كاظم اسماعيل الكاطع غريبه طيور عمري

شمعاتك..
أشما تحترگ تطفى أصابع لشمس
وأجروحك .،.الما ينخفن يبقن نشاز أوي اللبس
غنيني.،.گالوا با الغنى شباچ ينفك للعرس
غنيني.،.هاا بلكت تمر بس ليلة،من ليلة،امس
وك ياهو يرجعني للأمس
ياهو يدليني بدرب بي مجفي موعد من امس
گلبي مواسم للشته وكل باب للظلمة شكل
هسه انت ناوي اعله الهجر چاليش عايف صورتك.،!
أهجرني بس أهجر عدل..


محمد القزاز

الشاعر علي العبودي

صوت : كرار اللامي

غافلت طلعت علينه الشمس
گبل الوکت
عرگانین ع البردي

وانه عيوني تلهث ،، شنهي هذا الطول ؟

گتله اريدك
گلي هم اني اريدك

والشفاف تراجفن ،،، نتلاگه باچر
گتله ما عنديش باچر
اني هسه

#نائل_مظفر

عند عقد القران يجب ان يطرح السؤال التالي: هل تظن انك قادر على مواصلة الحوار وبلذة مع هذا المرأة حتى شيخوختكما؟

🍃❤️

كمر وبكل ماي اطيح

مو عطش بس طبعي احن

ومن طحت بيك اعله نيتي

ما ادري بذيبك فطن

وانتهينا وما طويناها اعله خير

وخفت لا تنساني عينك
لملمت وجهي وبجيت

تالي وجهي اسود لكيته .. وذنبك بلون الكطن

سافرت بيك اعله نيتي

جنت اظنن كَلبك بكبر الدرب

وخفت منك...

لو نشف جنحك تسافر للعب

وتعوف كلشي

والحزن سكتاوي يلبد بالكَلب

عشرتك عبرِة ضباب

لاعشك روحي انتهى وسديت بابي

ولا نسيانك بدى

انه عش كبرن طيوره

وجحَل بحضنه الندى

روحي ساعة بيت مهجور وتدك .. ماتدري المن ؟

وانت باب بلايه نثيه ترش عتبتك ... مدري المن ؟

وجهي مشروب بعوافي المايعرفون العوافي

حزني زخ مثل المطر والشعر مثلك

راد روحيتي بقوافي

بس بجيت بكيف روحي

عقيل العرد

آخذني لهوسة اسرارك
ظرف
تايه بلا عنوان
اخذني لكل صريفه
شموع
آصير امن الحنين انسان

ناظم السماوي

يفلان الحضن شبرين
بس اعدااال دنيا بساعة الشبكه

«منقول»

وتدري ابن ادم المشتاگ كل سوالفه ب ناسه

موعود الرشيدي

نآدينـي
بـ عطش تموز أجيلك سَـيل
وعلى احَضانك
أطش روحي بخور ويـآس
وبـ شعرك اصيرن حنّة عربيه
وعلى اشفافك أموتن هَيـل

#باسم_البديري

🍃


كل وحشه التجيني اتسد عليّ بيبان..!
وانتَ ابلايه وحشه..،
او رايد ابنومك يمر بستان

لـَ ريسان الخزعلي

ويآك أحب حته النهآر إيصير ليل
ويآك أحب الريح تعصف !!
حيل تعصف !!
حته أسِد شبآچنه بـ بحجة هوى
و حته أفك شبآچ صدرك و أستريح

#عماد_المطاريحي

🍃❤️

لماذا الناس هكذا ؟ كلما احببناهم ازدادوا ضرواة وتنكراً .. هل علي ان اكره لأزداد قرباً من الآخرين.

الحياة المليئة بالأخطاء، أكثر نفعًا وجدارة بالاحترام من حياة فارغة من أي عمل.

‏اعتقد إن الوطن ليس الارض التي تعيش فيها.. بل الصدر الذي ترتكيّ عليه كُلما حزنت.

🍃❤️

چانت
تگلي أخذ گلبي ينام
بحضن کلبك

#كاظم_خبط

يا ناس حبّوا

هوايه حبّوا

ولا تخلّون الربيع بلايه وردة

#زهير_الدجيلي

خلهن مو وكتهن خاطر احچيهن
يجيني الليل وگعد ونفرد بيهن
وفتح بابهن فتحة اجناح الطير
وراويك الجروح الما مراويهن

لـَ عباس العبادي

لـحد يا سـاعه اشـمّ تـراب
مـامرّه جـدم تـايه
ولـحد ياصـفنه اصبر اللّـيش والـحسبه
مـو مـلّيت
اي مـلّيت
اطـشّر بالـصدگ بـوجوه مـاتـستاهـل الـچذبـه


لـَ عباس الغالبي