🍃



يابو وجه العافيه بسولة قطار

تلولح بروحي دليل السچه ماهي

وانت ماكو حتى طعم الخمره فاهي


لـ عباس الغالبي


🍃

🍃

شنهو عود الدنيا مابيها مچانك

وشنهو عود الناس من أطلع گبلها

تگلي هنيالك يگمره

انته سامع بالنفس چتاله حسره


لـ عباس الغالبي

🍃



روازين أنتظارك بيه حيل ازغار

ماتحمل شمس جيتك

مر بيه بلم ، تلگاني چرچف ماي

واطرگ ألك روجات وأتكسر وجه بلور

انه اخلافك سلف مهجور

وصفنات الصرايف مستحه حديثات

مامش حيل أگومن وانچبح ناعور

شمعه موزره متانيك تلطم نار


لـ علي العبودي

🍃



تعال أنمر على البستان

علينه وروده زعلانه

وانطش سوالف العشاگ عل القداح

اگو چم ورده ذبلانه

تعال الليل هاجس والدرب نعسان

أجي بيا خطوه خدرانه

نيتي وياك نية دروب

ليش تحط حجر عثره

وألك بيه ضفاير شوگ

مافليت خاف تفرع العشره


لـ علي العبودي



🍃

🍂
.
انة اطمئن ..
يمك واذا تبتعد ..!
من كلشي يمي انة احس بخطر
الليل يدري شكد احبك لأن
وياك عيني تستلذ بالسهر
اذبل لحد ما ..
ارتوي بشوفتك
چن سنبلة الروح وعشرتك نهر
بلياك كلشي يصير مابيه طعم
ماميز ابين الورد والصخر



لـ ايهاب المالكي

ادني يمي
بيه الچ شوغة شلب وشفافي گيض ..
وانتي دهله من الغوه وملگاچ. فيض ....
ادني يمي
نگطي صوت ...
كاسري الوحشه الدبت بعيوني موت ...
سيري تعلولت گمر ليلي اشتهاچ
وفكي ريجي الباهت بشيرة ضواچ ...
انتي يل همسچ عوافي
وشبگت عيونچ أمان ...
ونمرش اچفوفج برد غبشه وشذاچ ..
ينده البيه ويچملني عمر ....
وشتهيچ ...
طويره حره
حاطه براگ السلف
ماطلع حس الزلفها ولا تمشرگ ليلها بحظرت شمس .. ولا سمع شباچها مگاطف همس ...
ولا دنه الحجرتها ذيب
ولا غفه بچفها اسم ريحة غريب ...
انتي هيچ ...
خرزه كهرب غافيه بصرت عجوز ...
وانه أصبع خام ماضايگ شذر
ماتجين نملچ الحلمين چف طين وجذر
ونستراح وكيف واهسنه يطيب
وننشتل شهگة شفايف
تحلم أبوسة حبيب

لــٓ قاسم بخيت

🍃

هاج روحي
واسافري الديرة حلال
اعشگيني
اشتهيت انحب
گبل لا اشتهي الدخان
ولو تلگيني صم انسان
ميخالف بعدني اهواي
اعشگيني
هذاك انه الگالچ طيف رغم ماچان هوسه ابنومة اعيونه
اعشگيني
مادام الزلف ينشاف
بعدهه اسنيني كلهه ازغار
اخاف اندار والگه الشيب هوسه ابراسي كلش عيب خاف انعاف
چي ملگاچ بارد حيل اخاف ابرد اهواي اشبيچ ماتدرين لو تدرين حيل البرد موثوبي
بعدني امچلب ابمگفاچ بس مرات ل الله من اشتهيچ اهواي خايف تكبر اذنوبي

لـٓ محمد العقابي

اكعد يمي يبن الناس
من يكعد حلاته الحظ

متت بعدك يالمعدل
كضني ابجفك ارد أعدل
السبحه اتعيش من تنكض

| لـٓ كرار الفريداوي

خلوهه كبره النار بس يالتطفون

هلبت يجي ويالناس وتشوفه العيون
-
-
حميّد ال سرهيد

في بلادي اصبحت المقابر تتجشأ، هي أيضاً ستموت مُتخمة ذات يوم !

#نور_محمد

اشترك في بوت وَجعْ للمزيد من المسابقات والالعاب الادبية والخواطر
@waaja3bot

القصيده

التنكتب بسمك

خمرهه يجيبني البابك..

لـٓ كريم حاشوش

ما اجذب عليك
الخوف سد بروحي مية باب
لكن ما طحت يالماي وجهك طاح

عزيز عسكر

لا اجـت بالباب نسماتك و المـهن

و لاكو اليشبهك غصن ، غصنين
و اشبگهن و اشمهن

صارلي شچم ليـله عيني اعلة النجـوم ،
ردت اعرفـك ياهي منهن ؟

صفاء الجبوري

ولا جنك ...
هذاك اليعتنيني مسابك وي الضل

هذاك اليشهك ويشرب ملامح وجهي من اجبل ..

ذبل بشفاك ذچري
وسره بدمك ماي ...

يالخلصت عمري وياك طيب اشتل

احمد المرشدي

نثايه الريح
.
.
تعديت لشكو بروحك وجستك حيل۔۔۔
لگيت الگمره بظنونك غريبة ليل ۔۔۔۔
بيش اقراك وانت بكل عشگ ينرادلك ترتيل۔۔۔
وابچيني!
الدمع ماخلة بعيوني۔۔
وخذن لوني..
نثايه الريح واتعدن على رسومك۔۔۔
ولايدرن عطر روحي ترسته بكشخة هدومك۔۔۔
اسافر وين من حزني؟
اخاف امن الدروب الصافنه تلومك۔۔
واخاف تبيعني وناس اتدنالي !!
واذا ينباع ! چا ليش العشگ غالي؟
واذا بجنازتي توازيت ليش تصير چتالي؟
الفشله بعيني ليش اتطوف وانه ادريك مو مالي۔۔
متت بس ماخذاك الحيف من بالي۔۔
هفت بيه الضمير ومنبرك عالي۔۔
قريتك بالعطش والماي من جان الوفه ايلالي۔۔
اذا مابيك شبگة باب لاتنسد۔۔
استحيتك والذنب من ينغفر يبرد۔۔
تغاويني الوجوه وصاوغتني الوان
بس ما شفت بيهه احد..
الصدگ ينباگ !!
من تتشابگ رموشي ويندهني ۔۔
وتفز بيه سوالف ناس ماتدري عليمن رايده اتغني۔۔
انبعت والبيهن انشديت باگني !
مدري شمال الحديثات
جاسن قصتي وكتبنهه للعميان
چا مايستحن مني!!!
( گلايدنه ورسايلنه )
يشبهن ونك ووني!!

#صابرين الكعبي.

حزني ايجيسني اويه الليل

حزني بعيــــــــــد

غاد من الگلب حزني

أبعد من مكاتيبك

وانت هنــــاك ، غاد من الشعر مكتوب :

القصيدة تجيب كل شي بعيد

بس ما تگدر تجيبك !

حزني بعيــد ما ينلاح

مثل حزن النبوّة و فشلة التفّاح

حزن أعمى اعله المراية

حزن شاعر شعل روحه شمع لعيون الولاية

حزن هذا الوطن حزني

حزن نثية خذوا منها گصيبة و راي

حزن جرفين ما حفظن أسرار الماي

حزن كل العراقيين وأدري هواااااي !

#عبد_الوهاب_الحمداني

گــلي ليش معاتب طيوفك برد
گــلي ليش ذبلن الجلمات لو طكن ورد
گــلي ليش الطيف شو ما بي ملح
وچانن الدمعات فوگ الخد صلح
(كــلي ليش شوگك يروح ويرد)
يا رفگت الليل ينشد والسوالف والضوه
عنگ ويامن مشيت وين تشتم يا هوه
هاي قسمة حظنه لا مو قسمة الله
جنت تمدح بالقطار وحسبت مو منها لله
يالشتلت بعيني شوفك وين ماخذ يا درب
ازگــي بوشالت صلاتي وخضرت بعيوني #رب
(يا مواعيدك جزني ولا شفتهن)
جلبت بيهن خضار وجفي كاع ولا يهدهن
گــــلي ليش? شوگك يروح ويرد ،
،
،
ســيد: #عباس_الغالبي ❤
،،
،
🚬 واسمعوها بصوته 🎶🎶🎶

ولاذبلن مواعيدك
بعدهه اغصانهن خضره...
خذت كل الندى البيّه....
يناسيني اعله دربك سالفة وشجرة...
شموّت ياحلم بجفوني حته انسه!...
تره اتعثّر قليلة!!..تموّت العِشرة!!...
شضم اصورّك بيا ليل؟
يطفح كلشي بعيوني
قميص الليل مايستر ضوه الگمرة


-ميثاق الهلالي

شحلات اليفگد احبابه ويخم گلبه

مصطفى حسن