لاترحل يحبيب لالا

لاترحل

غدارة الدنيا وخافنك ماتندل

وخاف أتضيع وأنا أحتار

وألمن أسأل ؟

وتغدي الغربة

كلش صعبة

وموجك عالي وماكو أشراع

وآخر كلمة أوياك أتصير

هي أفراك وهي أوداع

ل زهير الدجيلي |●

حتى الموت صار ايشيل خشمه
من علينه ايفوت
وندكله رجل ..هلبت علينه ايطيح
يشبخ معتمد
ويشرعب ويه الريح
انصيحه
انجر عباته
انفززه من ابعيد
يتباهه ابغلاته ومدري وين ايديح







لــ #عريان_الشعر

احن لمسامرك والكاك شلكاك .. 

شري المعشر حلاوة شوكَـ مابيك

ويمر صيفك صبر واتنطر اشتاكَـ .. 

تبيع عزتك وبروحي انه شريك

ابد ما سامرتني الاه لو لاك .. 

ولا عمري نطفه بليل المواعيد

الك جانت يحلو الطول جيات .. 

عجب تبخل علينه بجيت العيد

عريان السيد خلف |●

#راح_تسمعوها_بصوت_صفاء_الناشي😉

جزتني الدنيه بأول طيف مر و ما لكه عيوني
وتهمست البشر والماي !
جم باجر شربني وعطش اظنوني
اعله كل فركه انجفي ابشوكي
اعله كل نثيه اهز كلبي وﻻ (مريم) تعرف اششالن اعثوكي #كاظم الركابي

بعد شبكه ويطر الليل
واستورح طعم جيه

وآآحن وسوالفك بالبال
تخضر بالدرب نيه

يابربين
ياقداح
ياريه

تهت يم ليل زلفينك
يمرجوحه وندى وعيدين

يأآول خصر سكران
يتمايل نثاية تين

يآآآنت
حﻻتك من حﻻة ألناي
يبجي عيون ذيج الناس
وكح وبذمتك اشجم كأس

يآآآنت
دفو حضنك عراضة يآس


ترافة ماجد الزبيدي |●

كوديني
اريد اندل ضحكتي الضامها الوهواس
اريد اركص طفل ما يستحي من الناس
اريد استفسر من الله شكو بروحج
اكبر منج ومستصغرة جروحج
خريف وما رخيتي وظل خضارج ياس
يا خبزة حصار الحاضنة التنور
عبرت جم سنة ومن تنذكر تنباس
كوديني بدت تكبر تجاعيدي

ل..انيس العيساوي |●

مسية العافية ، يخالي

باجر أخير أمتحان أدعولي ، وان شاء الله أرجع اتواصل وياكم ، ب النشر ❤

#رمضان_مبارك_عليكم

●
هذا انه املك بالعشگ

كل العشگ

صورّي ورسايل غربتي

وصوت امي وعيون المشو

والحمد لله إعله المشو

باسم الخاقاني |●

•°•°•°•°•°•°•°•°•°•°•°•°•°•°•°•°•°•°•°•°•°•°•°•°

لا تضيعين العرف انه جنسيتي سماري


الگاطع |●

خَلف جدار القَلب ..
مساحهٌ تَعّجُ خُرده بَشرية
يَقطنها اُناسٌ، اركتبوا اثماً وظنوا
أننا لا نحمل الاستغناء عَنهم .

- أين انتم !

#صباح_الخير

كون أشوفن سندبادك

شايل إعله أچتافه جُــــزْرَه

كون أشوفن مريمَك ما بيها لولـه

ومن صِدِگ نلكًاها عَــذرَه

هيــٌه حسره .. وعشره مُـرٌه

والمراره إتزيــد للمايلكًه فـَـيْ

وينتجي إعله الشيب عمـره

ل الگاطع |●

يا عسر الليالي المرن إعله أيوب

غفلة أوحزن روحي البيهن اتجدد

ياباب السكَـم..

خايب ولك دنسـّـد

اذا راح الوفه

او ساموا جرحنه ب آه

أذن مامش دوه .. ايخلي الجرح ينشـد

محمد جواد الدخيلي |●

رجعتلكم حبايب ، بس المتابعين هواي مغادرين شسالفة 😂

ترا كلت أمتحان وراجع ، المهم الذائقة الموجودين راح أستمر وياكم 😉

أحبنكم❤

اليوم في طريق الوداع 💔
مع الأخ والصديق صفاء ، بعدها حان موعد الفراق ، الى لقاء قريب 😞

( سرقوها خميسآآ وانا ع ضفاف الدمع آستنشق عبيرها )

ترااه الماعرف لمرايتي آترجاه
ﻻيدنى ويخرب ليل كذلتها

آمربيها من اهد جان آلكماط ب ناي
وانه لهسه وعلي ماجست شيلتها

آجر الليل غطوه وافرشلها آلبال
واحط حجاية الله بترس حالتها

انه الظافر عمر ماظافرلها فراك
انه الشيعوني كصبه بنهر ليلتها

أفل بسوالف الله وآعكد شكد ناس
وﻻ هديت جفي بظل كصيبتها

انه امفرغ الغروب بشيلة ام الشيب
واشيط الليل ثغبه بثكل دمعتها

أرد محني الهدم حنيت كصب بالصيف
اذا من باب بالي اتمر عراضتها

انوم الطيف غصبآآ من تمرني بليل
خاف الطيف زلمه ويطر شبيتها

شريفه ومن صدك بس عدها حيل أشكال
تغار من الله عني وهاي سولتها

كبرت عرست سموهاا آم فلان
وانه لهسه اعلى اسمها أمبدي حنتها

مرت وانكتل بيه اعتقد جناز
وتوابيت البروحي بكد سلف بتهاا

ل ماجد الزبيدي |●