#بالعراقي على ضوء الاعتراضات لجعل التعليم غير مجاني.

#انهض_بالتعليم
سابقاً :-
كان اكو امان وبعدين راح والناس كالت يابى ميخالف هذا طاغية والتغيير له ثمن.
كان اكو مواد غذائية كاملة بطاقة تموينية مع برميل او برميلين نفط وراحت كلنا يابى العراق يمر بازمة اقتصادية فنتحمل لبين ما تفك.
بس مال تعليم مجاني وحضرة جنابك تريد تسوي بفلوس ترى ما بقى شيء الشعب يطلع عليكم ويرجع اعضاء قيادة الثورة.
عمي بعد روحي التعليم الي بفلوس اله ايجابيات وانا احد المؤييدين بس شوقت؟!
من طيحان حظكم يوفر للناس الشغل والكسب والاموال والتأمين على الحياة والصحة ، مو نص الشعب بالخيم والنص الاخر تنتظر رحمة الراتب شوقت يصل والناس متعرف وين تدير وجهة.
وبعدين تعال ابو سكينة هو هذا يا تعليم ببلاش بعد شيباتي ، شو نص الكتب بفلوس ومن تقدم اعتراض ومسموط ابو ابوك تريدلك درجة تنجحك حتى تخلص من الصوندات بالبيت وطبعة النعال اللاستيك الي بالظهر وينطبع على ظهرك الصنع في العراق ويكولك ابو الاعتراضات لعب جيبك ب5 الاف دينار على اساس ديروح يطلع دفترك من الارشيف العثماني.
وهاي من عدا الخصوصي والاسئلة الي بفلوس والمشاريع الي بالمكاتب.
واذا حضرة جنابك تريد تسوي التعليم بفلوس حتى يدرس الطالب العراقي فاحب اكولك بلا هالسوالف التعبانة باوع حبيبي بس لا تفصلون الجنسين بالجامعات وراح تشوف الابداعات (للمزح فقط 😊).

بشرفي محد يحلها الا صاحب الزمان الي اجى يمه زعيم الماسونية.

#مهند_الريكاني
#Muhands89

بعض مشاكلنا في التعامل مع الآخرين تأتي من خطأ في تفكيرنا نحن لا في تفكيرهم هم..
فنحن نفكر في الناس كما لو كانوا مثلنا تماماً
متطابقين معنا في كل الصفات النفسية و الأخلاقية

#مهند_الريكاني | #Muhands89

نهر التاين ~ مدينة نيوكاسل ، بريطانيا.
بكاميرتي Galaxy Note 5.

#Muhands89 | مهند_الريكاني