🍃



لو حسبة غدت عني تخلفها عشر حسبات


لـ عبد ألعباس الرويشدي


🍃

🍃


من ايدي وياذنب تجينه الايام

اشيجني السگه العوسج والخرانيب


لـ الكبير الراحل عبد الواحد معله


🍃

🍃


آنه احركت روحي وشمعة اصباي

اضوّي لعد غير خاف يعثر


لـ ألراحل عبد الواحد معله


🍃

🍃


من شبابيج السنين
الطبكت اطلاليكها ابوجه الولايه
صوتنه ايمد روحه ميّت
بلجي يا اذن التسمعه
ايصيح هاكم
هاكم اقرونه شوارع
كلها فقره


لـ أرث الناصرية ألراحل عبد الأمير العضاض

🍃



واشتاكيت ..

واتمنيت ..

ادفن وجه روحي بعتبة البيت


لـ ضياء السيد كامل


🍃

🍃


إنّها..

لوعة تكتفني وتذيبني حدّ التبخر..

لوعة الرغبة التي تموت على جدار المستحيل..


لـ علاء حسين الأديب

🍃


انزفلك شعر بالليل 
انزف جرح مامشدود 
اخلط روحي اضيعها 
بكوام السنبل المحصود 
احلم بيد تنمد لي ...
تعزلني من التبن والعود
تبذرني بنهر وخدود    

لـ الراحل طارق ياسين

🍃

ردت اگـلك والتهينا
وفارگتني ..
ردت اگـلك ..
عودتني 🌾

قناة ادبـية
تهتم بالشعر الشعبي

للمشاركة
@haider_tariq
https://telegram.me/she3r_i

تعال امرورتك حلوه .¡
تعال بخضرتك يالوح بيه شگد مطر يسوه..
.
.
وتعاهدلك ويه .."
الشيب ينذل لو غفل سير.. اي وحگ علي
.
.
وتعاهدلك ويه .."
الليل من يبرد يرد يحتر..¡
.
.
وتعاهدلك ويه .."
الحيل يمشي بواهس مگير..¡
.
.
.

#عباس_الغالبي.

صفصافه

..
..
يرخصله الغله وياخذ عيوني وياه ..
اليجيني بخبر منک ياخذ شمآ راد ،،
رغم ادريک ماهزک بليلة الشوگ
لا سهران مثلي ولا گطعت الزاد !
وصلت لحاله اتنخه اليجي بملگاک
وحتی الما يشوور خذت منه مراد ..

#علي_آل_جعفر

صفصافه

..
.. (( أخذني وياك ))
جملني بعد كطره وخذني وياك
هناك الفيض كلبك
حتى روحي تنام
عصفورة جرف بلل جنحها الكيض
اخذني وياك
امشي ابغير واهس
والطواري كصار
وعيوني غرب وجفوف اديه اوداع
واسمي ابغير معنى
وميل كحلك غاب
وتنشدني اعله كلبي !
كلبي حب وذاب
ياكلبي حلك تنور لو سرداب ؟
صوغني ولو من ليلكم نجمه
تبات وياي
ومن تشبع سهر
ويجيسها الوهواس
اطفيها ابصبح
والغبشه رشكه ماي
واشعلني ولع
يدوي العطش بالعود
حتى انزع جلد روحي
وارد لصباي
أملني الفرح بسمك ورد عالباب
فاحت ريحته ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واكلك مكدرت يالتكدر ابلياي

الشاعر عريان السيد خلف

صفصافه

( گذلة صليب )
..
.. مدري ليش وماحضيت بملگه منك
بيها جانت كل زرازير السلف تنگل اعتابي
اتوسمت منك سوالف بيها فرگه
وبيها جان الهوه شامت
ياخذ بعطر الوداع لرية الشمات شهگه
جنت تدري بروحي الك واحة اگرنفل
ووين ماوليت ريتك
راح تشتمني علكيفك
وين ماتيهت جدمك تلگه بعيوني
مسافه وجم محطه اتاني جيتك
ابحر شماحله بعينك رجفت ارموشك اشراع
ونية اخدودك سمار وفرت اجدامك وداع
ولوم بيه
الروح تستاهل ملامه
وورج اجفوني على ليل اليسوه
اعوفنك وانامه
انت انت شماجزيت بجرحي لجمة
تبقه غالي
شما تنسينه السنين اوجوه اهلنه
تبقه تسيورة غنه وونسه علبالي
انت ذاك الدوهنت بيه الليالي
مشتهيك
وماعرف ياهو اليدليني بطريجك
مااعرف ياهو اليورجني علباجر
بيه اشوفك
ولا اني كافر واترك الله وبيته
واتهود واطوفك
لابگه بريتي نفس ينعز وازته
ايواكح منادس ازلوفك
انت يالطيفك صديجي
وفتحت اذراعاتك بساعة الملگه
( للصليب اتلوگ گذلة )
وياقساوة ليلك البده سواده بجفن
الحديثات كحله
متاني جم جيت قطار
متاني حد ماهدلت امتون المحطه
وتارس اعيوني انتظار
انت يالمغتصب عذرية الدروب بجدمك
اليتم ملامح عشگ بيـه
واسره بيك الراي ظنه لغير وادم
انا ادري اغصانگ يطگها اليباس اتصوفر
وتعطش خضاري
وترجع لفي الربيع البيه نادم
تعرگ اعيوني بواجي ومستحه النتاگ
يندل بيه روح
التحلم بجيت حبيب
دورت غيرك وطن واهوايه غيرك
ومومهم شگد لگيت
المهم انا غريب .!!
اعمه گلبك
وفشله اگل للناس يندلني ويجيني
وانا ادري
انت بس انت التصحلي
غشمه ناس التانتك تعثر واعوفك
محد بگدگ عرفلي
واشتهيتك ديره مامرها مطر بللني شوف
انلجم وتخطر ببالي اتونس بجرحي
على طاريك واروف
ومن ترد تلگاني ابٲخر مجان الباگ
من عيني سمارك
عرگ لون المستحه بخد العَتاب وبهت
وجه الماي واستاحشت نارك
امتاني بزحمة بواجيي عفه وواهس جهال
اتلمس بجف اتجاهاتك ودور تلگه
بشفاف الهوه حجاية تعال
وشكثر بعيون ناسك دوريتك
تالي ادور عن نفس بجفوف ريتي
اتلمسيتك ..

لـ ضياء كريم

الرائع ميثاق الهلالي :

.. دلّيني بشواطيّك يبو النعناع
يالبيك الگرنفل يعبر الصّوبين
والغبشة ومسية زلوف...
شفتك من خذانه الليل
ضمّيت الگمر مابين صدرك واستحه النفنوف....
لا تشتاگلي من بعيد
بس حط روحك بروحي
اذا ماجيبلك حتّه الصبح زافوف.....
خلّيني بطرف ليلك ولو نجمة
مشت بيه الدروب جروح
وانت بعيد
ماميّزگمت مابين برد العافية من حرورة اللچمة...
ولانسمة التدّگ الباب
امس مرني الهوه من بعيد واتعده.....
حلاة الموت وانت وياي
مايدري الندى من يموت
ماطوله بحضن ورده ........
وحگ الحنطة البروحك الك چم بيدر بروحي
وسوالف ناس مملوحة
اخذ كلشي التريده وياك
مبيوگ العشگ ماينحسب مبيوگ
مادامه بطرگ روحه.......
تره ضميت كل اسوالفك بالراس
واسرارك الماي بروحي اغطّيها
وهاي سنين وانه لخاطرك عطشان
حلّفني اذا بدّيت گطرة وسولفت بيهه....
واقراني سوالف عود يعزفني طفل شاعر
قضيته وياك مره تخيب مره تخيب
مدري شمالني بلياك!
يتكسّر بريجي الماي من تغيب ...
مدري شمالني!
وماحاسابلهه احساب
گمت اتسودن ءمن اشتاگ
عود البارحة گلت ارد امرّك طيف
بس شلون وآنه بهالثلث تيام طير وكسر جنحه فراگ...
ماظل شي اعله حاله من الدمع لليوم
ضحكاتي, النجوم, الشارع, البستان
مدري شمالني مدوهن واسولف بيك
وادم زرعت وحصدت ولاگت خير
وانه افلاحتي الدخان.......
من ذبلت شواطيك مشه بروحي النخل جنّاز
واشتاگيتلك تابوت
لاتنسه..
تره الفلّاح من يموت زرعه يموت...
وصارت بيك سالفتي
اسولف بعدك ويامن
يبو خلگ النهر لوفاض والوادم خلگ هيمة
مهو اليگصي العطش وياه
سالفته شحچت وشگالت الغيمة......
من اهد ما صار عدّك راي عني تروح
وانه ليومك بلا راي
ماوصّيك
خاف تصيرلك قسمة و تبدّلني بوجه ثاني
تره مو كل وجه بيه ماي..
فرزنهم
تصح وادم گصب مرّات بس ما يصح بيهم ناي.

..
..
تسافر عيوني على خصرك من بعيد
تمدد بروحي وعليه افرش ضواك
الدنيا ناس وروحتك ما بيها ليل
الله مدري شحاط يا طين بگفاك
اترسني ملگة وعوض ذنوب الفراغ
شكد مطر بية اشتهى ينگط وراك


الغائب الحاضر علي_رشم

..
..
ولو ماريد تزعل حت من تحلم
ازعل خلي اشوف شلون يصعد للخدود الدم
ازعل خلي اشوف شفافك الحلوات
من تغتاض تتبسم
..
كريم راضي العماري

..
..
(واهس ناي)
.
.

شلي بآخـر عمـر لوما بديته وياك؟؟؟
شضم ياسنـة بصبري وعالـوداع ألحگ؟؟
اجدد صورتك واستحي امن النسيان
اخاف اغفـه وملامح صورتك تعتگ
حزن ساعي البريد انفض على البيبان
لفاني بچم رسالة وظرفك مشگك
النفس صوغة الدنيه لكل صدر بي شوگ
واليخجل عشگ من كل حلم يعرگ
اليشد رمشه اعله نيته ايعرف لون الناس
تكبر غربتي ويم رمشك اتعلگ
النوارس تستحي تشوف النهرعطشان
بس اتگص جنحها لكل جفن يغـرگ
دمع وشگد صلات اويه السمه اتانيك
دعاء المبتلين بكل درب يشهگ
السفر من ينحسب تكبر بطوله الناس
ويچذب الملگه البالدرب صدگ
الگصب گلب ضلوعي بكثر ماونيت
بكثر ماخفگ گلبي وعلى غيابك دگ
حسباله اندفن بالصدر واهس ناي
منگد ما بأسمك لو لفظته اشـرگ.
..
..
صابرين جواد الكعبي

خذني يمك جبار رشيد بصوت كرار اللامي 🎶🎶

ليش ما ذاكره صوتي 😒

حقك ع راسي