🍃
بصراحه لحد قبل ساعه چنت ناسيك
مرتاح وبدونك غمهه من راحه
من كالولي اجه رديت ذاك الجان
مبين شوگه الك من لزمت اصفاحه
لـ ياسرفليح
🍃
بصراحه لحد قبل ساعه چنت ناسيك
مرتاح وبدونك غمهه من راحه
من كالولي اجه رديت ذاك الجان
مبين شوگه الك من لزمت اصفاحه
لـ ياسرفليح
🍃
انتي
من يمته
على الشباج مشتوله شتل
ها -- كثر روحج على الجبله تنت
اّنه افر الساعه فر
دكت بكلبي غفل
جيت كل الليل بيدي
حدر جنحانه ملامحنه غفت
كلبينه سطور حبنه الاولي
وانفرت كل الكتابه
كولي ما جلمه انمحت؟
اّه يلعشره القديمه
اشكد اريد الروح تنسه اوما نست
كوّه مني الشوك ياخذها عليج
وبكفر سجينه بيدج فرفحت
اوها - ردت بس ما رضيتي
اوكلتي هاي اتصير عدنه بيا بخت؟
يلي طولج سيسبانه بعز ربيع
شلون ما مالت حلت
تذكرين -- طبكة الشفه على الشفه برد
تطفي حر الشوك وتلم النهد
وانه شذكر ؟
وانتي كلج صرتي على الشفتين
بوسه بخد ورد
عبد الإله المنشد
صفصافه
من يمته
على الشباج مشتوله شتل
ها -- كثر روحج على الجبله تنت
اّنه افر الساعه فر
دكت بكلبي غفل
جيت كل الليل بيدي
حدر جنحانه ملامحنه غفت
كلبينه سطور حبنه الاولي
وانفرت كل الكتابه
كولي ما جلمه انمحت؟
اّه يلعشره القديمه
اشكد اريد الروح تنسه اوما نست
كوّه مني الشوك ياخذها عليج
وبكفر سجينه بيدج فرفحت
اوها - ردت بس ما رضيتي
اوكلتي هاي اتصير عدنه بيا بخت؟
يلي طولج سيسبانه بعز ربيع
شلون ما مالت حلت
تذكرين -- طبكة الشفه على الشفه برد
تطفي حر الشوك وتلم النهد
وانه شذكر ؟
وانتي كلج صرتي على الشفتين
بوسه بخد ورد
عبد الإله المنشد
صفصافه
اتنطريتچ خوف ياخذني غريب وزادي مامش
ولملميتج شوگ وامشيچ بكثر ما سولفيتج
واعتنيچ ابطىرگ روحي
امفضفض ابهم الگصب ما يتعب من الشوگ حيلي
وابچي متخورس بلايه ادموع وافرشلچ شليلي
انچان مصوج گبعيني بچلمة العار الچبيرة
وسولفيلي بلمة الديوان .. سالوفة نگيصة
وسدي بيبان العتب مامش عتب
للروحه مخواف وزغيرة
صدگي واليزمط جذب عايش عله امناغز ضميره
عبد الاله العامري
صفصافه
ولملميتج شوگ وامشيچ بكثر ما سولفيتج
واعتنيچ ابطىرگ روحي
امفضفض ابهم الگصب ما يتعب من الشوگ حيلي
وابچي متخورس بلايه ادموع وافرشلچ شليلي
انچان مصوج گبعيني بچلمة العار الچبيرة
وسولفيلي بلمة الديوان .. سالوفة نگيصة
وسدي بيبان العتب مامش عتب
للروحه مخواف وزغيرة
صدگي واليزمط جذب عايش عله امناغز ضميره
عبد الاله العامري
صفصافه
شجره روحي وحبك يمرني مواسم
صافحتني بچف خريفك
نزعتني اوراقي كلها
وصافحتني بچف ربيعك
مات بيدي
وچفك بچفي برد
وتعجبت ..!!
ألدمعه من تنزل ضحك
تنزل رخيصه
ومن تشب بركان بظنون الندم
تنزل ضريح
لاتمد جنحك شمع
وتگول اصلبوني قضيه
ولاتحط روحك مسيح
أنت أول لافته اتشگگت من ثگل الشعار
زغرتني والحزن بيّه مشى
بكبر الضمير
بّردت أول شراره بروحي
يل مايك غطاني منين أطير ؟؟
آنه دليتك عليّه
وعلگت ورقة مصيري
بيّن چفينك رساله....!!
لـطيف العـامري
صفصافه
صافحتني بچف خريفك
نزعتني اوراقي كلها
وصافحتني بچف ربيعك
مات بيدي
وچفك بچفي برد
وتعجبت ..!!
ألدمعه من تنزل ضحك
تنزل رخيصه
ومن تشب بركان بظنون الندم
تنزل ضريح
لاتمد جنحك شمع
وتگول اصلبوني قضيه
ولاتحط روحك مسيح
أنت أول لافته اتشگگت من ثگل الشعار
زغرتني والحزن بيّه مشى
بكبر الضمير
بّردت أول شراره بروحي
يل مايك غطاني منين أطير ؟؟
آنه دليتك عليّه
وعلگت ورقة مصيري
بيّن چفينك رساله....!!
لـطيف العـامري
صفصافه
أعبد الليل اليسولفلي شمع
واعبد الليل اليخاويني دمع
واكفر بدين الوجوه النايمه بطاري ضحكتي .. ومن يمرني الليل ماتندل دمعتي
اكفر بدين السوالف لو جزاهه الماي وتدور خضار
واكفر بدين اليوالف من يعدني متاع ويسولفني نار
وجهي يكفر بالزغار
الطشرتني فياي والعازه شمس
عيني تكفر بالنهار
الما توضه بلون باچر لايسولف عن امس
فراس غالب
صفصافه
واعبد الليل اليخاويني دمع
واكفر بدين الوجوه النايمه بطاري ضحكتي .. ومن يمرني الليل ماتندل دمعتي
اكفر بدين السوالف لو جزاهه الماي وتدور خضار
واكفر بدين اليوالف من يعدني متاع ويسولفني نار
وجهي يكفر بالزغار
الطشرتني فياي والعازه شمس
عيني تكفر بالنهار
الما توضه بلون باچر لايسولف عن امس
فراس غالب
صفصافه
محطات | 🍃
أعبد الليل اليسولفلي شمع واعبد الليل اليخاويني دمع واكفر بدين الوجوه النايمه بطاري ضحكتي .. ومن يمرني الليل ماتندل دمعتي اكفر بدين السوالف لو جزاهه الماي وتدور خضار واكفر بدين اليوالف من يعدني متاع ويسولفني نار وجهي يكفر بالزغار الطشرتني فياي والعازه شمس…
ااالله ، الطشرتني فياي والعازه شمس
تـدري نـوبـات الـسـفـن
لو ضـاگ خـاطـرهـا بـجـبـن قـبـطـانـهـا
تـسـورب وحـدهـه !
نـوابـي
صفصافه
لو ضـاگ خـاطـرهـا بـجـبـن قـبـطـانـهـا
تـسـورب وحـدهـه !
نـوابـي
صفصافه
وصـفـوك الـي نـواطـيـر
و گـالـولـي
كـل الـلـيـل يـلـتـم مـا يـطـفـيـك ...
زهير الدجيلي
صفصافه
و گـالـولـي
كـل الـلـيـل يـلـتـم مـا يـطـفـيـك ...
زهير الدجيلي
صفصافه
كلت انجفه الماي
وذبل عود الياس
و الوادم نست و بغيرنه اتسلت
و اول ما شفت طولك نسيت الصوت
و روحي بلا سبب بجفوفك افتلت
يا گمرة حياتي البعد ما هلت
يا انت .. و كفاني اتوهدنت وياك
تحسبني .. وحسبتي وياك ما فلت
كلمن عرف وشره .. وشال منها الشال
وتعده العمر و الوادم اندلت
هسه الراح راح و بين اديك الروح
بس ذمه برگبتك يوم لو سلت
عريان السيد خلف
صفصافه
وذبل عود الياس
و الوادم نست و بغيرنه اتسلت
و اول ما شفت طولك نسيت الصوت
و روحي بلا سبب بجفوفك افتلت
يا گمرة حياتي البعد ما هلت
يا انت .. و كفاني اتوهدنت وياك
تحسبني .. وحسبتي وياك ما فلت
كلمن عرف وشره .. وشال منها الشال
وتعده العمر و الوادم اندلت
هسه الراح راح و بين اديك الروح
بس ذمه برگبتك يوم لو سلت
عريان السيد خلف
صفصافه
صرت رماد
شيردني بعد شجرة
من دون الجمر ضليت
ما يطفى حرگ روحي
شحلاة الموت للما ضلت احلامه
شحلاة الموت ل التشابه ايامه
معقولة بعد ما اشوفن عيونك
لو ادري
اضل يمك
وما اگلك
عشگك نار
چنت بعيد لايحني الدفو منك
شقربني وحرگت چفوفي بچفوفك
وصرت رماد
شيردني بعد شجرة
مرتضى الحمد
صفصافه
شيردني بعد شجرة
من دون الجمر ضليت
ما يطفى حرگ روحي
شحلاة الموت للما ضلت احلامه
شحلاة الموت ل التشابه ايامه
معقولة بعد ما اشوفن عيونك
لو ادري
اضل يمك
وما اگلك
عشگك نار
چنت بعيد لايحني الدفو منك
شقربني وحرگت چفوفي بچفوفك
وصرت رماد
شيردني بعد شجرة
مرتضى الحمد
صفصافه
هَفّي هَفّي ،
اِيْ يشباجي الجديد ، بداعة آمك ،
بروح أبوك الليلة هَفّي .
بيّه من ذاك العشك خنكَه عتيجه ،
وكل هوه الله وما يكفّي .
بيّه من ذاك العشك فحطة فراشه .
فحّطوني الكَبلك بهيمة سراب .
واعدوني .
عود نسمه ، ومدري وين .
عود كَطرة ماي .......
من ذيج السنه بماعون مجفي .
اِيْ يشباجي الجديد ،
بروح آبوك ، بداعة آمك ،
وج ضواياك آعلى كَد فحطة آنفاسي ،
شوف شنهي البيّه يابس .
امنين مختنكَه فرحتي .
شوف شنهي البيّه مطفي .
اِشعل آروازين روحي .....
اووين متلاكَيك نشغه آعليها هَفّي .
عاين بوجهي يشباجي العزيز .
عينك آتشع بيّه ليره .
ارموشك آتهفّيلي سعفه .
اِبتسم لي ،
بسمة آشفافك مهفّه ....
بكل رذاذ الله تهفّي .
وعلى آعناد الطاح سكَفه .....
وطفّه ماي آمرايته ، وما طاح سكَفي .
بشوك حار آتدنّه مني ،
اِشواي من زلفك عطور ،
اِشواي من صوتك بخور ،
اِشواي من وجهك عرك وجْنه ....
لجمر كَلبي ويطفّي .
كلّش آتدنّه يشباجي الجديد .
حيل كاتلني العطش ،
اِسكَيني بوس .
آنا آريد الماي بوس .
مالي جف لشْفايفي آيصعدله كاس .
بيّه من ذاك العشك رجفة عطش .....
مايركد الكاس آعلى جفّي .
آنا آريد آلماي بوس .
بوسه بوسه ولّحّد ما أخدر وآغفّي .
نومة آهل الكهف كون ،
وشْملذ نومه بكهف ، لو أنت كهفي !
سنين كَبلك نومي فز .
كلّش آتدنّه يشباجي الجديد .
فحّطوني الكَبلك بهيمة سراب .
واعدوني ،
عود نسمه ، ومدري وين .
عود كَطرة ماي .....
من ذيج السنه بماعون مجفي .
حيل كاتلني العطش ،
اِسكَيني بوس .
آنا آريد آلماي بوس .
عبد الكريم القصاب
صفصافه
اِيْ يشباجي الجديد ، بداعة آمك ،
بروح أبوك الليلة هَفّي .
بيّه من ذاك العشك خنكَه عتيجه ،
وكل هوه الله وما يكفّي .
بيّه من ذاك العشك فحطة فراشه .
فحّطوني الكَبلك بهيمة سراب .
واعدوني .
عود نسمه ، ومدري وين .
عود كَطرة ماي .......
من ذيج السنه بماعون مجفي .
اِيْ يشباجي الجديد ،
بروح آبوك ، بداعة آمك ،
وج ضواياك آعلى كَد فحطة آنفاسي ،
شوف شنهي البيّه يابس .
امنين مختنكَه فرحتي .
شوف شنهي البيّه مطفي .
اِشعل آروازين روحي .....
اووين متلاكَيك نشغه آعليها هَفّي .
عاين بوجهي يشباجي العزيز .
عينك آتشع بيّه ليره .
ارموشك آتهفّيلي سعفه .
اِبتسم لي ،
بسمة آشفافك مهفّه ....
بكل رذاذ الله تهفّي .
وعلى آعناد الطاح سكَفه .....
وطفّه ماي آمرايته ، وما طاح سكَفي .
بشوك حار آتدنّه مني ،
اِشواي من زلفك عطور ،
اِشواي من صوتك بخور ،
اِشواي من وجهك عرك وجْنه ....
لجمر كَلبي ويطفّي .
كلّش آتدنّه يشباجي الجديد .
حيل كاتلني العطش ،
اِسكَيني بوس .
آنا آريد الماي بوس .
مالي جف لشْفايفي آيصعدله كاس .
بيّه من ذاك العشك رجفة عطش .....
مايركد الكاس آعلى جفّي .
آنا آريد آلماي بوس .
بوسه بوسه ولّحّد ما أخدر وآغفّي .
نومة آهل الكهف كون ،
وشْملذ نومه بكهف ، لو أنت كهفي !
سنين كَبلك نومي فز .
كلّش آتدنّه يشباجي الجديد .
فحّطوني الكَبلك بهيمة سراب .
واعدوني ،
عود نسمه ، ومدري وين .
عود كَطرة ماي .....
من ذيج السنه بماعون مجفي .
حيل كاتلني العطش ،
اِسكَيني بوس .
آنا آريد آلماي بوس .
عبد الكريم القصاب
صفصافه
بستان العصر
روحي تعبت شوگ.. يلطولك حرير
روحي صبيرة ومشه بيها الرملْ شمسين.. وإنتَ
إنتَ روحي تريد من فيّكْ شِبِرْ
يا ضفيرة ماي مسگي الشوفْ منك..
يلي عينك تنبتْ بدمي ظهرْ
ياحلمْ هايمْ، تُوَديكْ الشمسْ
بربَعْطعش مهرة شگر
روحي شيمه، اتْحّني گذلة سنه اكحيله
.. وحيلْ تركضني سطرْ
زتني بدرَيبك سَنه
أكتبْ رموشك غنه
أشتلني صفصافه أفيّ ترابْ جِدْمَكْ
خذني بعيونك سوالفْ
خذني بگليبك حچي
ولو ثگل ضَيم الليالي
أوگع بخدك بچي
خذني شوفه إتشيمك.. ترسمْ عيوني عله ثوبكْ
بالحنينْ.. وماي وجهي أتحزمكْ
أبچي وجه المستحه بزيجكْ نهرْ
أغسلْ ترابْ الليالي.. ترتوي النيّه الزغيرة
وتغمض أعيونْ السفرْ
يا غصنْ.. يا خَيطْ وَاهِسْ للشَمِسْ
ما جاسْ دِنياكْ العَطَشْ
وأركَضْ لطاري سواليفكْ نَهْرْ
يلي طولَكْ غَفْوَة النثيه بتعَبْها.. بنومْ أصابعها الطويله وبالسَهرْ
أزهي لو تزهي دهرْ
بيّ من ضَيمَكْ دَهَرْ.. ضَيمَكْ دَهَرْ
خِذني يَشْگرْ لا تردْني
صفگة إجناحين خذْني
هناكْ.. لو جاكْ الغوه، وشوْگ اللعِبْ
من جَرفْ نَجْمه بِعيده أرضه تِذبني
خذني گتلك.. تِشْتِهي الدنْيه وَكتها تِردْ لأمسْ
روحي بستانْ العصرْ، وَحشه ومشتْ عنه الشَمسْ
مرّ عليها وندّي دَربْ الليلْ.. يلغَرْبي ولكْ
ياسمه عيوني.. يلمرجح ليالي فَلكْ
خذني وي حالي شلكْ
خذني يا.. فدوه لهلك
فدوه لهلك
علي الشباني
صفصافه
روحي تعبت شوگ.. يلطولك حرير
روحي صبيرة ومشه بيها الرملْ شمسين.. وإنتَ
إنتَ روحي تريد من فيّكْ شِبِرْ
يا ضفيرة ماي مسگي الشوفْ منك..
يلي عينك تنبتْ بدمي ظهرْ
ياحلمْ هايمْ، تُوَديكْ الشمسْ
بربَعْطعش مهرة شگر
روحي شيمه، اتْحّني گذلة سنه اكحيله
.. وحيلْ تركضني سطرْ
زتني بدرَيبك سَنه
أكتبْ رموشك غنه
أشتلني صفصافه أفيّ ترابْ جِدْمَكْ
خذني بعيونك سوالفْ
خذني بگليبك حچي
ولو ثگل ضَيم الليالي
أوگع بخدك بچي
خذني شوفه إتشيمك.. ترسمْ عيوني عله ثوبكْ
بالحنينْ.. وماي وجهي أتحزمكْ
أبچي وجه المستحه بزيجكْ نهرْ
أغسلْ ترابْ الليالي.. ترتوي النيّه الزغيرة
وتغمض أعيونْ السفرْ
يا غصنْ.. يا خَيطْ وَاهِسْ للشَمِسْ
ما جاسْ دِنياكْ العَطَشْ
وأركَضْ لطاري سواليفكْ نَهْرْ
يلي طولَكْ غَفْوَة النثيه بتعَبْها.. بنومْ أصابعها الطويله وبالسَهرْ
أزهي لو تزهي دهرْ
بيّ من ضَيمَكْ دَهَرْ.. ضَيمَكْ دَهَرْ
خِذني يَشْگرْ لا تردْني
صفگة إجناحين خذْني
هناكْ.. لو جاكْ الغوه، وشوْگ اللعِبْ
من جَرفْ نَجْمه بِعيده أرضه تِذبني
خذني گتلك.. تِشْتِهي الدنْيه وَكتها تِردْ لأمسْ
روحي بستانْ العصرْ، وَحشه ومشتْ عنه الشَمسْ
مرّ عليها وندّي دَربْ الليلْ.. يلغَرْبي ولكْ
ياسمه عيوني.. يلمرجح ليالي فَلكْ
خذني وي حالي شلكْ
خذني يا.. فدوه لهلك
فدوه لهلك
علي الشباني
صفصافه
عين الما تشوف أحبابها الحلوين ..
ما هي عين ..
ولا هي تشوف ..
ولا هي بعمه ..
ولا هي تنام ..
نـوابـي
صفصافه
ما هي عين ..
ولا هي تشوف ..
ولا هي بعمه ..
ولا هي تنام ..
نـوابـي
صفصافه
هلي بيه درو كمت ان احبك
ودرو بس انته تلفتلي انتباهي
وهلي نشدوني عنك كلت بالروح
ونشدوني اعلى روحي وكلت ماهي
وهلي يعرفوني من تتزاعل وياي
اضل اصرخ رحمتك يا الهي
وانته هواي متغير هالايام
والبراسك حجو اني اعرفتهم
نفسهم همه اجو واتقربولي
ودكوا باب كلبي واطردتهم
لان تقديرك انته فوك عالراس
احطهم وين انه لو قدرتهم
انته ما تجي بس انه اشوفك
همه شكد اجو بس ما شفتهم
لجل حالك اني بهذلت حالي
وحالي يكول يلا المهم حالك
ودلالك زاد زيدلي اذيتي
واذيتي اجماله هم تحب دلالك
ويمنتي جاهزه لشبكه يمنتك
وشمالي خدرت وتنطر اشمالك
اذا انته دكول مو من حقي اصد ليك
خيالك حلو نصد لخيالك
يشابع نوم والله قرايه قاريك
ومدري اشمالني وادري اشمالك
كالولك كبل عنديي علاقات
وغيرك انه عاشك هواي اسامي
اعشكت غيرك نعم بس تدري اشلون
اعشكتهم مو صدك وانه باحلامي
وانه عندي قصد حبيت غيرك
حتى امتلك خبره في غرامي
صار اسنين احضر واقره لهواك
وصار اسنين احضر في كلامي
لان ميصير احبك مثل غيرك
وانه الضامك لاخر ايامي
وانه الحبيتهم جانو بروفات
حتى تضل انته مسك لختامي
احب شنو بيك واكره كلشي مو بيك
لذالك كمت احبك عامي شامي
ومو بس برضاك اتولعت بيك
بخصامك حيل متولع خصامي
شسولف عن محبتي ما تصدك
انه بنفسي ما مصدك محبتي
اجه سيفك علي وخرت عنه
ما قبلت علي زعلت ركبتي
.
.
.
.
.
ألجَبـل
عَبد الحُسِين الحُلفيّ
صفصافه
ودرو بس انته تلفتلي انتباهي
وهلي نشدوني عنك كلت بالروح
ونشدوني اعلى روحي وكلت ماهي
وهلي يعرفوني من تتزاعل وياي
اضل اصرخ رحمتك يا الهي
وانته هواي متغير هالايام
والبراسك حجو اني اعرفتهم
نفسهم همه اجو واتقربولي
ودكوا باب كلبي واطردتهم
لان تقديرك انته فوك عالراس
احطهم وين انه لو قدرتهم
انته ما تجي بس انه اشوفك
همه شكد اجو بس ما شفتهم
لجل حالك اني بهذلت حالي
وحالي يكول يلا المهم حالك
ودلالك زاد زيدلي اذيتي
واذيتي اجماله هم تحب دلالك
ويمنتي جاهزه لشبكه يمنتك
وشمالي خدرت وتنطر اشمالك
اذا انته دكول مو من حقي اصد ليك
خيالك حلو نصد لخيالك
يشابع نوم والله قرايه قاريك
ومدري اشمالني وادري اشمالك
كالولك كبل عنديي علاقات
وغيرك انه عاشك هواي اسامي
اعشكت غيرك نعم بس تدري اشلون
اعشكتهم مو صدك وانه باحلامي
وانه عندي قصد حبيت غيرك
حتى امتلك خبره في غرامي
صار اسنين احضر واقره لهواك
وصار اسنين احضر في كلامي
لان ميصير احبك مثل غيرك
وانه الضامك لاخر ايامي
وانه الحبيتهم جانو بروفات
حتى تضل انته مسك لختامي
احب شنو بيك واكره كلشي مو بيك
لذالك كمت احبك عامي شامي
ومو بس برضاك اتولعت بيك
بخصامك حيل متولع خصامي
شسولف عن محبتي ما تصدك
انه بنفسي ما مصدك محبتي
اجه سيفك علي وخرت عنه
ما قبلت علي زعلت ركبتي
.
.
.
.
.
ألجَبـل
عَبد الحُسِين الحُلفيّ
صفصافه
"
"
"
اليٍدورني يلگه بروحي الك غار
وما يحتاج تحميك الحمامه
گالو شسمه گتلهم فلا اكول
اليحب تفضح اسراره الابتسامه
ضميتك بروحي بوكت بيه عوز
ضمت خبزه بجيوب اليتامه
الهوى اليدخل بريتك يطلع انسان
ومن تتنفسه تترك علامه
يملح السالفه من اسمعلك ارتاح
حلاة الرجل بملوحه كلامه
#مصطفى_العيساوي
صفصافه
"
"
اليٍدورني يلگه بروحي الك غار
وما يحتاج تحميك الحمامه
گالو شسمه گتلهم فلا اكول
اليحب تفضح اسراره الابتسامه
ضميتك بروحي بوكت بيه عوز
ضمت خبزه بجيوب اليتامه
الهوى اليدخل بريتك يطلع انسان
ومن تتنفسه تترك علامه
يملح السالفه من اسمعلك ارتاح
حلاة الرجل بملوحه كلامه
#مصطفى_العيساوي
صفصافه