🍃





تصبحون ع آمل


#يلا_ناموا❤

مدري شلوووون
جستيني وبهت لوني.
ومدري شلون....بردن بالحجي عيوني.
واضيعج بيه واندلج؟؟
وادور بالسمه من اشتاگ..مامش نجمه ال بحلج
يزغيره....البرد مو عيب
من يشح سمار الليل يتبده الدفو بجلمه..
وتدرين النهر بس گاع....كون اجروف مايمه..
جاهوا الورد شيريد كون ايموتله بشمه...

#لـ كاظم الركابي

ولا طاري عله شباچي يرفرف بيك واشتمك
ولا گمره عله قمصاني
ولا نجمه التطيح بحضني واندلك
تتيهني وانت التندل جروحي
ومن تشتهي تبوگك عين تندل تختل بروحي
وهذا انه من اريد اشتاگ
اشتم كل حچي القمصان

علي الصفار

لكن
احچاية عتب
يالبلچن ايذوب الشتا الصك علـهَ دمك
وينهَ چـفك
فرّع بگلبي عناگيد الحزن .!

,

الگاطع

چذبت روحي ورسمت الضحكة لوني
وعاندت كلشي بمحطاتي بـ ونيني
وغَشمتني
وغلط تچيت لربع ما علمتني
الغدر عادة
الچذب عادة
الطعن بظهور النحبهم عادي ، عادة
ومن لچمني الطبع بيهم
چذبت روحي وگلت بظنوني عادة
وهاي وادم تشتهي الموت بولادة
وهاي وادم طَيحت من روحي روحي
وهذا گلبي الرادة رادة
وعلگتله الوفة بشراعين بيض
وهيَ يمكن چذبة المجفين عادة

وجدان النقيب

منو غيـرك تلوگ لشوفـته الـ فدوه ؟

منو يستاهل شراعي ؟
دلينـي بجرف يسوه ؟

دليني ، بغصن ما شام عطره الطيـر !
و يسولفلي بربيعة الفات
كون شضـام و شسـوه؟!

صفاء الجبوري

تعالي

فهنالك الكثير مَن الموسيقى

يجبُ أن نستمع لها معاً

والكثير
الكثير

مَن القُبل العشوائية

و لحظةِ حُب
لاتنتهي إلا بالعناق الشديد

#حسين_شاكر_الريس

🍃

وهسه أستاهدت طولج على الباب

تلگيتج عرس لهفه رسائل

هوسة خمره بگليبي اعله ملگاج

انه الما يصحه الا بحضن جاهل

انتي زغيره بعيون النياشين

وحلو خيط الضوه تخيطه المناجل

و اهو يا خيط يرهم بلياچ

عوز بعوز وانه گليبي جافل


لـ الممتع عباس الغالبي

🍃

أدور أبين كل مشية سمار ألطين

عن امچان يبرالچ ..

وأركض وره أفياي ألطير

هلبت يوكف گبالج ..

وچفيت اجوه يابو اوجوه

على اظنون التسير ضحك ساعه

ورهنت الحگ نفس راعي

لگه عيونج أغنيه وصوتچ أمتاع


لـ عباس الغالبي

🍃

🍃

گلبتهن ورقه ورقه وما قريت ..

ورددت آخر رساله

البيها من گتلك تعال وما أجيت

ليش ما جيت وشفتني ..

أكسر الخاطر ادور عالصبح

بـيـبانـه مسدوده لگـيت


لـ الكبير حمزة الحلفي

🍃

الله

اگلك هاك اخذ 
والگاك فوگ الهاك انته تبوگ
#مظفر_النواب

ولك موگدكم شماله يحب يشرب رسايلنه ..

،،

كاظم الرويعي -

هاكَد لوّنت قمصان وامتانيك..،
هلبت مستحاك ابلون منهن ينكسر وايميل...

ريسان الخزعلي

باسم الخاقاني

و تعذبني ،

وأغنيلك !!
ويجي غيرك يدللني ،
وأرد إردود
أصليلك !!
يعايفني بخور بگبر مو گبري
غريبة ولاية الموتى .
وهناك ..
اليسليني قهر روحي
ويخنگني ضحك ليلك
وتجافيني
وانا اغفرلك
وأگول العشگ عالنية
وعگبك بالوجوه عيوني ملتهيات
وعطر غيرك چوه الريه
واصبر ، وادري الصبر ما يدري
مرات السنين تعاند عيوني
و ينزل وي دمعتي الضال من عمري
و مرات التتن يشتاگ , يقره النار البصدري
هلبت بيك ضلت للدفو حجايه
وترد بيه ويرد عمري ،

اسكتت من شفت طولك بالحلم
سكتت العصفور المتيه درب جوه المطر
وزخت بروحي حلاتك
واستحى بيه الحچي
وضليت حاير
شنهي وجهك هذا
لو ضحكة گمر
ونسم بريتي هوى من حسنك
وفرفح حسبتي
وگتلك اگرب
بيه واهس فلح من تحوي ثمر
بيه واهس راشي لو جاس التمر
گتلك اگرب
وافرشتلك چم سنة للنوم
عطشان
وترى العطشان يحضن
اعطش من اليعطش امية نهر
وانته من ترفع اشراعك
كل غميج البيك يصيح انا البحر
كل غميچ يگلي ابحر
كل غميج يگلي اطبگ روج فوگ الروج
وبحر
لاتخاف
ولو يهج روج الله ألبد بالحدر

وبحرت بيك

وطويت اشراعك

ونمنه دهر

حسين شاكر الريس

إنـتَ إنـهـيـر مـذعـور الـنـبـع والـسـيـل

عزيز السماوي

خِذني يَشْگرْ لا تردْني
صفگة إجناحين خذْني
هناكْ.. لو جاكْ الغوه، وشوْگ اللعِبْ
من جَرفْ نَجْمه بِعيده أرضه تِذبني
خذني گتلك.. تِشْتِهي الدنْيه وَكتها تِردْ لأمسْ
روحي بستانْ العصرْ، وَحشه ومشتْ عنه الشَمسْ

علي الشباني

فوگ شفتك
لمعة من چوية رضابك
وأشتهي أتدنه وأبوسك
وما أبوسك
أشتهي اتشفه بعذابك
عذبتني

•لـ باسم الخاقاني