يله دزولي شعر هنا
بتعليقات بلا يوزر وتصير مساجلات وكذا احلى

‏يرف سرگي الباب
‏
‏من استورح لجيتك

طواري

‏

#لمبدعهآ

و إثنينه بـ نفس المخدة إثنينه
ماكو ثالث الله چان ابـينه
چانت إسوالف حلال !!
شلون شنسمي الجهال ؟؟
الله حاط شگد محنه بـ دينه
عصرَت إچفوفي و باوعتلي و غمضت
مثل جاهل من گلت رايح بچت
حتى ما تسأل سؤال
عدهه بس كلمة تعال
بَيَن الحب الأصيل بـ عينه

علي البديري

وين ألگاك دليني ؟!
يـ من حليتني بـ عيني..

علاء غافل

أحبّك من تجي معلعل
شحلاتك من تگلي ولايتي بحضنّك
وأسويلك وطن من ديرة ضلوعي
وأگلك نام يَّ مدلل.♥️

يا مفتاح روحي
والسوالف بيك تحلى
والهوى يمرني
ويرطبني هبوبك
يا ندى الغبشه
يا خطار عيني
ها كثر مغتاض
من رمش لرمش زعلان تتمشه♥️

-عريان 💐

من مشيت مشه شباچي وراك
وجفني سبـگلك مسافه
ومن اجيت باست العتبه اديك
طافت بروحي الاشواگ
وذابت بدمي مواويل وقصايد
سيـّر العيد اعله روحي
واعتنتني العافيه بزفة گلايد
زخـت الدنيه فراشات وحدايق
والعسل صبـّح سبيل
واشتهيت الليل يطـول
حتى الم كل البساتين ابلابلها
واطشها اعله المراقد
من اجيت..
صفگ ابگلبي النخل والهور
والبردي اعتناني بطور داخل
بيك غنـه ابوذيه من عشگ ذيچ المحنه

#روحك اشمرها بحضن ولفك تعيش♥

#اتورد الخبزه بـ حضن تنورها...؟ 🍂

امن اشبگك يوگف الرمان حاجوز

ونذب اهدومنه ونگلهم العوز

باچر تعيش السنين الما عشتهم
والفرح يترس زواياك الحزينة
وينملي بيتك أغاني
تكبر إنت
وتصغر بروحك حسرتك .. ..

..
بلال الصافي

كوون اشوف الحزن شــارد
كون اغمض عيوني ليلة وراسي بارد


..
باهر جنديل الفتلاوي

ومتانيك
ومتاني المحنه البيك تچهبني
ضل ابعيد ومجافيني...بس حبني️ .!!

..
لــ ذياب كزار

باجـر تشوف التحبهم ماتحبهـْم
وباچر تعيش السنين الما عشتهم..
والفرح يترس زواياك الحزينة..
وينملي بيتك أغاني..
تكبر إنت..
وتصغر بروحك حسرتك..

..
بلال الصافي

گلي وين استوطنت من غربتني ؟
چان هسه ابكيفي اشمك
چان هسه احلامي متبديه اعله متنك

..
بلال الصافي

چانت تعايدني گبل امي وابوي
عيدها وعيد الله كل واحد كتر

وچانت اتحضر اذنها بكل هدوء
اتگلي بالعيد ( اشأجه ) ابالك شعر

وچنت اكللها الوطن لابد بديج
وانه اصابيعي شعب ما مستقر

..
بلال الصافي

مو گلتلك؟
.
تلتهي وينباگ حلمك
.بالچذب چا گتلي أحبك
.
چا لكيتك
چا شلت عيني وشفت دنيا
بحلاتك
بس نسيت
وضيعتني
ومالگيتك

مو گلتلك..

..
ل مظفر النواب

البُعد
لو بـ المسافة الخطوه مگدورة
لو بـ الشوف چا فضيتها بـ صـورة ..!

ياعذاب جروحنه
يفت الگلب والصد كتلنه ،

ياحزن يعگوب
ربع الربع مايلگاش منه ..


ـ عريان

الما يشبهونج شكلهم ؟؟
هي حيره
كل بعيد بعيني يصغر وانتي بعيوني جبيره

علي رشم❤️

لو ماي
اعبره ابلم
بس ليل شيعبره

غني محسن