:
.
عافيه انته
ابحضرتك يبره العليل
و يا هوی الله الشايله ابنسمة هوإك
و يا ربيع الله اليغيض أربع فصول
و يا عشگ سبعين يا روحي شمرآك
اوياي شرجي و آنه اشمنك نسيم
ردتك اتمرني و تدولبني ابسمآك
يشهگ القداح من عطرك ايغار
چا عمت عيني الاغمضها ابگفاك
.

ركزان الشبآني

صفصافه

..
.. وأبتسملك !! تضيع تلگاني اعله جفنك
انا اغانيك .. لوّن صليت حزنك
انا موالك .. لوّن غنيت حملك
وأبتسملك
من وره البردة التعبر الريح اشوفك
احجي گلبك لو ردتني !!
من وره البردة التعبر الناس أحسبك
من وره عيونك احبك !!
آه وعيونك نست چفي وبجتني
ياهو يمسحلك دموعك
ياهو يدناك ويشمك
ياهو لو طاحت سماك
جناح وأبساتين اچملك
گلي ياهو
اليبتسملك !! باسم الخاقاني

صفصافه

..
.. ياوجه ... كلّش تشبهه... ذكّرتني بضحْـكِـته التشبه دشاديش إبغناني إمشجّره وبـ إرذاذ غبشه
ذكرتني ...
بفي الشناشييييل ذيج الضيّعتها
ومن شفت عينه شفتها
بالدرابين الزغيره الجنها أصابع جاي تسبح بالخصر
ذكرتني بكلشي مَر ..، وكلشي ما يرضه يمر
يا وجه كلش تشبهه
ووجهك يراويني وجهه

#معتز_سامي

صفصافه

..
.. ادوخن بيك
تفتر السما بروحي.. واحسك تركض بروحي مسافات وليالي سنين
واسألهم عليك ومايعرفونك
واتيهن بيك
مدري انت التتيه وأنه اتيهن بيك
مدري شبيك!! وأتلمس واشوفك بيه مو بالناس
أثاري انت التبجيني واگول الناس!! أنه بلحظة خيالي اتفرهدت روحي
حظنتك يا حبل مشنوق
يشتّم كل نفس بيه وصرخت وياك
يالذة طعم موتي الگسمته أوياك!! يازمزم دمع عيني البچیته أوياك
أمس عشتك گبل لا تنخلق بيه
واسميلك خشوع بكل مناره تعيش
أمس نمنه وخيالك يمنه طول الليل
بچه روحه عليك ومات
والنجمات ترجف والگمر ذبلان
وأنت بصورتك مذبوح
والحيطان تنزف دم على الحيطان
تاخذنه واگلك ها شلك بينه؟
تمر بينه صدى وصوتك يفززنة
فارگناك.. ماتدري...؟ بچینا هواي
نصرخ والگمر دنگ كتب عالماي
انت آخر ضمير وتنتهي الدنيا
.
.
.
عادل الدراجي

صفصافه

احچي بكل حرير الله التعرفه وياك
وتگلي خشن
خشن حزن الليل
صيحة ريل راجع من وليف بعيد كلش
مثل الفراگين كلش
حزن ينطخ بحزن

نوابي

صفصافه

"
"
"

مر ولاتمر عالباب
ولا مرة تكول احباب
وأنا صوتي اليطشه الريح يندهلك
نسيته ولا يفيد عتاب
مر مرة غريب المايعرف الباب
يغايب وركة البردي يضوكها المرار سنين
غير الاه ماتحمل
نجدية رمل تبرج
تحاچي الكيظ روحي الحيف شوك تمل
أحلم والحلم يعتب
يتلاشه العتب نبضات
ونبضات العتب تعتب
جا شنهي البعد بالروح مايعتب
خل يعتب عشكنا شرايد شيعتب
ودعني ليلة غفل باگ الفرح بالعين
ومشاني طول العمر روجه بوسط مايين
مشوار طول الدرب
وتيهني من سنين
وموت الغريب الصبر نكض رفيف الروح
وصوتك يهلبت يمر صوت العشگ مسموح
ولو غاب طيف الجذب طيف الصدك ماغاب
خلنا احباب
مر مرة غريب المايعرف الباب..

ناظم السماوي

صفصافه

..
..
عِــشكـَـْــتك حلم
بالوحشة البعيده اتسامر اجفوني
وعِــشكـَـتكَ
من ونيــن النايحـه الحره
التلم مجرى الدمـع
من عينها اعيوني
وعرفتك تستحي من العايزه الجبحه
وتـِفل فل الظفاير سفة اضنوني
وتوسمتك .. نِكـش بجفوف بدويه
وذهب ليره .. وشهامه .. اتوج شمس لوني
وتِـعودتك
حليب الوالده الطيبه
وصبرها .. وشيبها
اليتعب على امتونــي
ونذرتك وجه للنجمه الجديده
ونايل وغايه
سمارك عزّتي .. وعشاكـَك اهوايه
عشير الكل عشير ايصونك ابروحه
وبري من كل وجه لو ما حفظ مايه
اشـمّك بالجفوف الطاهره الخشنه
واشوفك بالوفي الكِصٌته امندّايه
وأبورح
لو هبوبك يلتكَـي اّبارح
واخضّر بالعطش من هيبتك دايه
انه ابغيرك كـَمر ما شافته اولايه
انه ابغيرك گلب نِـــيٌته امغـَطـّـايه
ويظل طرواك
نسمة بر.. لايرخص شرفهه
ولاهي تتعـثــّر
يمن طرواك .. خاوه الجدم والمعبر
يمن طرواك.. خاوه الجرح والخنجر
تعودتك
شهامه وخوف ومكابر
وتعـّودتك
محــّبه وليل ومسامر
وتعـّودتك .. خليل وخل
حبيب وكل حبيبه اتبيع طاريها
و ِنــِــتْ
ما بِعِـتْ طاري الراح والمجبل
يمنجل مايلف الردي من االسنبل
يذل وجـــــــه اليضدّك
ونته ابد ما اتذل ,

عريان السيد خلف

صفصافه

:
..
.. نذر لعيونك اعيوني
وحنيني وكل بجايا الحيل
يلكلّك طمع عاشگ
يعايل ماتعرف العيل
أظن تدري ابحنيني ايموت
مالوم اعله چف اسهيل
واشچيلك واحن مگرود
يلوصلك ترافه وهيل
احن چالفاجده امن النوگ
لو فگدت حوار ابليل
یألمها گلب مصدوع
واتردها مدامع سيل
يطربها الحنين ابشوگ
لو حنت ثلث توكات
وروحي الماغداها الفوت
لفها وجمع بيها وفات
يفطمها الهجر واتعود
ترضع بالوصل مرات
ديدان الهوه هذا
وصل وامكابر وحسرات
لاچن ياحلاة الشوگ
لودگ بالگلب نغمات
يدعيلك حماد الروح
روض ايعانق النسمات
محفوف ابسواجي الود
عليه أمروز ملتفات
مشتول ابأمل باچر
فرح بجناح فراشات
ترسم للهوه اخيالك
وتهديك ابترف نجمات
يلما عاتك كل شوگ
غير اطيافك الحلوه
ينيسان الهوه ابترتيب
ياسلوه اعله كل سلوه
هواك ابكل كتر چودر
وسموك الخلگ بلوه
.
.
#غازي_ثجيل

صفصافه

"
"
"

مر ولاتمر عالباب
ولا مرة تكول احباب
وأنا صوتي اليطشه الريح يندهلك
نسيته ولا يفيد عتاب
مر مرة غريب المايعرف الباب
يغايب وركة البردي يضوكها المرار سنين
غير الاه ماتحمل
نجدية رمل تبرج
تحاچي الكيظ روحي الحيف شوك تمل
أحلم والحلم يعتب
يتلاشه العتب نبضات
ونبضات العتب تعتب
جا شنهي البعد بالروح مايعتب
خل يعتب عشكنا شرايد شيعتب
ودعني ليلة غفل باگ الفرح بالعين
ومشاني طول العمر روجه بوسط مايين
مشوار طول الدرب
وتيهني من سنين
وموت الغريب الصبر نكض رفيف الروح
وصوتك يهلبت يمر صوت العشگ مسموح
ولو غاب طيف الجذب طيف الصدك ماغاب
خلنا احباب
مر مرة غريب المايعرف الباب..

ناظم السماوي

صفصافه

مـوش احـلـفـنـه
و گـلـنـه انـمـوت و مـا نـتـفارك
جـا لـيـش بـسـاع اتـفـارگـنـه

نــوابــي


صفصافه

حزني حتّه اعله القميص ايطش ورد ! ..

ريسان الخزعلي

صفصافه

.
منين اجي وعين البنفسج تشبح لطولي قصيدة.
من ورى الشباچ دليت الضوه
وسيّر هلا اوادم جديده..¡¡
ومن ورى الحنّه تغاويت اويه چفچ
والشمس جانت عله زلوفج بعيدة..
وها حلاتج
تاخذين الليل
من چفي اعله كيفچ
واشتهي ضنون الشته وتبرد ضلوعي
وتحترك بيه الرسايل !!
وهاگذلتج
مدري ليش تغار من عدها السنابل!!
يعافيتي وشوگنه مسامر مواگد !
عاشگين وما درو بس الله شاهد !
الگاع تفرش روحها امرايه اعله گدج
وشامة الدنيا اعله صدرج
تاخذين بروحي الهلاهل والغنا يساچي الونين..
مدري ليش
إمن الموادع تستحين ""
مدري ليش تشوفج اعيوني زغيره ..
وطفله_حلووه
شما چزت بيج السنين
.
.
.

#وسام_سباهي
.

صفصافه.

.
.
.
.
.
.
.
.
.
.
واگلك مثل كل الناس
حبني بگثر معنى #الماي
مهموم #وتعنيتك
حبيبي لا تصيح وياي
احن من تبزغ بروحي
انا الصبير وانت الماي
#مارديتلك لوما عطش #معناك

لـ الشاعر
#علي_الشباني
.
.
صفصافه

.
.
.
.
.
.
.
.

.
#بس وَياك اشوف الگمره وگتين
ولاخفت اعله
#شوفي يصيب لو خاب

وبس وَياك..
.
اهيس الحيل حيلين

اهيد شلون بيه بكل گتر #شاب
لهسه بچيلتگ دلالي خدران

لهسه بشوفتگ ملچوم ماطاب
.
.
.
#عباس_الغالبي
.

صفصافه

..
.. ولا متونس بروحي وصدك مختار
الحجي القل المشاوف بيه يضل تذكار
الشمع حلمه العرس ونار
لكينه حلامنه بكدنه شكبرنه زغار
دنيه وبيه نتمنه الملاكه الحار
غنينه ولكينه الدمعه من اطيح يبرد ثار
حسافه الصحبه من اتمر ضحك شفه وكلب خطار..
..
محمد الجراح

صفصافه

قناة متروسة ذوق تفوتكم

..
..
هية هاي
الما يريدك يمتة ما تصفن تجي ابالك ضحكتة
وليش عفته
النذر كل عمرة علگ بيدك عگدتة
وليش عود سوالف الراحو بعيد تلوگلك
وليش احس غصات روحي الماجزت حسراتي حييل تعودلك
وليش عود
نية الدخان فزعة شما گبر تمثال صفناتي العفتهن اثر وجهي وماعرفتة وين اروح الدنيا خلتني بگفاهة
وروحي ذبحتني تون
وانا ادري بروحي ذبت كل سترهة وماتحس غيرك حضن
وانا ادري الزرع كل عمرة اشتهاتك ابد مايرضة بحصادة بغير وكتة گلي يمتة ..... .
ل أحمد الهلالي..

صفصافه

..
..
ياغاية صفنتي وحقي اصفن بيك
اشو بالصفنه كلبك هـــم علي بدل
لا تزعل علي خاف ارد ازعلك يوم
مو قصدي ازعـــــــــلك حتى تدلل
ولا تعله علي مو خاف تنزل يوم
والعايش ابعـــــــــــالي لو نزل ينذل
احصدني ابدلالك علعل المحصول
بس انه اخاف عليك تتعـــلعــــل
شني معناك بعدي انت ما موجود
اذا ماكو حصاد منين اكو منجل
بنص فركت اسنونك خلي روحي اتعيش
واخذها بهلمسافه وياك من ترحل .
.
للراحل #عبد_الحسين_الحلفي

صفصافه