Загаловак: 🌿 Адчуйце подых стагоддзяў: Тыдзень традыцыйнай культуры на Слонімшчыне!

З 29 мая па 5 чэрвеня на Слонімшчыне распачынаецца тыдзень традыцыйнай культуры “Спадчыну Слонімшчыны зберагаем разам”.

Што ў праграме?
• 🙌 Жывое майстэрства: Навучымся народным рамёствам у лепшых майстроў.
• 💃 Энергія танца: Забудзем пра сучаснасць і закруцімся ў віхры побытавых танцаў.
• 📜 Скарбы продкаў: Пазнаёмімся з унікальнымі традыцыямі, якія захаваліся толькі ў нашым краі.

Далучайцеся да вясковых клубаў і аддзела рамёстваў — давайце пісаць гісторыю спадчыны разам! 💥

#КультураСлонімшчыны
#ТыдзеньТрадыцыйнайКультуры

💫У Слонімскім раёне распачаўся Тыдзень традыцыйнай культуры “Спадчыну Слонімшчыны зберагаем разам!”
І адкрылі яго смачна!💫

Першай падзеяй стала ‼️ШКОЛА ВУЧОБЫ‼️, для спецыялістаў клубных устаноў, на тэму: “Беларуская нацыянальная кухня: асаблівасці, традыцыі і сучаснасць”.

🔹Выступоўцы расказалі пра кулінарныя асаблівасці кожнага рэгіёна Беларусі;
✨пра традыцыйныя рытуалы і этыкет за сталом;
✨пра старадаўнюю Слонімскую кухню.

🔹 Усе прысутныя паспрабавалі стравы, прыгатаваныя па мясцовым рэцэптам - дранікі, бульбяныя аладкі, ламанцы і Слонімскі каравай!

🔹Падчас школы вучобы адбылася прэзентацыя метадычнага выдання - зборнік рэцэптаў “Традыцыйная кухня Слонімшчыны”.

📋Што далей?
Атрыманыя веды ўжо хутка ўвасобяцца на пляцоўках з традыцыйнай ежай на нашых брэндавых святах!
✨ А тыдзень традыцыйнай культуры толькі набірае свае абароты!

#ТыдзеньТрадыцыйнайКультуры
#БеларускаяКухняСлонімшчыны #КожнаяПятніцаРоднаеСваё

🍃ЗЯЛЁНЫЯ СВЯТКІ Ў СЯНЬКОЎШЧЫНЕ🍃

🍃Свята, у якім спляліся прыгажосць прыроды і глыбіня народнай мудрасці, прайшло 31 мая ў Сянькоўшчыне.
🍃Брэндавае мерапрыемства «Зялёныя святкі» стала сапраўдным упрыгожваннем календара Слонімшчыны.

🍃Галоўным сімвалам урачыстасці стаў велічны АБРАД «ВАДЖЭННЕ КУСТА» — старажытны рытуал яднання чалавека з навакольным светам.
🍃Звонкія галасы Траецкага гурта разляталіся па ўсім аграгарадку, несучы радасць у кожную хату.
🍃Гурт завітаў на падворкі, дзе кружыліся сумесныя карагоды і гучалі спрадвечныя словы-замовы, закліканыя прынесці багаты ўраджай і шчасце ў сем'і.

#БрэндыГродзеншчыны
#ТыдзеньТрадыцыйнайКультуры

🍃НАРОДНАЕ СВЯТА “ЗЯЛЁНЫЯ СВЯТКІ🍃

🍃Другая частка брэндавага мерапрыемства “ЗЯЛЁНЫЯ СВЯТКІ” разгарнулася на востраве каля возера ў аграгарадку Сянькоўшчына. Лакацыя сярод маляўнічай прыроды спрыяла поўнаму пагружэнню ўдзельнікаў у атмасферу старадаўніх народных гулянняў.

🍃Госці свята нібы перанесліся на стагоддзі назад: разам завівалі галінкі маладых бярозак, кумаваліся, кружыліся ў віхры энергічных побытавых танцаў разам з юнымі прызёрамі абласнога фестывалю-свята побытавых танцаў “Танцуем па-даўнейшаму”.
🥮Водар духмянай выпечкі і традыцыйных прысмакаў лунаў над востравам.
🎼Звонкія галасы і задорныя песні ў выкананні народнага ансамбля народай музыкі і песні “Грымата”, фальклорнага гурта “Вытокі” і народнага ансамбля народнай песні “Жывіца” Слонімскага раённага цэнтра культуры напаўнялі паветра асаблівым натхненнем і агульнай радасцю.

#БрэндыГродзеншчыны
#ТыдзеньТрадыцыйнайКультуры

📸ФОТАФАКТ - НАРОДНАЕ СВЯТА “ЗЯЛЁНЫЯ СВЯТКІ”🍃

Болей фотаздымкаў па спасылцы.

#БрэндыГродзеншчыны
#ТыдзеньТрадыцыйнайКультуры

💫👰‍♀️🤵‍♂️ КАХАННЕ ПРАЗ ВЯКІ! 💫 👰‍♀️🤵‍♂️

Вяселле для беларусаў заўсёды было не проста святам, а сакральнай падзеяй, напоўненай глыбокім сэнсам, прыгожымі песнямі і абрадамі, якія нібыта праграмавалі маладых на шчаслівае і багатае сумеснае жыццё.

🥮 Магія вясельнага каравая:
Нашы таленавітыя “Чараўніцы-каравайніцы” здзейснілі сапраўдны цуд - зладзілі самабытны абрад выпякання вясельнага каравая. Пад адмысловыя песні-пажаданні яны ладзілі цеста, упрыгожвалі яго шышкамі, каб доля маладых была такой жа пышнай і салодкай, як сам каравай.
🌾 Шлях у новае жыццё:
Яркім і хвалюючым момантам стала аднаўленне аднаго з ключавых элементаў вяселля - абраду “сустрэчы маладых”
бацькамі з хлебам-соллю, бласлаўленне на доўгі век на кажуху і сімвалічны першы сумесны крок.

Глядзіце нашы атмасферныя здымкі і натхняйцеся роднымі традыцыямі!
#ТыдзеньТрадыцыйнайКультуры #БеларускаеВяселле #КожнаяПятніцаРоднаеСваё
#ВяселлеПаБеларускіхКанонах