والوطن كل الوطن شمة برگبتك

باسم الخاقاني
🍃❤️

الليل ماريده يجيني
ولا اعرفه ابلايه انته
عوفني بمحراب شوگي
ساجد بلايه اتجاه

نوفل الصافي

وبعدهي سوالفك
لذتها لـذّة عيد ،.


#مصطفى_البطاط

إن الهوى مَلكوتْ
مَن يستطيعُ بأن يُقاوِمَ جذبَهُ
مَن ذا يُقاوِمُ ذلكَ الجبَروتْ ؟
إني امتثلتُ لأمرِهِ
قلبي "كيونُسَ"
والهوى كالحوتْ

- عبد العزيز جويدة

الحب..
وجعٌ لا بدَ منهُ 💔

مثل الماي عالغرگان
احطن وجهك بكل صوب

لـ الأحبه حسين المرياني

ومشتاگلكم

▪

مرني طيف وهم اكَولن مرني طيف
شريني جلمة وانه نسمة بوكت صيف
شريني كَمرة شريني سالوفة وامل
شريني كَمره الدنيا ما تسوا الزعل
لا يروحي الدنيا ما تسوا الزعل

لـ ناظم السماوي

▪

اخذني اشراع لدموعك

ماريد الضحك يرسمني بضنونك

آنه وياك وابن آدم

كل ما نختنك ننعاش
.
#ذوالفقار_الزلزلي

ليش الهوى الـمر بيك ما جابته دروب ؟
چا منه اضم بـ چياس واشتمه الغروب



#ابراهيم_الكوفي

والرگبة شيشة عطر
لمن بستها تكسرت

كل بوسة تترك اثر
جن طفلة وتحمرت


#موسى_الحمامي

يابعيد ..
الفرگة دنيا تبوگ حيل من السنين ..
وانت غااااد
اشما حلمت تجيس وجهك ،
تگعد و ما تلگة ادين ،.


#كاظم_الركابي

لذيذ البَچي أعله أبن آدم
تردلي العافية أمن أبچي ..

،،

عبد الكريم القصاب -

عساها بالگصب يفلان
حوبتنا ومدامعنا وتراچينا
نمد بفيها السواليف ، راحة بال ، وخبزة واستكين چاي تكفينا
وعلى ركبك ، مثل ما چنه واحنه زغار
ننسى ارواحنا ونغفى لهذاك الصوب
ياخذنا السعف لله ويرد بينه
النواب

بس مو جبيره الشنهي مابيج
من تنشد ع رويحتي شبيج ؟
انه ع حطت روحتك ذيج
مشلوع كلبي ع الشبابيج


ضياء المياحي

زعلان منه لخاطره ..
ولخاطره ماسامحت .

مر اعله بالي ودنكت .. لا اشرتله ولاصحت
زعلان منه ومن نمت .. من الشوك ميت صبحت

عيونه ، وأحلامه ، وصفنته ، ولهفته ..
ودن عليه ومارحت .

ووصيت روحي اياج تنطينه وجه لمن يجي ..
الصالحت ولما صالحت

أعصابي سواهن حبل .. ويتمرجح بواهس طفل
وما جنت اخلي بخاطره ..
وماكتله ياما تمرجحت .

اخطاء ابد ماتنغفر .. ومطيحله وماتنمحي
واصفن واعاتب طيبتي ..
ياطيبتي شكد طيحت .

زعلان منه لخاطره ..
ولخاطره ماسامحت .

#جبار_رشيد

تعالي
فهنالك الكثير مَن الموسيقى
يجبُ أن نستمع لها معاً
والكثير
الكثير
مَن القُبل العشوائية
و لحظةِ حُب
لاتنتهي إلا بالعناق الشديد

#حسين_شاكر_الريس

▪

تذكرني چفافيك...واحن لايام عشرتنه
واگوم اتعثر بجدمي
وألمِّلم كل دساكرنه
اهنا چنه وگعدنه..اهنا
تسامرنه وتعاتبنه
اهنا يم شاطيء الگصبات
تذكر من تعاهدنه
وبنينه عشوشنه ويه الطير
وعله البير بچفافي اخلاص طرزنه
يسمر والبيادر هاي
فيهن بيه غطنَّه
وتهلهل بنات اسهيل..اجتنه وعجنت الحنَّه
وآنه اليوم اجيت وحيد
وإتذكرت موگفنه


الكبير الراحل زامل سعيد فتاح

.
شعور يوجع من تشوف شخص تحبه تعبان ومتضايق
بس الي يوجع اكثر من تشوف نفسك عاجز ومتكدر تسوي اي شي لان مابيدك شي حت تسوي وهذا الشي حيل يوجع والله

▪


ناطريتك...
يا حلم ليلي وعذابات النهار
ويا وجه كلما بعد عني غده الگلبي گريب


▪طاهر الحسني