گالولي عنك كملت قصة حياتك بعدي
وگالولي حيل اتشابهن حلمك وخدك وردي
بچوني واني الي چنت ما اقبل اتمشى بمطر
ويصير ميّ بخدي
گدما شفت بعدك حزن
منا لحد يوم الدفن راح ابقى عايش وحدي 💔

- مهند العزاوي .

بغرفة نوم ابد ما يفرح النجار
ما يرتاح بالچانت متعبته

- كرار اياد .

و شعجب صاير مو حلو
شو ذابلات عيونك ؟
و عظمك مبين بالوجه
ذبلانه حيل جفونك
هو انت صح هيچي صرت
لو هيچ صرت بعيني ؟!
نظراتك الچانت دوه هسه ابد ما تغريني ..

امنيتي اگلك اني احبك
لَچَن ماحسها اعله گدك
يا فراغك ، من يسدك ؟
يا فراغك راسم السكته اعله شفتي
ابتعد عنك سمه وتندل صفنتي
المشكلة وياك حلمي بنص غرفتي ♥️

- محمد الطالقاني .

اعرفك ما ترد بس ما طبگت الباب
مثل ميت عزيزه يعود ينتظره
سهل من تبتعد بس صعب تلگه انسان
شايل طيبتي ويهواك ع الفطره
باچر من ترد ما تلگه شي موجود
تلگه الورد ذابل والارض صحره
تلگاني مدينة مسددة البيبان
بيها الگمر ميت والشمس حمره
وتمسح ذكرياتك شجره الصفصاف
خافن من ترد تشتاگ للشجره 💔

- جبار العبادي .

اليمشي ويه اليحبها وايده بالجيب
مو بردان ، بس ما شايل فلوس ..

- علي الشمري

گتلي اليطب باب العشگ لازم يطب متوضي
من كون تفهم هاكثر
چا ليش رايح بلّه ؟!
چا ليش عايفلك گلب صايم عليك وصلّى ؟!
هو اني من چنت اندعي
ما چنت افكر بالرزق
بـ إنسان من باب الله 💔

- صادق الجهلاوي .

كُفّ بأول جرح لا تنلچم مرتين
عاهه يظل اذا مرتين يتخيط
ابتره اليوجعك من الجذر وارتاح
عليمن باقي عثرة ووضعك مخربط
يستفحل اذا ما قررت ينهيك
اگطع دابره من تعوفه يتسلط
ما يحمي الظهر
لا بالملاگه يفيد
مابي نفع زايد وين ما ينحط

- نور اللامي .

وهذا الحچي الگلته الك من عنده راح اختصرك
ذمتي شكبرها برگبتك الله يساعد نحرك
هاي اني رايح منسحب
وصدگني ما نرجع سوه لو يبقى يوم بعمرك ..

- حسين صلاح .

منا وانتهت والعشگ كله انفض

طلعت بوجهي الابيض والشعر الابيض

جنت حجل برجل تنكتني واحضن بيك

تسمعني لحن بس انه شابع خض

على اخبارك عشت ارتاح من ترتاح

واذا كالو مريض الوحدي اتمرض

- عصام كريم

يااخي گتلك اريدك عمر مو جهك تديره ..

ماعندي عزة نفس
خليتك اتدخلت بسوالفي ولبسي
وشتريد مني بعد ؟
من عيرتني گبل مو طورّت نفسي ..

- رضا العبادي

شو خُملي اليحبونك
من عندي هم يحصل بشر ؟
اتلوچ بية واسئك
خوما متعب سنونك ..

حسين العجيلي ..

ما عاتبت خاف العتاب يقهرك
واسهرلك واني ادري غيري مسهرك ..

شعِفت بية وصرت منك ؟
أشو فَجأة وشكو أُغنية صَفت عَنك .

چانت غيبتك كلفه
وجع شلعة الأضفر من درت مگفاك
جرحك محد يوصفه
وانا خلافك گبر چتال
محد يگعد بصفه .

خليناك وحدك من اجه الليل
شردنه وعفنه طولك بيد دفان
بچينه وعيب گالوا تبچي الرجال
وبچينالك لحد ما صرنه نسوان ..

- رائد ابو فتيان

المهم رديت بس مغورگة عيوني
رجعت احضن حياطيني
رجعت وروحي توجعني
واحس بس غرفتي التگدر تواسيني ،
بچيت من المخده لآخر أحلامي
لحدما غوّشت عيني ..