▪

انت العين گتلك من يرِّك الشوف

تفگسها إعله شنهي الچانت أُربيه


▪مشير السعيدي

تعرف ليش احبك راح اكلك ليش
جيه طولك مناره بنص الولايه
وشفتك عالنهر دنكت تشرب ماي
جن شفت النهر دنك شرب مايه
على خدود المرايه تمشط الحلوات
وعلى خدودك شعرها تمشطه المرايه

▪احمد الذهبي

أشلون وبيا لحظه وحدي أتغربيت؟
أشلون باب
أشما لذت بألوانه
يختلطن عليه
أيخيرن البيه عليه
وردت أدي
.. ومادريت!

لـ كاظم غيلان

•

دورِّت كل الحراثي امنين اجيچ

ردت اضم باقي السنين ابّين ادّيچ

ردت اگلچ (آنه احبچ) واستحيت

ودوهنتني عيونچ الماتربي لحَّد

آخ..وليمته العمر يبگه ايتفرهد .
.

لـ كريم راضي العماري ▪

يمته الگاك
يمضيع سنين العمر بفراگك
يمته الگاك
واغنيلك واجمع شوگي بشواگك
ياواحه ورد وتفوح
يا اول عشگ للروح
سالفتي طويله وياك
يمته الگاك

كاظم الرويعي

.
يكلي تغرگ

يا عساني بعشگ اغرك دوم

ولاوحدي اطوف بلايه معنى

وحبلي منكم ينكطع


لّــ مظــفر النــواب

زمزم الوادم جزيته

وطافت الكعبه بـ قنوتك

شَدني عـ الفطره سنابل جايعه ومحد غفرها

وأعتصمني العروه من يلمسها چفك

تَحلف الجنه بـ سترها


لــ وسام سباهي

مُتباركين بولاية أمير الإنسانية علي

حزني منك
يسوه كل حزني عله غيرك


احمد العبيدي

شَمسك
جاست عيوني
وحَله بـ شوفي الوطن والناس



#حسام_باسم

غريب وبالحزن مچوي
نهر انتَ
نهر ماشفت اليروّيك
ويطفّي الحنين البيك
واتعوّدت بس تروي !

#معتز_سامي

انه سولفتك وماگلت كل البيك
مثل القره حچايه بنص الف ورقه
كل الگلته انك فكرتي وفحواي
واسراري ويقيني ومبدئي وعمقه
وايماني وضميري وراحتي من احتار
بيك والگه فكري بعالمك يشقه
يل بجف اليتيم ايصير جفك ماي
يابيرغ الرأفه ومعجم الرقه
وبنفس الوقت انته الترد الجيش
من يشرد الكل وانت بس تبقه
ماغاليت بس هو الصدگ انته
الصراط المستقيم وعروة الوثقى
مامجبور اچذب حتى ارضي فلان
واقبل ويه غيرك تنعقد صفقه
وانت التعبد من الليل ليل الليل
طوعته وحييته وجسدت نطقه
احبك ..وابقى اسولف ياعلي بطاريك
لو تختلف بيه ١٧ فرقه

#ايهاب_المالكي

🍃

ترف يطفح هواك ابكلبي وايفيض

وافوجنّ بحر همي ويبعد الكيش

وارّد اعطش العينك عطشة الكيض

وترف جنحان كلبي وما يصح ريش


لـ الكبير الگاطع▪

🍃



علي بيبان جنَّة وعلي المفتاح
وعلي العروة الوثقى ولبَّت الدين
علي قبل الخليقة وقبل الارواح
قبس من نور وجه الله مو طين
علي ولو ما علي كل وثن ما طاح
ولا راية محمد وصلت الصين
دين الله أرض بي علي الفلاّح
وزرع صوم...وصلاه...وحسن...وحسين
علي الواضح ولا يحتاجله ايضاح
علي زَوج البتول، وأبو السبطين
علي الحق...والصراط وعلي الإصلاح
وبي يوم الغدير اموصّي ياسين
علي مخوّف الجن وامريض الاشباح
او طوَّعهم بحد السيف صوبين
علي الما بارزه واحد ولا طاح
ابتداءً من بدر واوصل الصفّين
لرگاب الشرك والكفر ذبّاح
علي...ويامَنْ نقيسَّه...بيا ميازين؟
علي السكَّت ابن ود من حچه وصاح
وضربته تعادل اعبادة الثقلين
علي الچان ابسفينة نوح ملاّح
وهُم للاَّت والعزَّة مصلين
علي بحر النجاة وبالأرض صاح
فلا طلگت ولولت بيه نساوين
بيه طلگت الكعبة وبالسمة افراح
بعلي المفروض ما يختلف شخصين


الشهيد رحيم المالكي

مبارك لكم الولاية ▪

ويظـل طـرواك نسمـة بـر
لايرخص شرفها ولاهـي
تتعـثـر

عريآن السيد خلف

وفي نهاية اليوم، اتحسر على المسافة بيننا، فلا حضن ولا قُبلة منك، تطبطب على شفتيّ لأنام.

للأمانه ، كلشي بيّـة إستاحشك ..

أحمد العامري

🍃

اذا انباگ الصبح لا تتهم الليل 

تره الباگ الصبح چف النواطير

خلصتوا عمركم بين راحه ونوم 

وخلصنه عمرنه بالتدابير

لـ قاسم السلطاني / بابل