.
.
يـ طبع الگاع يـملوحه
حرام اسوالف العميان يم لوحه

زفوج لفهاوة ناس
وانتي امج تنست بيش ؟ خاطر هيج .. مالحتج
يـغيمه وچفي متشلبه الـف عطشان .. ما لحتج
چاسوج .. ودفه بروحي الشته وشفتج
تحجين .. وحرفهم ياكل بشفتج

هذاك انه " وجه " واخذوج يـ مرايه
هذاك انه
نذر معگود ع الزلفين ما دنيته يم رايه
وهذيج انتي ..
{ هذيج انتي " حرف " مزفوف لـ حچايه }

وعيوني لـضريح الگاع .. زتت ماي مشايه

و يـ بنيه
او وحـگ عـفتج ..
لـمن عـفتج ..
لـيـل . وطـش . بالولايه خبر زفتج

ابراهيم الرائدي ..

كــون المـــفارگ حبـيـبه يـرد عليــه
ونــبض گلـبه يسـولــف الصـار بجـفاه

حضــنة العــشاگ مابيــهه حــرام
اليــحب من محــبوبــته يفـصـل غطـاه

وكـلمن يحــب من طــرف ولفــه يجـيه
بــوجهـه يتـرس حيـرتــه وتمـطر سماه

وكـون المـسافـر نفـس ميـشم غـريـب
متــاع للـغربـه اليــحـب ياخـذ هــواه

مـن تـراب ولايـته شيـوصـله خيـر
بـروحـه ينــده كـل صبـح بالـغـربه تـاه

ولا جـفـن سهــران يبـقى يتـاني طيـف
اللـيل مــالح والجـرح وجـهه وگــفاه

اتـمنى كـل يــوم اليــمر والدنــيه عيـــد
وكــل صـبح عيـــد وتـــجي الضحــكه وراه

لـ .. شهيدُها علي رشم
_________________________

بعد الآن
....................عبد الكريم القصاب
بعد الآن
ما أستاحش بعد الآن .
الليله أجمل من كل ليله .
لا ظلمه ولا كسرة خاطر.
لا صوت بنكهة دخان.
بعد الآن.
وحدي بلا ذكرى تسهرني .
يا هو اليسوه أمسامر ليلي ؟
ماراح أصفن وأتذكر شي ,
ممضيع شي .
لا محبوب ولا عنوان .
ممضيع شي .
گٍلبي ونادم عاد لصدري .
جنت آمخليه ماشي بكيفه .
وضيعني بسجة عميان .
الليله أجمل من كل ليله .
من عشيات ألنوم أمسير .
من عشيات أفراشي آمبخر .
كلش خدران ونعسان .
ماحن لشي .
ممضيع شي .
لا محبوب ولا عنوان

كبلك عمري كله ظنون
يا أول صدك سولفتك على الناس

لطيف العامري

ومرني الحزن جسته
بكل صدگ بيه؟
لگيته انت! …

ازهر كريم

~
عفتني هواي...
امغوبر جن كبر متروك
تعال امسح بجفك وجهي خل انشاف !
ضايع وجهي من مكفاك
عفتني هواي...
كلت من عيني كلك طيح
واختاريت اطيحن طيف
حيل اوياي.... بجية كل صبح انداس بالرمشين
واتسولف على الفسروني مية راي !
صوجي بهاي....
[ النده البي خير يبجي الورده يله يطيح ...من يوكع دمع مو ماي ]
عفتني هواي.....
بعدلك سكته وحده وتنكلب تمثال
وشوف الحال
ليل بدون طيفك مرني تابوت
بصبحه بوجهي صح الموت تنكال !
عفتني هواي....
بعيون اعمه ابجي اعليك
دمعته يظنها سوده تسيح
غبار اسود يمرني الريح
المطر بليل كحله يطيح
بعد دمعه واصيرن طين من ابجاي !
عفتني هواي....
تسحكني وتذمني شبيك ؟
هو الطين لين ليش ؟
غير لخاطر الحفاي


حسين علي المطوري

اتصوريني هنه ظلت كطرتين
وبعد ما اوجد دمعتي وياهي عيني ..
اتصوريني اوشاله زيبك حطني وكتي
بظهر مهره اترهرز بماعون صيني ..
اتصوريني بليل والمصعاد جالي
مجلب بكشايه وادري هواي وادم حاسديني ..
اتصوريني نخلة بالبصره تلكح نخلة بديالى
بعيده السالفه البينج وبيني ..

محسن الخياط

•دومـك عـايــش ابـالـي
وخيالك فوگ جفني اندگ
تـعال وخـلـي نـتعاتــب
ولاتجفي من اگول الحگ
چـم مرسال وديتـه
وگبل لاينفتح ينشگ

غني محسن البهادلي

..
..
..
..
..
‏شنهي أطيب من أذيتك !
عندي زهره زغيره كلش
بين شدات الورد ..
ترضى أحطهه بمزهريتك ؟!..
..
..
..
.. #مظفر_النواب
.
.
.#سمره
#مسابقة_شعرية_نثرية
#قناة_برد_الحدايق

شگگوا بيبان الله گبال الله وماكو أحد

وأحترگ نفاش أهلنه گبال أهلنه

لـ نوفل الصافي

🍃



يابو وجه العافيه بسولة قطار

تلولح بروحي دليل السچه ماهي

وانت ماكو حتى طعم الخمره فاهي


لـ عباس الغالبي


🍃

🍃

شنهو عود الدنيا مابيها مچانك

وشنهو عود الناس من أطلع گبلها

تگلي هنيالك يگمره

انته سامع بالنفس چتاله حسره


لـ عباس الغالبي

🍃



روازين أنتظارك بيه حيل ازغار

ماتحمل شمس جيتك

مر بيه بلم ، تلگاني چرچف ماي

واطرگ ألك روجات وأتكسر وجه بلور

انه اخلافك سلف مهجور

وصفنات الصرايف مستحه حديثات

مامش حيل أگومن وانچبح ناعور

شمعه موزره متانيك تلطم نار


لـ علي العبودي

🍃



تعال أنمر على البستان

علينه وروده زعلانه

وانطش سوالف العشاگ عل القداح

اگو چم ورده ذبلانه

تعال الليل هاجس والدرب نعسان

أجي بيا خطوه خدرانه

نيتي وياك نية دروب

ليش تحط حجر عثره

وألك بيه ضفاير شوگ

مافليت خاف تفرع العشره


لـ علي العبودي



🍃

🍂
.
انة اطمئن ..
يمك واذا تبتعد ..!
من كلشي يمي انة احس بخطر
الليل يدري شكد احبك لأن
وياك عيني تستلذ بالسهر
اذبل لحد ما ..
ارتوي بشوفتك
چن سنبلة الروح وعشرتك نهر
بلياك كلشي يصير مابيه طعم
ماميز ابين الورد والصخر



لـ ايهاب المالكي

ادني يمي
بيه الچ شوغة شلب وشفافي گيض ..
وانتي دهله من الغوه وملگاچ. فيض ....
ادني يمي
نگطي صوت ...
كاسري الوحشه الدبت بعيوني موت ...
سيري تعلولت گمر ليلي اشتهاچ
وفكي ريجي الباهت بشيرة ضواچ ...
انتي يل همسچ عوافي
وشبگت عيونچ أمان ...
ونمرش اچفوفج برد غبشه وشذاچ ..
ينده البيه ويچملني عمر ....
وشتهيچ ...
طويره حره
حاطه براگ السلف
ماطلع حس الزلفها ولا تمشرگ ليلها بحظرت شمس .. ولا سمع شباچها مگاطف همس ...
ولا دنه الحجرتها ذيب
ولا غفه بچفها اسم ريحة غريب ...
انتي هيچ ...
خرزه كهرب غافيه بصرت عجوز ...
وانه أصبع خام ماضايگ شذر
ماتجين نملچ الحلمين چف طين وجذر
ونستراح وكيف واهسنه يطيب
وننشتل شهگة شفايف
تحلم أبوسة حبيب

لــٓ قاسم بخيت

🍃

هاج روحي
واسافري الديرة حلال
اعشگيني
اشتهيت انحب
گبل لا اشتهي الدخان
ولو تلگيني صم انسان
ميخالف بعدني اهواي
اعشگيني
هذاك انه الگالچ طيف رغم ماچان هوسه ابنومة اعيونه
اعشگيني
مادام الزلف ينشاف
بعدهه اسنيني كلهه ازغار
اخاف اندار والگه الشيب هوسه ابراسي كلش عيب خاف انعاف
چي ملگاچ بارد حيل اخاف ابرد اهواي اشبيچ ماتدرين لو تدرين حيل البرد موثوبي
بعدني امچلب ابمگفاچ بس مرات ل الله من اشتهيچ اهواي خايف تكبر اذنوبي

لـٓ محمد العقابي

اكعد يمي يبن الناس
من يكعد حلاته الحظ

متت بعدك يالمعدل
كضني ابجفك ارد أعدل
السبحه اتعيش من تنكض

| لـٓ كرار الفريداوي

خلوهه كبره النار بس يالتطفون

هلبت يجي ويالناس وتشوفه العيون
-
-
حميّد ال سرهيد

في بلادي اصبحت المقابر تتجشأ، هي أيضاً ستموت مُتخمة ذات يوم !

#نور_محمد

اشترك في بوت وَجعْ للمزيد من المسابقات والالعاب الادبية والخواطر
@waaja3bot