أعبد الليل اليسولفلي شمع
واعبد الليل اليخاويني دمع
واكفر بدين الوجوه النايمه بطاري ضحكتي .. ومن يمرني الليل ماتندل دمعتي
اكفر بدين السوالف لو جزاهه الماي وتدور خضار
واكفر بدين اليوالف من يعدني متاع ويسولفني نار
وجهي يكفر بالزغار
الطشرتني فياي والعازه شمس
عيني تكفر بالنهار
الما توضه بلون باچر لايسولف عن امس

فراس غالب

لاتكرص بعيني الليل #خلصان

وأنه بنادم حنين منين #ماجان

بس وياي عاشورك #تسابيج

وانه الخلصت عمري وياك #شعبان

شلي بعشاك بس جلمه وتصاوير

بلا شوف العشك

مكتوب #خرسان

عشت شوف #الكواغد

والسهر #نار

صرت سجه تراب وليل #دخان

لهسه العيد عندي ابلا #دكاكين

أنه المبيوك عمره

بحجت #انسان

انه الحيطانه منخل وكت #الغروب

وصرت جني القيامه بصوغ #عريان

سيد عباس الغالبي |●

اشبده مني ؟
يلمگلب أيامي البوم !! شرخص بيه ؟
وبديت تسوم

احمد المرشدي |●

حزني ابعيد ماينلاح
مثل حزن النبوه وفشلة التفاح ..

عبد الوهاب الحمداني |●

هذا انه بعدني انسان

جواز لكل غريب يريد بيه يسافر لروحه

وهذا انه ..شمس وفياي
للما سولف جروحه

ل عزيز عسكر |●

آلعشك سالوفة معيدي
وآنتي منين آنتي منين

وحك كل فزة خضيري
وحك آمشابك البردي
وحك جرغد صريفتنه
وحك شيلة خضار الهور

سويتج نهر بيه
حطيتج سلف بالبال
شميتج جرف خدران

يبت روحي ..
ترى الطاحن عليج بثكل بت شيوخ

ترى ابمكفاج طف آصياح
ترى آبمكفاج مدري آشطاح

تعاليلي بحلم سكران
اريد ازهك سوالف نآي
تعاليلي العطش مغتاض
طاسة ماي

يبت روحي
تعالي وخل آدثرنج
كصيبة طين

ل ماجد الزبيدي |●

ترافة ميسان

حسبالي العرس ضحكة وخلگ بارد

ما أدري العرس بالمگبرة نعايد !!

ولك يهلال ، شو هاي الليالي تزيد !!
ولك يهلال ، چم دمعة بعد للعيد ؟؟

#حسبالي

باسم الخاقاني |●

لــفني بــچفوفك جــريدة !!!
ولا تــبات إبـين نـيات الـكتابة أعلى الـصور
لـفني بـچفوفك جـريدة إمـن الـقهر

رائد التيموري|●

اليحبـك بي بخت مو لان يمشي وياك ..
.. اليحبك بي بخــــت من يخلص بجلدة

عفتني لوحدي وظل حزني يمشي وياي ..
.. مشي الـــــدافن حبيبة وراجع لوحدة

الجنت بيـــــــهن أكَـودك واعبر الشمات ..
.. بيهن كَـمت اكض خاصرتي واتعدة

أخـــــــافن تنسأل هذا الويــــــاك منين ..
.. كَلــــــــــهم هذا واحد كَـــلب ما عدة
عشــــــاكـَ الصـــــدك لو كَعدوا إبستان ..
.. نفسهم ينكَــــــطع من تنكَـــــطع وردة
أنكَطع كل الورد وانسحكـَ وانتة تشوف ..
.. وجبينك بالجـــــــــذب ما عركـَ واتندة

رد وين افتركَـــــنا تشــوف ماي هناك ..
.. إســـــــــألة منين أصــلة افتهم من عندة

هذا الكَــــلب ذاب اتبـــــخر من الضيم ..
.. وصعد بعيـــــوني غيم ويمـــــــك اتبدة

#راضي_الموسوي |●

سيروآ ابالي
وجنطهم جف غريب يكودها
وآلهضيمه آطيوفهم
يبنن عشوش وي روحي
ومامش طيور آلتحط وتبوكها

يله ي سنيني
آلوجع سالفته ليل
خل نمش ولغير سجه
بلجي والله بديره هيل

بلجي ننسى
آنتوب
نفحط
من رجيف آطيوفنه
وكون نعدل
من جديد
ونفرش سوالف بخت بدروبنه

خل نعوف
آلكاع
وآلغبشه
وبجينه
وكل سوالف مالحه
وخل نزاعلهم جذب
آآآي جذب
آلجادر المابي ثغيب
فاهيه جفوف آلتثوب الفاتحه

ماجد الزبيدي |●

_
.
نيتك تاخذك مني

برهاوه و تزغر بعيني

مشيت شعايف بروحي

احسهن ثگلن سنيني

ثگل زفة حبيبة تفوت

گدام النذر عمره مهر ويبات خزامه على وجنتهه

ثگل حيرة على بت الليل من تجزي العهر كله
ويفز بيهه الضمير شيفض ليلتهه

شيلم طولي التبده بنار

الشمع لو طاح ما ينلم

يجرحك يشبه الحنه

حلات تشوفة خلگ الله

وعليّ چويات من سلهم


حسن الفضلي |●

لا غنوه التفك العوز
ولا لذت بواجي وحته نبجي رداف
اليحجي ب محمد والحجه ب هارون
احنه من الثنين نخاف


سيد عباس الغالبي |●

الراحل سعد محمد الحسن

قصيدة الى الموصل

ألف رحمة اعله روحك يا شيخ

الشاعر عباس الغراوي /ميسان