القصيده

التنكتب بسمك

خمرهه يجيبني البابك..

لـٓ كريم حاشوش

ما اجذب عليك
الخوف سد بروحي مية باب
لكن ما طحت يالماي وجهك طاح

عزيز عسكر

لا اجـت بالباب نسماتك و المـهن

و لاكو اليشبهك غصن ، غصنين
و اشبگهن و اشمهن

صارلي شچم ليـله عيني اعلة النجـوم ،
ردت اعرفـك ياهي منهن ؟

صفاء الجبوري

ولا جنك ...
هذاك اليعتنيني مسابك وي الضل

هذاك اليشهك ويشرب ملامح وجهي من اجبل ..

ذبل بشفاك ذچري
وسره بدمك ماي ...

يالخلصت عمري وياك طيب اشتل

احمد المرشدي

نثايه الريح
.
.
تعديت لشكو بروحك وجستك حيل۔۔۔
لگيت الگمره بظنونك غريبة ليل ۔۔۔۔
بيش اقراك وانت بكل عشگ ينرادلك ترتيل۔۔۔
وابچيني!
الدمع ماخلة بعيوني۔۔
وخذن لوني..
نثايه الريح واتعدن على رسومك۔۔۔
ولايدرن عطر روحي ترسته بكشخة هدومك۔۔۔
اسافر وين من حزني؟
اخاف امن الدروب الصافنه تلومك۔۔
واخاف تبيعني وناس اتدنالي !!
واذا ينباع ! چا ليش العشگ غالي؟
واذا بجنازتي توازيت ليش تصير چتالي؟
الفشله بعيني ليش اتطوف وانه ادريك مو مالي۔۔
متت بس ماخذاك الحيف من بالي۔۔
هفت بيه الضمير ومنبرك عالي۔۔
قريتك بالعطش والماي من جان الوفه ايلالي۔۔
اذا مابيك شبگة باب لاتنسد۔۔
استحيتك والذنب من ينغفر يبرد۔۔
تغاويني الوجوه وصاوغتني الوان
بس ما شفت بيهه احد..
الصدگ ينباگ !!
من تتشابگ رموشي ويندهني ۔۔
وتفز بيه سوالف ناس ماتدري عليمن رايده اتغني۔۔
انبعت والبيهن انشديت باگني !
مدري شمال الحديثات
جاسن قصتي وكتبنهه للعميان
چا مايستحن مني!!!
( گلايدنه ورسايلنه )
يشبهن ونك ووني!!

#صابرين الكعبي.

حزني ايجيسني اويه الليل

حزني بعيــــــــــد

غاد من الگلب حزني

أبعد من مكاتيبك

وانت هنــــاك ، غاد من الشعر مكتوب :

القصيدة تجيب كل شي بعيد

بس ما تگدر تجيبك !

حزني بعيــد ما ينلاح

مثل حزن النبوّة و فشلة التفّاح

حزن أعمى اعله المراية

حزن شاعر شعل روحه شمع لعيون الولاية

حزن هذا الوطن حزني

حزن نثية خذوا منها گصيبة و راي

حزن جرفين ما حفظن أسرار الماي

حزن كل العراقيين وأدري هواااااي !

#عبد_الوهاب_الحمداني

گــلي ليش معاتب طيوفك برد
گــلي ليش ذبلن الجلمات لو طكن ورد
گــلي ليش الطيف شو ما بي ملح
وچانن الدمعات فوگ الخد صلح
(كــلي ليش شوگك يروح ويرد)
يا رفگت الليل ينشد والسوالف والضوه
عنگ ويامن مشيت وين تشتم يا هوه
هاي قسمة حظنه لا مو قسمة الله
جنت تمدح بالقطار وحسبت مو منها لله
يالشتلت بعيني شوفك وين ماخذ يا درب
ازگــي بوشالت صلاتي وخضرت بعيوني #رب
(يا مواعيدك جزني ولا شفتهن)
جلبت بيهن خضار وجفي كاع ولا يهدهن
گــــلي ليش? شوگك يروح ويرد ،
،
،
ســيد: #عباس_الغالبي ❤
،،
،
🚬 واسمعوها بصوته 🎶🎶🎶

ولاذبلن مواعيدك
بعدهه اغصانهن خضره...
خذت كل الندى البيّه....
يناسيني اعله دربك سالفة وشجرة...
شموّت ياحلم بجفوني حته انسه!...
تره اتعثّر قليلة!!..تموّت العِشرة!!...
شضم اصورّك بيا ليل؟
يطفح كلشي بعيوني
قميص الليل مايستر ضوه الگمرة


-ميثاق الهلالي

شحلات اليفگد احبابه ويخم گلبه

مصطفى حسن

وچودرت حيلي ندم

والدنيه عضت صبع .!

والخفت منهن عمر .. هالليله ابشرك لفن

مروان العنزي

بـس انـه طـشـنـي الـدهـر
لـو طــش چـثـيـر إگـلـوب ..؟

لـٓ غـازي ثـجـيـل •

اخذني وياك ...مو منك ..
اخاف الغيم يندلني ويسولف للعطش عنك ..

صابرين الكعبي

صباحكم محبة 🌸❤️

گتلي
تَتلاگه الوجوه وماتلاگن
يالـ عفتني وباقي اناطر
بَلكي تَتلاگه الرسايل

لـ حسين الثويني

مدري ليش
كل ربيع اردود يخنكني الربيع
ساجيه تناديني ابجي
اغنيه تناديني ابجي
حس اذان ايمرني ابجي
منين مر الفرح بيه
وانت شيطان وكعد يم باب كلبي
وهمتني كلبي مسجد وانت جاي تصلي بيه
وهمتني كلبي حانه وانت جاي تغني بيه
شخبطت ضحكه على وجهي
ضحكه متروسه بجي
ضحكه كوه كدرت على خطوط وجهي تنتجي


حسن عاشور

انه اشمّك وية روحي
ويّه كل برديّة خضرت... من يجيب الروج ريحة سكر ختلات الحبايب!!
وانه احســّك ويَّ كل عطــّاب من (بحّة) حنين..
و لاعساه ايطول
عمره الــّلام گلبي ...لاعساه...

منقول

عظم الله لنا ولكم الأجر ..

بـ استشهاد السيد محمد محمد صادق الصدر

#رجل_بزمن_قل_الرجال

بين امسح دمعتي وبين ارد مكسور
وبين اضحك جذب مابين البيه..

موبس للستر منها وعرفة الشال
وكفته شكدها للماعدها ترجيه

ورديت بخلك والد بابن جناز
وتوسل كمت ع الخطوه رجليه

بعدك ماتعرف معزة اليمشمون
ماينطب البيت الماهو راعيه

والمدلل بزرته وفرهداه الموت
بناته تضل عمر تشتم خواجيه

صينية الشمس بيها الضوه مصبوب
وبوجه السمه النجمات مجفيه

وكادوني بوكتها وضحكو الشمات
ودلتني على دربي كلوب معميه

عرفتك من كلتلك ملكه ميل وميل
كتلي موادع وماحسبت جيه

ومو شرط الحلو بعينك حلو ينشاف
مو حلوه الوﻻيه بعين بدويه

خيرك زايد معجبني ليش تبيع
الينباع بوزه عيونه على راعيه

وﻻ انت الفطن حتى اقتنع مغلوب
وﻻانه الغشيم اليمشي ع النيه

حسين الحبتري

انا شفت الكحل نهرين فوك الخد
منو بجاك
زعلت البنفسج ولزعل راضاك
ياهو وياك منو غثك منو حاجاك
أااااموت انا من اشوفن في ورد وأزاك
ليش مغير ويايه
هلك لوناس لواحد علي وصاك
عمي اعليك انه موصي الصميده
بس تعال هناك
بس خليني اشوفك غربتي ابلياك
يل مايل علئ روحك غنج
ونعسان من كثر الحله
يا أطره من قداح ترفه امبلله
والله انه خايف من أعيونك
علئ عيونك يعيني مدلله
اشهل بعد موجبنه ساده
وكعدو الصبئ
وعجدنهً راية العباس
(( ونطشت هلال للرضا ))
وكلمن رجع فرحان ياروحي الهله
جا ليش هيجي اتمر عليه بغيض
وماتقبل اجي اتلكاك
انه خايف علئ ضلك يتعب اعله الكاع
خليني اشيله ابروحي وامشي وياك
وعله البعد وبهيده ومتدري انته
وابوسنً شامة الركبه واموت هناك
.
.
#رياض_النعماني