..
.. (( أخذني وياك ))
جملني بعد كطره وخذني وياك
هناك الفيض كلبك
حتى روحي تنام
عصفورة جرف بلل جنحها الكيض
اخذني وياك
امشي ابغير واهس
والطواري كصار
وعيوني غرب وجفوف اديه اوداع
واسمي ابغير معنى
وميل كحلك غاب
وتنشدني اعله كلبي !
كلبي حب وذاب
ياكلبي حلك تنور لو سرداب ؟
صوغني ولو من ليلكم نجمه
تبات وياي
ومن تشبع سهر
ويجيسها الوهواس
اطفيها ابصبح
والغبشه رشكه ماي
واشعلني ولع
يدوي العطش بالعود
حتى انزع جلد روحي
وارد لصباي
أملني الفرح بسمك ورد عالباب
فاحت ريحته ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واكلك مكدرت يالتكدر ابلياي
الشاعر عريان السيد خلف
صفصافه
.. (( أخذني وياك ))
جملني بعد كطره وخذني وياك
هناك الفيض كلبك
حتى روحي تنام
عصفورة جرف بلل جنحها الكيض
اخذني وياك
امشي ابغير واهس
والطواري كصار
وعيوني غرب وجفوف اديه اوداع
واسمي ابغير معنى
وميل كحلك غاب
وتنشدني اعله كلبي !
كلبي حب وذاب
ياكلبي حلك تنور لو سرداب ؟
صوغني ولو من ليلكم نجمه
تبات وياي
ومن تشبع سهر
ويجيسها الوهواس
اطفيها ابصبح
والغبشه رشكه ماي
واشعلني ولع
يدوي العطش بالعود
حتى انزع جلد روحي
وارد لصباي
أملني الفرح بسمك ورد عالباب
فاحت ريحته ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واكلك مكدرت يالتكدر ابلياي
الشاعر عريان السيد خلف
صفصافه
( گذلة صليب )
..
.. مدري ليش وماحضيت بملگه منك
بيها جانت كل زرازير السلف تنگل اعتابي
اتوسمت منك سوالف بيها فرگه
وبيها جان الهوه شامت
ياخذ بعطر الوداع لرية الشمات شهگه
جنت تدري بروحي الك واحة اگرنفل
ووين ماوليت ريتك
راح تشتمني علكيفك
وين ماتيهت جدمك تلگه بعيوني
مسافه وجم محطه اتاني جيتك
ابحر شماحله بعينك رجفت ارموشك اشراع
ونية اخدودك سمار وفرت اجدامك وداع
ولوم بيه
الروح تستاهل ملامه
وورج اجفوني على ليل اليسوه
اعوفنك وانامه
انت انت شماجزيت بجرحي لجمة
تبقه غالي
شما تنسينه السنين اوجوه اهلنه
تبقه تسيورة غنه وونسه علبالي
انت ذاك الدوهنت بيه الليالي
مشتهيك
وماعرف ياهو اليدليني بطريجك
مااعرف ياهو اليورجني علباجر
بيه اشوفك
ولا اني كافر واترك الله وبيته
واتهود واطوفك
لابگه بريتي نفس ينعز وازته
ايواكح منادس ازلوفك
انت يالطيفك صديجي
وفتحت اذراعاتك بساعة الملگه
( للصليب اتلوگ گذلة )
وياقساوة ليلك البده سواده بجفن
الحديثات كحله
متاني جم جيت قطار
متاني حد ماهدلت امتون المحطه
وتارس اعيوني انتظار
انت يالمغتصب عذرية الدروب بجدمك
اليتم ملامح عشگ بيـه
واسره بيك الراي ظنه لغير وادم
انا ادري اغصانگ يطگها اليباس اتصوفر
وتعطش خضاري
وترجع لفي الربيع البيه نادم
تعرگ اعيوني بواجي ومستحه النتاگ
يندل بيه روح
التحلم بجيت حبيب
دورت غيرك وطن واهوايه غيرك
ومومهم شگد لگيت
المهم انا غريب .!!
اعمه گلبك
وفشله اگل للناس يندلني ويجيني
وانا ادري
انت بس انت التصحلي
غشمه ناس التانتك تعثر واعوفك
محد بگدگ عرفلي
واشتهيتك ديره مامرها مطر بللني شوف
انلجم وتخطر ببالي اتونس بجرحي
على طاريك واروف
ومن ترد تلگاني ابٲخر مجان الباگ
من عيني سمارك
عرگ لون المستحه بخد العَتاب وبهت
وجه الماي واستاحشت نارك
امتاني بزحمة بواجيي عفه وواهس جهال
اتلمس بجف اتجاهاتك ودور تلگه
بشفاف الهوه حجاية تعال
وشكثر بعيون ناسك دوريتك
تالي ادور عن نفس بجفوف ريتي
اتلمسيتك ..
لـ ضياء كريم
..
.. مدري ليش وماحضيت بملگه منك
بيها جانت كل زرازير السلف تنگل اعتابي
اتوسمت منك سوالف بيها فرگه
وبيها جان الهوه شامت
ياخذ بعطر الوداع لرية الشمات شهگه
جنت تدري بروحي الك واحة اگرنفل
ووين ماوليت ريتك
راح تشتمني علكيفك
وين ماتيهت جدمك تلگه بعيوني
مسافه وجم محطه اتاني جيتك
ابحر شماحله بعينك رجفت ارموشك اشراع
ونية اخدودك سمار وفرت اجدامك وداع
ولوم بيه
الروح تستاهل ملامه
وورج اجفوني على ليل اليسوه
اعوفنك وانامه
انت انت شماجزيت بجرحي لجمة
تبقه غالي
شما تنسينه السنين اوجوه اهلنه
تبقه تسيورة غنه وونسه علبالي
انت ذاك الدوهنت بيه الليالي
مشتهيك
وماعرف ياهو اليدليني بطريجك
مااعرف ياهو اليورجني علباجر
بيه اشوفك
ولا اني كافر واترك الله وبيته
واتهود واطوفك
لابگه بريتي نفس ينعز وازته
ايواكح منادس ازلوفك
انت يالطيفك صديجي
وفتحت اذراعاتك بساعة الملگه
( للصليب اتلوگ گذلة )
وياقساوة ليلك البده سواده بجفن
الحديثات كحله
متاني جم جيت قطار
متاني حد ماهدلت امتون المحطه
وتارس اعيوني انتظار
انت يالمغتصب عذرية الدروب بجدمك
اليتم ملامح عشگ بيـه
واسره بيك الراي ظنه لغير وادم
انا ادري اغصانگ يطگها اليباس اتصوفر
وتعطش خضاري
وترجع لفي الربيع البيه نادم
تعرگ اعيوني بواجي ومستحه النتاگ
يندل بيه روح
التحلم بجيت حبيب
دورت غيرك وطن واهوايه غيرك
ومومهم شگد لگيت
المهم انا غريب .!!
اعمه گلبك
وفشله اگل للناس يندلني ويجيني
وانا ادري
انت بس انت التصحلي
غشمه ناس التانتك تعثر واعوفك
محد بگدگ عرفلي
واشتهيتك ديره مامرها مطر بللني شوف
انلجم وتخطر ببالي اتونس بجرحي
على طاريك واروف
ومن ترد تلگاني ابٲخر مجان الباگ
من عيني سمارك
عرگ لون المستحه بخد العَتاب وبهت
وجه الماي واستاحشت نارك
امتاني بزحمة بواجيي عفه وواهس جهال
اتلمس بجف اتجاهاتك ودور تلگه
بشفاف الهوه حجاية تعال
وشكثر بعيون ناسك دوريتك
تالي ادور عن نفس بجفوف ريتي
اتلمسيتك ..
لـ ضياء كريم
الرائع ميثاق الهلالي :
.. دلّيني بشواطيّك يبو النعناع
يالبيك الگرنفل يعبر الصّوبين
والغبشة ومسية زلوف...
شفتك من خذانه الليل
ضمّيت الگمر مابين صدرك واستحه النفنوف....
لا تشتاگلي من بعيد
بس حط روحك بروحي
اذا ماجيبلك حتّه الصبح زافوف.....
خلّيني بطرف ليلك ولو نجمة
مشت بيه الدروب جروح
وانت بعيد
ماميّزگمت مابين برد العافية من حرورة اللچمة...
ولانسمة التدّگ الباب
امس مرني الهوه من بعيد واتعده.....
حلاة الموت وانت وياي
مايدري الندى من يموت
ماطوله بحضن ورده ........
وحگ الحنطة البروحك الك چم بيدر بروحي
وسوالف ناس مملوحة
اخذ كلشي التريده وياك
مبيوگ العشگ ماينحسب مبيوگ
مادامه بطرگ روحه.......
تره ضميت كل اسوالفك بالراس
واسرارك الماي بروحي اغطّيها
وهاي سنين وانه لخاطرك عطشان
حلّفني اذا بدّيت گطرة وسولفت بيهه....
واقراني سوالف عود يعزفني طفل شاعر
قضيته وياك مره تخيب مره تخيب
مدري شمالني بلياك!
يتكسّر بريجي الماي من تغيب ...
مدري شمالني!
وماحاسابلهه احساب
گمت اتسودن ءمن اشتاگ
عود البارحة گلت ارد امرّك طيف
بس شلون وآنه بهالثلث تيام طير وكسر جنحه فراگ...
ماظل شي اعله حاله من الدمع لليوم
ضحكاتي, النجوم, الشارع, البستان
مدري شمالني مدوهن واسولف بيك
وادم زرعت وحصدت ولاگت خير
وانه افلاحتي الدخان.......
من ذبلت شواطيك مشه بروحي النخل جنّاز
واشتاگيتلك تابوت
لاتنسه..
تره الفلّاح من يموت زرعه يموت...
وصارت بيك سالفتي
اسولف بعدك ويامن
يبو خلگ النهر لوفاض والوادم خلگ هيمة
مهو اليگصي العطش وياه
سالفته شحچت وشگالت الغيمة......
من اهد ما صار عدّك راي عني تروح
وانه ليومك بلا راي
ماوصّيك
خاف تصيرلك قسمة و تبدّلني بوجه ثاني
تره مو كل وجه بيه ماي..
فرزنهم
تصح وادم گصب مرّات بس ما يصح بيهم ناي.
.. دلّيني بشواطيّك يبو النعناع
يالبيك الگرنفل يعبر الصّوبين
والغبشة ومسية زلوف...
شفتك من خذانه الليل
ضمّيت الگمر مابين صدرك واستحه النفنوف....
لا تشتاگلي من بعيد
بس حط روحك بروحي
اذا ماجيبلك حتّه الصبح زافوف.....
خلّيني بطرف ليلك ولو نجمة
مشت بيه الدروب جروح
وانت بعيد
ماميّزگمت مابين برد العافية من حرورة اللچمة...
ولانسمة التدّگ الباب
امس مرني الهوه من بعيد واتعده.....
حلاة الموت وانت وياي
مايدري الندى من يموت
ماطوله بحضن ورده ........
وحگ الحنطة البروحك الك چم بيدر بروحي
وسوالف ناس مملوحة
اخذ كلشي التريده وياك
مبيوگ العشگ ماينحسب مبيوگ
مادامه بطرگ روحه.......
تره ضميت كل اسوالفك بالراس
واسرارك الماي بروحي اغطّيها
وهاي سنين وانه لخاطرك عطشان
حلّفني اذا بدّيت گطرة وسولفت بيهه....
واقراني سوالف عود يعزفني طفل شاعر
قضيته وياك مره تخيب مره تخيب
مدري شمالني بلياك!
يتكسّر بريجي الماي من تغيب ...
مدري شمالني!
وماحاسابلهه احساب
گمت اتسودن ءمن اشتاگ
عود البارحة گلت ارد امرّك طيف
بس شلون وآنه بهالثلث تيام طير وكسر جنحه فراگ...
ماظل شي اعله حاله من الدمع لليوم
ضحكاتي, النجوم, الشارع, البستان
مدري شمالني مدوهن واسولف بيك
وادم زرعت وحصدت ولاگت خير
وانه افلاحتي الدخان.......
من ذبلت شواطيك مشه بروحي النخل جنّاز
واشتاگيتلك تابوت
لاتنسه..
تره الفلّاح من يموت زرعه يموت...
وصارت بيك سالفتي
اسولف بعدك ويامن
يبو خلگ النهر لوفاض والوادم خلگ هيمة
مهو اليگصي العطش وياه
سالفته شحچت وشگالت الغيمة......
من اهد ما صار عدّك راي عني تروح
وانه ليومك بلا راي
ماوصّيك
خاف تصيرلك قسمة و تبدّلني بوجه ثاني
تره مو كل وجه بيه ماي..
فرزنهم
تصح وادم گصب مرّات بس ما يصح بيهم ناي.
..
..
تسافر عيوني على خصرك من بعيد
تمدد بروحي وعليه افرش ضواك
الدنيا ناس وروحتك ما بيها ليل
الله مدري شحاط يا طين بگفاك
اترسني ملگة وعوض ذنوب الفراغ
شكد مطر بية اشتهى ينگط وراك
الغائب الحاضر علي_رشم
..
تسافر عيوني على خصرك من بعيد
تمدد بروحي وعليه افرش ضواك
الدنيا ناس وروحتك ما بيها ليل
الله مدري شحاط يا طين بگفاك
اترسني ملگة وعوض ذنوب الفراغ
شكد مطر بية اشتهى ينگط وراك
الغائب الحاضر علي_رشم
..
..
ولو ماريد تزعل حت من تحلم
ازعل خلي اشوف شلون يصعد للخدود الدم
ازعل خلي اشوف شفافك الحلوات
من تغتاض تتبسم
..
كريم راضي العماري
..
ولو ماريد تزعل حت من تحلم
ازعل خلي اشوف شلون يصعد للخدود الدم
ازعل خلي اشوف شفافك الحلوات
من تغتاض تتبسم
..
كريم راضي العماري
..
..
(واهس ناي)
.
.
شلي بآخـر عمـر لوما بديته وياك؟؟؟
شضم ياسنـة بصبري وعالـوداع ألحگ؟؟
اجدد صورتك واستحي امن النسيان
اخاف اغفـه وملامح صورتك تعتگ
حزن ساعي البريد انفض على البيبان
لفاني بچم رسالة وظرفك مشگك
النفس صوغة الدنيه لكل صدر بي شوگ
واليخجل عشگ من كل حلم يعرگ
اليشد رمشه اعله نيته ايعرف لون الناس
تكبر غربتي ويم رمشك اتعلگ
النوارس تستحي تشوف النهرعطشان
بس اتگص جنحها لكل جفن يغـرگ
دمع وشگد صلات اويه السمه اتانيك
دعاء المبتلين بكل درب يشهگ
السفر من ينحسب تكبر بطوله الناس
ويچذب الملگه البالدرب صدگ
الگصب گلب ضلوعي بكثر ماونيت
بكثر ماخفگ گلبي وعلى غيابك دگ
حسباله اندفن بالصدر واهس ناي
منگد ما بأسمك لو لفظته اشـرگ.
..
..
صابرين جواد الكعبي
..
(واهس ناي)
.
.
شلي بآخـر عمـر لوما بديته وياك؟؟؟
شضم ياسنـة بصبري وعالـوداع ألحگ؟؟
اجدد صورتك واستحي امن النسيان
اخاف اغفـه وملامح صورتك تعتگ
حزن ساعي البريد انفض على البيبان
لفاني بچم رسالة وظرفك مشگك
النفس صوغة الدنيه لكل صدر بي شوگ
واليخجل عشگ من كل حلم يعرگ
اليشد رمشه اعله نيته ايعرف لون الناس
تكبر غربتي ويم رمشك اتعلگ
النوارس تستحي تشوف النهرعطشان
بس اتگص جنحها لكل جفن يغـرگ
دمع وشگد صلات اويه السمه اتانيك
دعاء المبتلين بكل درب يشهگ
السفر من ينحسب تكبر بطوله الناس
ويچذب الملگه البالدرب صدگ
الگصب گلب ضلوعي بكثر ماونيت
بكثر ماخفگ گلبي وعلى غيابك دگ
حسباله اندفن بالصدر واهس ناي
منگد ما بأسمك لو لفظته اشـرگ.
..
..
صابرين جواد الكعبي
وديتني ليا دين ياليل
وليا مواعيد وجدايل
وديتني ومابيه ضل حيل
تعبان كلبي وشوكي حايل
تيهت اثرهم وانطفى اسهيل
ولكيتهم وسط الرسايل
ياليل سد باب المواويل
الحزن بيه هواي عايل
وسكت الغنى وصفارة الريل
انه بجوازي جنازة شايل
..........
ياليل وين تريد بالروح
وليا جرف رايد تعتها
لجرف اللعب لو جرف الجروح
لو ديرة اهلي الغيرتها
والروح ناكه ابنيها مذبوح
ولذبح ثاني مجتف اختها
الدنيا دفتر واسمي ممسوح
وحروفي عالوادم بعتها
ياليل بيه هموم وجروح
توكع نجومك لو شلتها
.......
عقيل العرد
صفصافه
وليا مواعيد وجدايل
وديتني ومابيه ضل حيل
تعبان كلبي وشوكي حايل
تيهت اثرهم وانطفى اسهيل
ولكيتهم وسط الرسايل
ياليل سد باب المواويل
الحزن بيه هواي عايل
وسكت الغنى وصفارة الريل
انه بجوازي جنازة شايل
..........
ياليل وين تريد بالروح
وليا جرف رايد تعتها
لجرف اللعب لو جرف الجروح
لو ديرة اهلي الغيرتها
والروح ناكه ابنيها مذبوح
ولذبح ثاني مجتف اختها
الدنيا دفتر واسمي ممسوح
وحروفي عالوادم بعتها
ياليل بيه هموم وجروح
توكع نجومك لو شلتها
.......
عقيل العرد
صفصافه
البارحه
هاجن عليه ظنون شوگي
وفززن بيه جرح
البارحه
لو تدري بيه شگد تعبت على الجفن
بس ردت انومه
نام جفني
والكَلب ضل للصبح
لـ حمزه الحلفي
صفصافه
هاجن عليه ظنون شوگي
وفززن بيه جرح
البارحه
لو تدري بيه شگد تعبت على الجفن
بس ردت انومه
نام جفني
والكَلب ضل للصبح
لـ حمزه الحلفي
صفصافه
.
يشتلة ماي أحصدك وين ؟
تطوف إبسچة العاگول شموازيك
وانه بستان متلگيك
(يمن لو بإلنِفس تنسام چا بعزاز ريتي أشريك )
..
..
..
ايما صباح
صفصافه
يشتلة ماي أحصدك وين ؟
تطوف إبسچة العاگول شموازيك
وانه بستان متلگيك
(يمن لو بإلنِفس تنسام چا بعزاز ريتي أشريك )
..
..
..
ايما صباح
صفصافه
..
..
آنه شمــــسوي لصلاتك حته شيطــان المواعــيد الخذتني
يكفر بكلشي نســيم
افراك وجهك مايفــض بالله كريــم
ياابو وجه العافيه بسولة قطار
اتلولح بروحي دليل الــسجه ماهي
وانته ماكو
حته طعم الخـــمره فاهـــي.
وكون تدري بعيني سفرة شارع مكابل مشــيتك
ليش ماتحسبني عثره ؟
ليش كل ميت عشك يلكاني كــبره....
عباس الغالبي
صفصافه
..
آنه شمــــسوي لصلاتك حته شيطــان المواعــيد الخذتني
يكفر بكلشي نســيم
افراك وجهك مايفــض بالله كريــم
ياابو وجه العافيه بسولة قطار
اتلولح بروحي دليل الــسجه ماهي
وانته ماكو
حته طعم الخـــمره فاهـــي.
وكون تدري بعيني سفرة شارع مكابل مشــيتك
ليش ماتحسبني عثره ؟
ليش كل ميت عشك يلكاني كــبره....
عباس الغالبي
صفصافه
🍃
روحي...
بردية شتَّه ومسامر إِحديثات
ومعانَگ ليالي الگمر والنجمات
روحي...
السِچَه والريل الحبيب الطوََّل الجيّات
روحي طيور وترفرِف عالوُلايات
كاظم ال مبارك الوائلي
🍃
روحي...
بردية شتَّه ومسامر إِحديثات
ومعانَگ ليالي الگمر والنجمات
روحي...
السِچَه والريل الحبيب الطوََّل الجيّات
روحي طيور وترفرِف عالوُلايات
كاظم ال مبارك الوائلي
🍃