايه
مو كلشي انوخذ راعيّه ضل مكسور
تره الزلمه المعدل
ينوخذ رايه ..

رسَايل مِنك لحد هَسه اداريهن
مِثل نوُم الطِفل بالليَل اهِز بيهن
واكَلّبهن واشوُف ايامَك الحِلوات
مو حِلوات بس مَجبور اسميهن .

آني فرصة وجاي احبك
إستغلني
من اديرن ظهري عنك
لو هوى الله يصير يمك ما يردني ..

اشيلك من خيالي وترد
مثل الشيب
كلما تنشلع تكثر

- عريان .

احنه كلش فاگدينك
من غبت ما گمنه نلتم
واعتزلنه الگعده ذيچ
ومرة اذكر بيك نحچي
ومن وصلنه لحرف اسمك
هبّ حنينك
انت وينك ؟
لا قريب ونعتنيلك
ولا تجي ونلمحها عينك
فاگدينك ..

ردت اگلك كلمن بـ دربه
ونسيت
احنه اصلاً مو سوة ..

- فارس جميل .

مثل قاصة الفقره بگلبي ماشيل ..

لا شايل عليهم ليش ماشيل
منو بيهم نظيف ويسوه اعذره .

چنت اطلع و احُط منك
هّلي يصيحونلك عُطري ♥️

أذيتني بگد ما چنت مهتم بيك
الله اكبر ما بگلبك رحمه !
اكتب جريدَه من التعب
نص اليل
وتذلني من ترد عليه بكلمه ..

- عباس مراد

شاورت نوگ هواي چـىِ باچر يشيل
گلتلهه اريد آثار دوسي الرمل حيل ..

- مهدي كريم

الحادي. ساك ابليل من حمل هواي
خاف الگة درب النوك چفتهن ابماي