🍃ЗЯЛЁНЫЯ СВЯТКІ Ў СЯНЬКОЎШЧЫНЕ🍃

🍃Свята, у якім спляліся прыгажосць прыроды і глыбіня народнай мудрасці, прайшло 31 мая ў Сянькоўшчыне.
🍃Брэндавае мерапрыемства «Зялёныя святкі» стала сапраўдным упрыгожваннем календара Слонімшчыны.

🍃Галоўным сімвалам урачыстасці стаў велічны АБРАД «ВАДЖЭННЕ КУСТА» — старажытны рытуал яднання чалавека з навакольным светам.
🍃Звонкія галасы Траецкага гурта разляталіся па ўсім аграгарадку, несучы радасць у кожную хату.
🍃Гурт завітаў на падворкі, дзе кружыліся сумесныя карагоды і гучалі спрадвечныя словы-замовы, закліканыя прынесці багаты ўраджай і шчасце ў сем'і.

#БрэндыГродзеншчыны
#ТыдзеньТрадыцыйнайКультуры

🍃НАРОДНАЕ СВЯТА “ЗЯЛЁНЫЯ СВЯТКІ🍃

🍃Другая частка брэндавага мерапрыемства “ЗЯЛЁНЫЯ СВЯТКІ” разгарнулася на востраве каля возера ў аграгарадку Сянькоўшчына. Лакацыя сярод маляўнічай прыроды спрыяла поўнаму пагружэнню ўдзельнікаў у атмасферу старадаўніх народных гулянняў.

🍃Госці свята нібы перанесліся на стагоддзі назад: разам завівалі галінкі маладых бярозак, кумаваліся, кружыліся ў віхры энергічных побытавых танцаў разам з юнымі прызёрамі абласнога фестывалю-свята побытавых танцаў “Танцуем па-даўнейшаму”.
🥮Водар духмянай выпечкі і традыцыйных прысмакаў лунаў над востравам.
🎼Звонкія галасы і задорныя песні ў выкананні народнага ансамбля народай музыкі і песні “Грымата”, фальклорнага гурта “Вытокі” і народнага ансамбля народнай песні “Жывіца” Слонімскага раённага цэнтра культуры напаўнялі паветра асаблівым натхненнем і агульнай радасцю.

#БрэндыГродзеншчыны
#ТыдзеньТрадыцыйнайКультуры

📸ФОТАФАКТ - НАРОДНАЕ СВЯТА “ЗЯЛЁНЫЯ СВЯТКІ”🍃

Болей фотаздымкаў па спасылцы.

#БрэндыГродзеншчыны
#ТыдзеньТрадыцыйнайКультуры

🥮ПАЎЛАЎСКІ КАРАВАЙ🥮

🥮21 чэрвеня аграгарадок Навасёлкі сабраў прыхільнікаў і захавальнікаў беларускіх традыцый на брэндавым фестывалі “Паўлаўскі каравай”, які стаў выдатнай магчымасцю дакрануцца да самабытнай культуры Слонімшчыны і бліжэй пазнаёміцца з элементам НКС.

💫Госці свята з цікавасцю асвойвалі народныя рамёствы: майстры арганізавалі майстар-класы па дэкаратыўным роспісе, ткацтве паясоў, вышыўцы, кераміцы і стварэнні упрыгожванняў для каравая.

✨На тэматычных пляцоўках кожны жадаючы мог пачаставацца традыцыйнай ежай, паўдзельнічаць у народных гульнях і сфатаграфавацца на яскравых фотазонах.

🎼Святочную атмасферу і выдатны настрой дарылі калектывы Слонімскага раёна — народны ансамбль народнай песні «Жывіца» і народны вакальны ансамбль «Славяначка», а таксама паважаныя госці — народны ансамбль песні “Уладары” Ваўкавыскага раённага цэнтра культуры.

💥Фестываль пакінуў цёплыя ўспаміны і яшчэ раз пацвердзіў каштоўнасць і непаўторнасць нашых народных вытокаў.

#БрэндыГродзеншчыны
#КультураСлонімшчыны

📸ФОТАФАКТ📸

ФЕСТЫВАЛЬ “ПАЎЛАСКІ КАРАВАЙ”, аграгарадок Навасёлкі Слонімскага раёну.


#БрэндыГродзеншчыны
#КультураСлонімшчыны