من مشيت مشه شباچي وراك
وجفني سبـگلك مسافه
ومن اجيت باست العتبه اديك
طافت بروحي الاشواگ
وذابت بدمي مواويل وقصايد
سيـّر العيد اعله روحي
واعتنتني العافيه بزفة گلايد
زخـت الدنيه فراشات وحدايق
والعسل صبـّح سبيل
واشتهيت الليل يطـول
حتى الم كل البساتين ابلابلها
واطشها اعله المراقد
من اجيت..
صفگ ابگلبي النخل والهور
والبردي اعتناني بطور داخل
بيك غنـه ابوذيه من عشگ ذيچ المحنه

#روحك اشمرها بحضن ولفك تعيش♥

#اتورد الخبزه بـ حضن تنورها...؟ 🍂

امن اشبگك يوگف الرمان حاجوز

ونذب اهدومنه ونگلهم العوز

باچر تعيش السنين الما عشتهم
والفرح يترس زواياك الحزينة
وينملي بيتك أغاني
تكبر إنت
وتصغر بروحك حسرتك .. ..

..
بلال الصافي

كوون اشوف الحزن شــارد
كون اغمض عيوني ليلة وراسي بارد


..
باهر جنديل الفتلاوي

ومتانيك
ومتاني المحنه البيك تچهبني
ضل ابعيد ومجافيني...بس حبني️ .!!

..
لــ ذياب كزار

باجـر تشوف التحبهم ماتحبهـْم
وباچر تعيش السنين الما عشتهم..
والفرح يترس زواياك الحزينة..
وينملي بيتك أغاني..
تكبر إنت..
وتصغر بروحك حسرتك..

..
بلال الصافي

گلي وين استوطنت من غربتني ؟
چان هسه ابكيفي اشمك
چان هسه احلامي متبديه اعله متنك

..
بلال الصافي

چانت تعايدني گبل امي وابوي
عيدها وعيد الله كل واحد كتر

وچانت اتحضر اذنها بكل هدوء
اتگلي بالعيد ( اشأجه ) ابالك شعر

وچنت اكللها الوطن لابد بديج
وانه اصابيعي شعب ما مستقر

..
بلال الصافي

مو گلتلك؟
.
تلتهي وينباگ حلمك
.بالچذب چا گتلي أحبك
.
چا لكيتك
چا شلت عيني وشفت دنيا
بحلاتك
بس نسيت
وضيعتني
ومالگيتك

مو گلتلك..

..
ل مظفر النواب

البُعد
لو بـ المسافة الخطوه مگدورة
لو بـ الشوف چا فضيتها بـ صـورة ..!

ياعذاب جروحنه
يفت الگلب والصد كتلنه ،

ياحزن يعگوب
ربع الربع مايلگاش منه ..


ـ عريان

الما يشبهونج شكلهم ؟؟
هي حيره
كل بعيد بعيني يصغر وانتي بعيوني جبيره

علي رشم❤️

لو ماي
اعبره ابلم
بس ليل شيعبره

غني محسن

كون ادري
الخمر جذاب
ماحنيت

_يوسف الحلفي

هـٰ الليلة طفَيت الضوّهَ وبينَت لمعِة بخدي
والمشكّلة بروَحي زعِل وحـِٰالف عتبَّ ما أودي !

عقيل العرد

جيبولي هذاك الذابني اعله فراگ
يوگف عالجنازه وخل ينگطلها

محسن الخياط

فـاهي اللـيل يمـهم حتـى مابي لـون
ولابـي طيـف يرهـم عالجـفن رسـمه

ماصـخ مسـتحاهم وانا مالـح طيــب
اليتبده وي غيــري بـروحـي مالمـه

بيها اعــناد روحــي وي الهـوى من يفوت
اذا يثـكل علـّـي لو امــوت مــا شمه !

لـ علي رشم

بعزّ شحيحك وانتَ مامش !
گالوا لگلبي تمنى ؟
وانسى كل هاي المحنة
وعرضوا اگبالي
سواجي
ونهد يخزرني وشفايف من حلاهن
كل بشّر بالكون لو مرة لچحهن يهلكنه
وگالوا بكيفك تخيّر
وبّسم شفاك المحزنة
چنهم يعرفون روحي
مچوّلة وتتناك مزنة
وجابوا الغيمة ومطرها
گالوا تونس حدرها
خلها تلعب فوگك تبلل زهرتك
خلها تمسح حزن الأيام بسكتك
خلها خلها
ولو تهنيت وروتك
بالك تزعل گمرها
تگوم تبچي
وانتَ چولك هم طويل ومايهيد
منين تلگه غيوم تمطرلك بعد !
ورادوا يشِيهون بالي
وانسعد
وحسنك يموت بخيالي
وأبتعد
شتظن بعتك ؟
تظن ساومت بمحبتك ؟
تظن مر بالبال شيطان وجزعتك
لا وحگ شامات ربك وين ما حطهن بنثية
گلت أحبك



#حسين_شاكر_الريس