وچودرت حيلي ندم

والدنيه عضت صبع .!

والخفت منهن عمر .. هالليله ابشرك لفن

مروان العنزي

بـس انـه طـشـنـي الـدهـر
لـو طــش چـثـيـر إگـلـوب ..؟

لـٓ غـازي ثـجـيـل •

اخذني وياك ...مو منك ..
اخاف الغيم يندلني ويسولف للعطش عنك ..

صابرين الكعبي

صباحكم محبة 🌸❤️

گتلي
تَتلاگه الوجوه وماتلاگن
يالـ عفتني وباقي اناطر
بَلكي تَتلاگه الرسايل

لـ حسين الثويني

مدري ليش
كل ربيع اردود يخنكني الربيع
ساجيه تناديني ابجي
اغنيه تناديني ابجي
حس اذان ايمرني ابجي
منين مر الفرح بيه
وانت شيطان وكعد يم باب كلبي
وهمتني كلبي مسجد وانت جاي تصلي بيه
وهمتني كلبي حانه وانت جاي تغني بيه
شخبطت ضحكه على وجهي
ضحكه متروسه بجي
ضحكه كوه كدرت على خطوط وجهي تنتجي


حسن عاشور

انه اشمّك وية روحي
ويّه كل برديّة خضرت... من يجيب الروج ريحة سكر ختلات الحبايب!!
وانه احســّك ويَّ كل عطــّاب من (بحّة) حنين..
و لاعساه ايطول
عمره الــّلام گلبي ...لاعساه...

منقول

عظم الله لنا ولكم الأجر ..

بـ استشهاد السيد محمد محمد صادق الصدر

#رجل_بزمن_قل_الرجال

بين امسح دمعتي وبين ارد مكسور
وبين اضحك جذب مابين البيه..

موبس للستر منها وعرفة الشال
وكفته شكدها للماعدها ترجيه

ورديت بخلك والد بابن جناز
وتوسل كمت ع الخطوه رجليه

بعدك ماتعرف معزة اليمشمون
ماينطب البيت الماهو راعيه

والمدلل بزرته وفرهداه الموت
بناته تضل عمر تشتم خواجيه

صينية الشمس بيها الضوه مصبوب
وبوجه السمه النجمات مجفيه

وكادوني بوكتها وضحكو الشمات
ودلتني على دربي كلوب معميه

عرفتك من كلتلك ملكه ميل وميل
كتلي موادع وماحسبت جيه

ومو شرط الحلو بعينك حلو ينشاف
مو حلوه الوﻻيه بعين بدويه

خيرك زايد معجبني ليش تبيع
الينباع بوزه عيونه على راعيه

وﻻ انت الفطن حتى اقتنع مغلوب
وﻻانه الغشيم اليمشي ع النيه

حسين الحبتري

انا شفت الكحل نهرين فوك الخد
منو بجاك
زعلت البنفسج ولزعل راضاك
ياهو وياك منو غثك منو حاجاك
أااااموت انا من اشوفن في ورد وأزاك
ليش مغير ويايه
هلك لوناس لواحد علي وصاك
عمي اعليك انه موصي الصميده
بس تعال هناك
بس خليني اشوفك غربتي ابلياك
يل مايل علئ روحك غنج
ونعسان من كثر الحله
يا أطره من قداح ترفه امبلله
والله انه خايف من أعيونك
علئ عيونك يعيني مدلله
اشهل بعد موجبنه ساده
وكعدو الصبئ
وعجدنهً راية العباس
(( ونطشت هلال للرضا ))
وكلمن رجع فرحان ياروحي الهله
جا ليش هيجي اتمر عليه بغيض
وماتقبل اجي اتلكاك
انه خايف علئ ضلك يتعب اعله الكاع
خليني اشيله ابروحي وامشي وياك
وعله البعد وبهيده ومتدري انته
وابوسنً شامة الركبه واموت هناك
.
.
#رياض_النعماني

‏اللهم لا غرق إلا بالنجَاح ولا سقوط إلا في أحضَان من نُحِب."

نسيتك كلش من البال هدني لا تعت بيه

ناظم السماوي

مر بينه
الگطع مو زين
ترة دموع الهوه يشورن

كاظم الرويعي

بيبان السوالف ماي
يغسل وحشة الماشين
وعيوني بگايا وجوه
ذبلت والخسارة سنين
اللگه بروحه غصن كافور
اكيد يوالم الميتين
والغافي عله وجه الشوگ
مشتول عله طاري الطين

لـٓ فراس غالب •

لا تكول #اجدامي ملن
والدرب كلش طويل
مو مثل ليل اليمركم
ليلي #ليل
ليلكم كمره ومسامر
ليلكم عمبر #وهيل
ليلكم نازع ظلامه
وليلي لابس #ثوب ليل
ليلي يركض ورا الغبشه
شما وصل ليها #تشيل
انه مكتول بهواكم
هم شفت ميت #يعيل


#رحيم_المالكي

🍃


هدني كاغد ينتجي بجلمة اريحيه
هدني بيدك واستر جروحي بخطيه

ما الك نيه اشتريك بحيل كلبي
ما الك نيه اعبدك انت ياحلوات ربي

فاكد النجمه التضويلك صفنتك
فاكد الصفنه التلوليلك نجمتك

حبني كد الموت من يزهك بأهلنه
حبني كد نيشان شوفك من يطك سوله بدربنه

حبني خل اشتم هويتي الضايعه بحجة وطنه

لـٓ عباس الغالبي •

كدرت الكمر غفله
لكيت اكدار وجه أمي

وعانكته اعل شم وماي طاح اكدار تعب أمي

ونشدته بيا مجان تبات

وشسمك من يطيح الليل
وياهو الياخذك حصته

كال البيدر المضوي روازين السهر تجوي

وكال الطيف من تكبر مشاحيفه يسوي جروف المحبين كحلة عين

وكال وكال

وآنه التم واطيح بحضن تعب أمي

لـٓ عباس الغالبي •

عگب ما أيست وياك
هذا الصار شيعكبه

أدور بلكي شي موجود اچلب بيه

و الغرگان لو أيس يجر ردان أي گصبه

لــ حسين الثويني

بشريني يعلويتي
اشحده بغبشة توابيت الحزن بيه
وشبيها الشمس مني
ياشمعة حلال المارضت تطفه
ياضحكة ضميري ابيش مايغفه
بشريني
أنه بنادم لكيت بنيه تتوضه بمصير العيد من يغفه
بشريني وبشرج خاف
ماينلم سكر بالكاس
وليش نخاف مويمنه
هذاك ابليس يم الناس

عباس الغالبي

انا وحلمي
وضلي وگلبي
كل واحد يفرك بعيونه !

انتاني الدنيا
اتمر بالشــارع
وانضل نصرخ يااا مجنونه


ماتسمعنه
ونركض كلنه
مسابگ شوف اعله الرازونه !

احمد المرشدي