ويظل طرواك نسمة بر
لا يرخص شرفها ولا هي تتعثر

شعر ... عريان السيد خلف

أشتهي أن أنام نوما كـٍ غيبوبة، وأن أرحل عن كل شي، ولأ أريد أن أشكي، ولأ أريد أن أضحك أو أبكي، أريد فقط ان اغيب

#دمعه مهجوره

كلامك ع الگلب دوسة حوافر خيل
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز

سميرصبيح

على الي قاسمه الله
عرفت الدنيا مو كيفي. .
وعرفت شما تمرني الناس ، ماتبقى !
مثل طيفي. .
صار سنين بس أصحى
أريد اغفه
وشوف الماحضيت بطوله
بالغرفه
#قاسم_الجشعمي

شد عيني
وبعتبة صبح وجهك ضحك
ضويات بديني
لوليلي علگد لونك دللو ياورد جوري
وسيرلي على جيد الليل گمره
بـ عگدك الـ لولي
بسمارك سالفة فقره
اوي عطرك مستحه مالاگ
اله بوجنت الـ سمره
يندهني عليك المامحسبلهن
هوه وجلمة
وتاخذني لهذاك الصوب
صوب العيد البوجهك مراجيح
وعتب مشتاگ وي النوم من
يتوسل بحلمه
يـ هلبت سالفة اتجيبك
يـ كون الملح غزر بيك
جاء زل جدمك بدربي علعتبة
بابنه ايحيدك
كون اعيونه اتصيــدك ..

لـــ #ضياء_كريم

..
..
.. كودني بعينك واخذني .. وضوكني اشما بيه لون
الظلمة تكبر من تجيسك يا سمار اليستحون

الكاع تبرد من تكود الغيمه ريح
النجمه تشرب مستحاها وتزغر بعين الشمس حد ما تطيح
وانت ذاااااك
اشما جزيت بروحي ليله .. !
الصفنه تاخذني اعله رسمك واستريح

تبوكني ظنوني واضمك .. !
تخضر الجلمه اعله طولي وتكتل السكته بحزنها
وتطفه دنيه اكبال غيرك
وانت تدري
انت تدري العين من يثكل دمعها اتسد جفنها

ياااابعيد .. يابعيد الفركه دنيه تبوك حيل من السنين
وانت غااااد
اشما حلمت اتضوك وجهك تكعد وما تلكه ادين

#كاظم_الركابي

..
.. شمالكم دستو اعله متني
بهيده ياخيط الشمس ضوي الدربهم
هاي وادم مشتهين فراك چتلي
بعينهم مامش ولا گطرة محنه
وانه افرفح لو شفتهم
ومن بعيد
بأيدي اشمر عيني شوف
.. حيدر جليل .

..
..
صفنة السنبل صلاة
ادروبها اخيوط الشمس
راويه من نعمة الله
دافيه وما اِلها حس
وسنبلة روحي بعدها
بلا ندى اليفتح جفنها ،
لا عطـر ليفك حـــزنها ،
وصافنه من كَبل آمس .
هيج صفنه ، كون تكسر خاطر الله .
والله خنكَه !!
شنهي يا رازونة الله ،
مامش آبروده التهفّي آعله النفس ؟

#عبد_الكريم_القصاب

..
.. اعرفك جف ضوة
مابي اصابع ليل…… وتخدر بيّه
نجمه
وانجفي اعله سماي
اشتمك كصيبه…….. ابنية اهل الطين
وتتمشالي نسمه
ابنية الحفاي ... لـ علي الصفار

شكثر بينه سافروا
ما بينه صوت يصيحهم
وترابنه شما باگ من ملحه الهوه
نستحي نعاتب ريحهم
.
.
عقيل_العرد

..
يغاليتي
الخذوني متاع ما همو بعافيتي

يغاليتي
هلي بطرواچ من يحچون يتبدل حچي بنيتي

وانه ادري النوايه التلثگ تعتگ
عشت ابين ناس وناس ما صلو صلات الحگ
چندوب الهث بطرواچ بيه الصوت ضل يعتگ

ولا سامع ،
يهلهل زفه يم بالي

ديرت مستحاي الحيل يعثر گام بخيالي

وأهم بسمي ،

واجيچ وأنتشي بملگاچ
واضل ادناچ بس شدناچ
چن جاهل حبه لمه

يبعد معثرات الشيب
گتلچ لو تعبتي بيوم گون بروحنه انضمه
عشگنه ، متاع للجنه

شجنينه من حچي العرسان غير سوالف الحنه

وتباعدنه

و لا حنه الغفت بچفوفنه وطحنه
مطر وزگينه گاع الغير خضرت من سوالفنه

وخلص وكته
التبده بعمري من عمرچ
وخلص وكته
التغنه عله الهوه من شمه يم زلفچ

يغاليتي
ضواچ شگال يم بيتي

يغاليتي
العمر يتبده من تروح حنيتي

عمار العبادي

..
بداعة كل جفن مكحول
رد طينك واخذ روحي
وخل نتجاسم المحصول
اهي سنينك واهي جروحي
تموت السالفة من تطول
لا ترسل ولا توحي

معيشني نبي مكتول
بطرگ صيتي وجذب لوحي

من تسألني كلشي يگول
اخذ روحي اخذ روحي اخذ روحي

اريد ادلل بگبري
من لون الجفه مليت
ناس تعيش وياها ولا تدري
تموت وصورتك تترس زوايا البيت
موتني بهلا لغيري اريد انحب
اخذ مني النفس وديه لاي مخنوگ لا تتعب

اريد اشتم نفس رمانتي وارتاح

ما تدرون شنو معنى الحبيبة الدوم ما تنلاح

موتني
حتى احرگ گلبهم موش حتى ارتاح

موسى الحمامي

‏أريدك ان تصبح الجميع كلما شعرت بالوحدة وان تصبح الوحيد كلما ضعت بالزحام.

..
لا تشتاگلي إمن بعيد
بس حط روحك بروحي
إذا ماجيبلَك حَته الصبح زافوف . . ،،

ميثاق الهلالي ـ

...
.. أشتلني صفصافه أفيّ ترابْ جِدْمَكْ
خذني بعيونك سوالفْ
خذني بگليبك حچي
ولو ثگل ضَيم الليالي
أوگع بخدك بچي
خذني شوفه إتشيمك.. ترسمْ عيوني عله ثوبكْ،
.
. - علي الشباني

.

شلي بآخـر عمـر لوما بديته وياك؟؟؟
شضم ياسنـة بصبري وعالـوداع ألحگ؟؟
اجدد صورتك واستحي امن النسيان
اخاف اغفـه وملامح صورتك تعتگ
حزن ساعي البريد انفض على البيبان
لفاني بچم رسالة وظرفك مشگك
النفس صوغة الدنيه لكل صدر بي شوگ
واليخجل عشگ من كل حلم يعرگ
اليشد رمشه اعله نيته ايعرف لون الناس
تكبر غربتي ويم رمشك اتعلگ
النوارس تستحي تشوف النهرعطشان
بس اتگص جنحها لكل جفن يغـرگ
دمع وشگد صلات اويه السمه اتانيك
دعاء المبتلين بكل درب يشهگ
السفر من ينحسب تكبر بطوله الناس
ويچذب الملگه البالدرب صدگ
الگصب گلب ضلوعي بكثر ماونيت
بكثر ماخفگ گلبي وعلى غيابك دگ
حسباله اندفن بالصدر واهس ناي
منگد ما بأسمك لو لفظته اشـرگ.
..
..
صابرين جواد الكعبي

حاجيني ... إكتبلي يشمّام
أنه إبليّاك هدّتني الغيره
أحس روحي إنتهت أحلام باحلام
واكول الياوكت تبقه أسيره
أصبّرها وأكلها الخير جدّام
باجر نحضه باللمه الجبيره
و... خلّصنه العمر عام التبع عام
وزمنّه إيجرنه من حيره إعله حيره
أتصبّر ألم من تعب الأيام
وحرت شوكي عليك إشلون أثيره
و... أنه وياك صرنه إبدنيه من جام
وحجر حسادنه الصارت جثيره
وجمعنه من الهموم إهموم أكوام
ورمتنه الناس بالعين الزغيره
لأن ماحبّوا ولا مسهم إهيام
ونظرتهم أحسها إشكد كصيره
حبيبي كوم إنفض كل الأوهام
وإحذر من بعضهم من تشيره
خلّينه نظم أسرارنه إظمام
و... أنه وياك كلشي إحنه نديره
حبيبي يوم بعدك عندي ألف عام
ولحضات التمر بيّه مثيره
حبيبي الناس تغفه وجفني مانام
وراسي إعله المخدّه إشكد أديره
محاجيّك تمرني وإلها أحتام
واهذي إبسكته ودموعي مطيره
وانه الطرت الفجر وآلامي آلام
ونيران البعد ظلّت سعيره
.
.
.
ل الشاعر عادل العضاض
.
.

....
كل الهلا بحبيبي الحجله يردس
محدر علينه بظلمه وليله حندس

والله لما انطوني وليفي لا اظل اردس
وعمري كله ولااخذ عفن النسوان

كل الهلا بحبيبي الجان زعلان
مطبج ورده وخزامه وبالوسط عران

كل الهلا بحبيبي لو تراده
مثل الخشيف الضحى بالحماده

كلمن تزوج غصب ماهو اراده
طول العمر يشكي همه للجيران

كل الهلا بحبيبي ياحبيبي
يابو حجي اليشبه گرط الزبيبي

تمنيتك يالغالي انته طبيبي
تكلمني عن اركاني تگلي تلفان
كل الهلا بحبيبي

#مظفر_النواب .

لِبسَوُا كُل عيون الدنيا..
و ما گدرُوا بيها
يشُوفونَك

#كاظم_خبط

" احبنْ مشتهاتك ؛
وي لهيبْ الروح ،
اطفه وأشتعل ،،
واتلهوگ أبطاريك " .

- عبد الأمير العضاض