استاحشيت اكعد بصفك
والزم جفوفك واغني

ودي أكلك هاك اخذني ..
وين ماتبرد زنودك

ودي أدنيك ع صدري
والعب بشعرك واذكرك
بالايام النمنه بيها بغطى واحد

اخ لو تدري بوحشتك ..
بيش أساجيها غربتك ؟؟

انت رايح
بعد رايح
ماخذت جرحي بجنطتك..

رادو يسدون باب اسمي ولكوك
وسابقوني
وخلصت الكاع ولكوني
غاااد من خصر الوفه واكف وأحبك 🥺

ضمني بس ليلة يمك ..

يله اخوان انطوني رأيكم واقتراحاتكم
مو انا انشر وانتم تتناقلوها بالخاص😉
ترى اشوووف هااا😜🤭

مو كل راس يطلع حگوگ العگرب ذيله يسولف.

#رباط_عظيم ❤️

وبعدك منعكد بيه حرز لليوم
وماعفتك
يوشلة عافيه عله الروح علكتك
عشك وهدوم
واكلهم انه حبيته
شجاها الناس بيه تلوم

وهَذاك أَنه
عَكس كُل بَلم طر مايّك
أحب جزرك
لان ألگاك حر طينك
ولذيذ الثوب من يگصر
وعَلامك گالو تعشگه؟
تَره ولفك تنيّن الشر
وأعاندهم واگلهم ياهلا بـ هَل شر
ويَـ جرف الشوگ دثرني بَلم فحطان
أريد ادفه بـ نثيّث الثوب المشجر

حتى من گالولي انسى
ردت اجي لحظنك واگلك
"عادي أنسى ؟! " 💔

لشاعرها 🌸

مقترح "

كون اسوي بين ادينچ دوله ما بيها منافق

دوله بيها الورده جندي ونمحي آثار البنادق

بيّه چَم نائب يغني برلمان الحب حدائق

انتِ صوتچ چن نشيد

موطني موطني موطني

عيونچ المجد التليد

أنه من دونچ غريب وغير آمن

چا دلميني بـ حضرتچ من بعيد ♥️

،
،

ماهر الدليمي 🌸

بلگوه حضّرت الحچي الراح احچيه
ولهاي الـ "شلونك" ابد ممحسب ،
هو اني ما مرتاح بس گتلك " زين "
هو الگمر نعسان بس يچذب ♥️

باهر جنديل 🌸

‏من گتلي باچر نلتقي
‏ماغمضت عيني ونمت
‏ گاعد بقيت لصبحك❤️

رند العاني 🌸

جبنآهه بـ قلق خآفن يحسون
اهلك و العلآقه اتريد تعويد
و لتگلي العمآم و دوخة الرآس
حِبني بـ رآحتك عوف التقآليد
يـ المرخص النآس بـ عيني محتآر
اشما رفضوني اهلك وآهسي يزيد
يـ الرآيدني اريدك خل يرفضون
غيرك لو تجيني الحور ما اريد ❤️

لشاعرها 🌸

دكاكين الضماير والزلم للبيع
كل عشرة بربع يا مرخص المبخوت

زلم تلزم سرة اعله جفوف ما تنباس
وزلم لزمت سرة اعله الغيرة والتابوت

وفرق بين اليموت احساسه بالدينار
وبين الما رضا وراد بقضيته يموت

ولك صعد العكَال ونزل الدولار
الملاهي بجالك انترست بنات بيوت

وينك يا شعب ساكت وما مغتاض
يا يونس بعد ما يغص بيك الحوت

بولاية علي وتلزم سرة النسوان
خبز ما عدها ، وكحابك تصوغ بتوت

يبو التاريخ ترى ما يرحم التاريخ
تابوتك ذجر والموقف الزاتوت

وذو الفقار بس لجف ابو الحسنين
وما يتوالم المسلول والمسلوت

اليببع اسمه وضميره العار ما يخطيه
ومضيفه يبدل اسمه وينكلب حانوت


#عقيل_العرد

يا اهل العيد ..باچر عيد
بالله بيا وجه حتى ويمرنه العيد
واحنه بكل فرع علگنه صورة حيد

حضرو عيونكم لو مر عليكم شاب
الطمو اوجوهكم وادي السلام بعيد

ملك الموت يفتر عاشگ الزينين
تره البيت اليون فاگدله اجاويد

عمت عين الوكت حيطانكم سود
الاسود مو حلو بس صار تعويد

نقرأ الفاتحة حتى اليمرنه بطيف

شعب مل الصبر كثر المواعيد
شعب سوه الوجه لوحة تجاعيد


#فريد_العسكري

كل عام وانتي العيد يمچ عيده
اقرب الي من روحي بس ابعيده
وچي ادري كلشي بسرعه يخلص ظليت
يحليوه احبچ حيل بس ابهيده

كل عيد گلبي مناطرچ ويحبچ
ماعندي كلشي وعندي كلشي بگربچ
اسود گلبها الناس بس انتي اشلون
مو گلبج ابيض ، حتى ابيض ذنبچ

العيد اجاني و شوفتچ عيديه
مناطر هلالچ وانتظر ليليه
رمضان عَده و لمَن شفتچ حسيت
اصل الهلال بضحكة الحوريه

گلبي يحبچ من گبل مو توه
من زمن ادم نشدي امج حوه
ماشفت بعيوني البنات الحلوات
و بس شفت ظلچ گال ذيج الحلوه

وكل عيد اناطر جيتچ يكحيله
تعبان حيلي و صوتچ يرد حيله
مجنون ما اعرف الـ اي من الـ لا
و مو قيس بس اشمالي احسچ ليله

گلولها امحسبچ صبح بت عينه
وبس بيچ رايد يكتمل نص دينه
ادري البنات اتراب بس تختلفين
سبحانه ربي الخالقچ من طينه ،💙
.
.
حمادة ابراهيم 🌸

عايدت كل الاحبهم ، وانت وينك ؟
يمي كل الدنيا حلوه .. النقص عينك

و شلِّي بالمرجوحه اذا ابعد وارد
ومو بحضنك

خلي عيد الناس الهم ، واطني حزنك

انته مو تدري البشر من طين واحد ؟
وانه منك

انته مو تدري اعلمودك
رخصتها ثگال تعبي ؟! ليش ياثلثين روحي
كل سنه وانته حبيبك
غير گلبي

ليش كلمن ولفه يمه واني گعّدت الرسايل

عايدتهن وما اگلك بس قريت
لا وحقك مثل ما اشبگك بچيت وشابگتهن

والمكاتيب شكثر حنيه بيهن
شو ولاچن انته بيديك اكتبتهن !

عيوني التحبهن عليمن ذبلتهن ؟
وهسه خلصت القرايه وقبل ما اضمهن
بستهن 💔
.
.
عباس هابيل 🌸