جان كتلي...
الجبل يفرش متنه
حته الماي من يطيح ينذل!!!
جان كتلي...
نفس اليكبر السنابل
باجر يصيرلهه منجل...



لـَ صفاء الصمت

شسويله الدمع
غيم ابشاطي الشوف
لا ينزع اعيوني او لا يكت ويروح

لـَ عبد السادة العلي

ما جابرلي وادم حتى اظل خلهه
انه الرايد يحبني اخدودي يندلهه

اسكت والحچايه اتجيس سابع غيض
من وادم گبل چنت اني ادللهه

مثل الخيط ماتعرف الراس امنين
هچي اطباعكم چانت من اولهه !!؟

حسين الثويني

قناعتي

الغربه احتضنت التأريخ حينما لامست
قصائد العزيز جدااا عسكر

.

يـ أخـر سالفه
بـ عين الفلح للگاع
بـاگو من خيــالي سنـيـن
ومن تاهو طريج الله
آنه الرديتهم للطين

واندليت حزني منين
بس ما وچدت شيريد

هذا انه بعدني انسان
جواز لكل غريب يريد بيه يسافر لروحه
وهذا انه ..شمس وفياي
للما سولف جروحه

اثـاري الــ آآه تـبـدي مـنـيـن مـا تلگـة وطـن يحـلـم

لوتدري بينه شكد بجيناك
يمكن ترد وتجيبنه وياك

ياهو الياخذك صدفه ونوايا الناس
سولة ضوك .؟
وين اتريد بعيونك الماشبكة اوجوه اتلوك.
الاغاني منين البروحك عمر محروك

عبد الوهاب الحمداني

تعال لتهرب من ضغوط الحياة لنجلس هكذا معا واسند رأسي ع كتفك نضحك تارة ونتذمر تارة ليس لنا سوانا ولا نريد سوانا

🍃❤️

لا بد ترد

كل ضحكة محبوسة بسجن

وانگلها اطلعي

وشبعي من بغداد بوسات وحضن

بغداد حلوه شما كبر بيها الزمن

#حسين_شاكر_الريس

هذا انه يبعد هناك
اشتل بل جرح طرواك
وهلال العمر لاهل ولاشفتة
ولملمت الدمع تيزاب بعيوني
ولك تيزاب وحبستة
سهر بردي وجحيل ازرگ
يل خشبة الگلب لو طگ
يم سحن الكحل بچفوفك اسحنتة

ذياب گزار

ولا ذكرى ...

ولا خليتلي ابروحي جرح يبره ...

عبد الوهاب الحمداني

.


وانه إنسان

يكشخ ع الصدگ لو سولف بحلمه


لـ الرائع عمار العبادي

الشاعر عمار العبادي 🆕

سوي إعادة توجيه لليحب يسمع 🍃

الله 🎶🎶

الشاعر عباس الغالبي 🆕

سوي إعادة توجيه لليحب يسمع 🍃

" حگهمْ من يلوموني ،
مـا عرفوا وطن مثلك ،
يغني ويترس عيـوني " .

ناجح الجبوري

🍃❤️

هنااا يلشفتك وركة غصن ياس
ويبو شعر اليناوش ظلمه لليل

من اللبسنك شمس هم تخفت وياك
من اللبسنك عبايه تنكلب هيل

خصرك جنه روجه تﻻعب الماي
وسابك بالحﻻه كل جيلك بجيل

اخاف من ارد اضوكك لذه مابيك
حلو وبشفافي كبلك ضايك الويل

على رموشك تحط طيور وتطير
وينراد لخزرتك بشر بي حيل

وحمار خدودك الماينوصف دوم
بهت يمه الضوه ونزف المجاتيل

ومن كد مااتاني ابابك الناس
وي عتبة بابكم صارو معاميل

العليك يذب حجي من تفوت معذور
عليك تذب حجي حتى التماثيل

عيونك من تغمض اوصل الموت
احس بيهن ظرف جنهن مراسيل

من ازرع حجيك يخضرلي ديوان
واذا حن الغريب يشتم الريل

وانه ﻻكاتل وﻻبايك بيوم
دخيلك من بياضك جيتك ادخيل

اشكد مثلو يوسف باﻻدوار
ووصلو يمك وبطلو تمثيل

ووكتي الكوه يمشي خلص وياي
شماله من ارد اشوفك يركض الميل

من بعيد اليحبونك يعرفون
مو ياهو اليجي ويركبهن الخيل

واعيل بروحي بيدي من اتانيك
الشايل كلبك انت يعرف يعيل

وﻻجنك تمر باجر ع العيون
من تجزيني احسك رايح تشيل

على كيفك وي كلبي شمالك وياه
من تمشي بهداوه بطل تميل..

#حسين_الحبتري

جانوا من يذكرونك
افك شباج صدري
وافتح ضلوعي وأشم اطاريك
اثاريني غشيم
تبيعني واشريك ..
..
..
#عبدالأئمه_الموالي

لا بد للمراة حضور في الشعر الشعبي
استمعوا لهذه المجموعة من الشاعرات :


.

هلي بكد ما عشكهم واكف بعيني
طحت بيدك
ياهو الكال ماريدك؟
يفلاح الضوه وعطر الهوه
من اتفوت…
اطش صوغه العناكيدك.

#صابرين_الكعبي .
.
يے سر سكتت اعيوني وگلبت المحبس
خضاري بملگه حرفک شهگ. واتنفس

#ام_كيان_الكعبي .
.

چي نشتاگ
تاخذنه الدروب
لضحكة
نظرة عين
يوازينه النهر
نتذكر الناسين
يرسم موجة تكتب روح كل فراگ

#وجدان_النقيب .
اريدن درب يندلني...
يتبع خطوه اجدامي..!!
يفهم گنطره خوفي... ويعبر ايامي جدامي
هلي من اچهب عليكم تيه ...دلوني على احلامي .

#ايما_صباح
.
.

واريد اكرب .. واكابر احضن الايد
واريد اتصالح انه ..بحجة العيد
واريدن اعتذرلك.. واني ماريد
#سهير_الموسوي .

خذاني الليل يم عمري
....و سألته اشضل بعد مني ؟
ليش شمعنه بس انه
ال ولا مرة ضحك سني.....؟
#سماح_فرقد
.
.

تبعدني آنه انطفي تدنيني بيك احترك
ميزانك استصعبه
جف ينترس بالهوى وجف يندعيلي بخنك

#ركزان_الشباني
.
.

مـدري لـ ياگلايد زتــتوني أرگاب
واخــذو ..كل ..دفو البـيـــه.. ومـدري لـ يا عطـش .. گـادونـي
زفــة ماي… وانطشيت ترچيه.. #آيه_طارق
.
.

وچنت اگلك.،
ماي وجهي.. وديرتي ..وهيبة صباي..
ودرت وجهك ..!
وانچفيت.. ولسه ماكو بوجهي ماي.." #سمر_الخالصي
.
.

والكصيبه
الفرعت مرعوبه ؟يم جف الضريح،
تعاين الوادم ،عليها منين ..ماتجهبها ريح.. #فرح_المالكي
.
.

شســوي بطيــف ما جــابك صــدڪ يــمـي
شســوي بـ‌بــال يـرسـملي حـظن وهــمي
يڪلــهم وانـي تــوني ادريــت اثـاري الشـوگ هــم يعـمي
واظـل انڪــرهة جـنسيـتك لـما تـتڪـحـل بــأسمي
#فرحہ_حسن
.
.

مااحب
دين المناجل•••
والهلاهل •••
والصدى القلد حچينه•••
دافنه احچاياتنا بسِد الگصايب••
والمشط حط خوفه بينه••

#آيات_الموسوي
.
.

ليش
محد مدلي چفه
ومسح كل دمعه اعله خدي؟
وليش هالوادم تهومش من اكلهم انه وحدي؟؟

#نور_رعد
.
.
سالفتي
يلووو
سولفهه عد يهود چا حنو
انه الربعي !
على التابوت طگو اصبع وغنو !!

#نور_السامرائي
.
.

نذرت زلوفي لخدودك...
كبل لو فتحو الميدان ..اكلك حدرك كحيله
واكلك زامط بزودك...

#زهراء_السعيدي
.
.

يمن مدري شنو بوجهك ..يوالمني
يمن عمدا اذب روحي ..اريدك انت التلمني .. ..

#غفران_طالب
.
.

فدوة تاني ومدلي ايدك
خل اصوغ
اچفوفي لچفوفك محابس ..
وهاك اخذني
لديره اشوفن.
گاعهه تخضر عرايس .

#اريج_الكناني

وشحلات السـﭼـه لو تاليهه خلّ

آيات الموسوي