اتـذكروني بـ دمعة بـ حچاية بـ جگارة
حتة اگولن مـانسوني

الگاطع

حبني
قشمرني بهلا ومشتاقلك
حبني بالعباس انا استاهلك

سعود الخفاجي

"

انــه جــم مــره كلـت
لاتــــسهر الـــهم
ذوله وادم مايــحبون الــيحـبهم
ولا تخلي اي رســـاله
وذكـــره مــنهـم
ولاتــضل الـــيل
سهــران بــــــصــورهــم

ليث حسن

انـه ناسـيكـ
الصـور يتحـرشن
منيـن ماانـدار احـس يتبـاوعـن

عشرة بتعبها وضيمها بـ زلّـة تفض ؟
هسه اني خليني ، الملح ما يعرض ؟
بأول زعلنا ولحّگت تعشگ ليش
لليوم داعيك اتصارح وارفض
وهسه اعله كيفك جاي تمشي ومرتاح
غير اليطفي النار لازم يركض ؟
شليت حالي وگتلي الله يعوّض

- سعد شميّل

ال12 عبرت مو مجرد توقيت ،
هذي خسارة يوم مابي انته ..

هلَي
ماريدَ عمري ايطول
هلَي كون العمر يگصر
گضت عشريني
بس شوغات
چا المن بعد اكبر ؟

- احمد العبيدي .

هلي من حالتي ملّوا
عدل وتعاملوا عد راسي وي دفان
و اعلى الفاتحة اتفقوا
هذن كلهن ولا فرگاك
انا ما ردت اموت اعليك
اموت وياك ..

ما ادري اذا ليهسه تتذكرني
ويمكن صعبة عينك راح تعرفني
ما احچيلك اتغيرت واتقويت
صحيت لنفسي واتصالحت ويّ حزني
الأماكن والشوارع والمُدن والناس
مثل ما هيّه بس ما عادت تهمني
شگد صاحبت بعدك من رحت عني
يومية بعلاقة جديدة ويه كتاب
كلما اطيح واقراهن يوگفنّي
واتعّب نفسي حتى بسرعة انام الليل
وما اخلي فراغ بشي يذكرني
لوما جرحك من الوهم ما فزيت
شكراً لان هجرك صدگ علمني
خلاني احب روحي اكثر من أي انسان
رغم هالمرحلة شگد ناس خسرتني
وع الحلم القديم الچنت اگلك بي
جاي اوصلّه بس هواي تعبني
اعرف مستحيل انك تشاهدني
بس حبيت اسولفلك شويّ عني ..

- كرار سالم .

الحُب الكلاسيكي عند العشاگ
ما أحبه گالت، و أنصدم خلتني !
الوقت الـ يبذلونه بوعود وحلفان
گالتلي خل نستثمره، وباسَتني .. ♥️

صَدفِه شَفنِاك
ونسينه شلون چنَه
الحمدلله ندارت عيونَك عِلـينه
وذكرتنَـا بروحنَـا وگعـدات اهلَـنه
كـَثر مابيـها أَمَـان النظرة مَـنِك ♥️

من افكر بيك مرات انهضم
كلها يمي وانت مو يمي ظلم
المفترض يمك احط راسي وانام
بس تلاگينه بزمن ما يحترم
حُبك النوع المُركّز والثگيل
شوگي الك من هذا اليدگ بالعظم
هذا المخليني ما اگدر انام
وعنك يحچّيني ما اگدر اضم
عايش ويه سوالفك بيهن اعيد
چنك بذاكرتي لاضمهن لضم
لخاطر الله شگد حلو شگد تنضهم
انت غير مسوي للدنيا طعم
هي اصلاً فاهية وما الها لون
لغوة چانت قالوا و قلنا لهم
الفرگه ما مرت عَلَيّ مر الكرام
هسه گمت اعرف احساس الينحرم
بس المفارگ صدگ يعرفها زين
يصفّر الدنيا وحبيبه يظل رقم ♥️

- يحيى العلاق .

هَذا انه
بقيت أخضر
ولا شَح عَطر نعناعي
هَذا انه
أبدلكم ولا تتبدل اطباعي
هَذا انه
اضَحكت لَمن شفت فَيكم
ترس گيعان مو گاعي ..

اني ربتني التجارب
لا مشيت بزود ناس
ولا صرت تلميذ لـ أحد ..

هلا يا باب ضحكات الصبه وشوگي ♥️